Jenesis 19:7 - Pijin Bible

⁷ nao hemi tok olsem long olketa, “!Olketa fren! !Wei blong yufala ya hemi nogud tumas! Plis yufala no mekem samting nogud olsem.

Pijin Deuterocanon

⁷ nao hemi tok olsem long olketa, “!Olketa fren! !Wei blong yufala ya hemi nogud tumas! Plis yufala no mekem samting nogud olsem.

Jenesis 19:7 Iomraidhean Croise

Jenesis 19:4

Bat bihaen, taem wea tufala ya i no go fo slip yet, olketa man long taon ya, stat long olketa yangman go kasem olketa oloman, olketa hipap kam raonem haos ya.

Jenesis 19:6

Bat Lot hemi go aotsaet, an hemi satem doa bihaen long hem,

Jenesis 19:8

Tufala dota blong mi i stap, wea no eni man bin stap wetem tufala yet. Bae mi tekem tufala kam long yufala, mekem yufala duim enisamting wea yufala laekem long tufala. Bat tufala man ya, plis yufala no duim enisamting long tufala. Tufala ya i strensa ya, an tufala stap finis long haos blong mi, an mi mas lukaftarem gud tufala.”

Levitikas 18:22

“An hemi tambu fo man hemi durong wetem narafala man olsem hemi wanfala woman, bikos mi barava heitem tumas disfala wei.

Levitikas 20:13

“Sapos eni man hemi durong wetem narafala man olsem hemi wanfala woman, tufala mekem samting wea mi barava heitem tumas. Yufala mas kilim tufala dae, an dae blong tufala hemi from rong blong tufala seleva.

Aposol 17:26

Stat kam long wanfala man nomoa, God hemi mekem evri pipol long wol an hemi mekem olketa fo stap long evri ples long disfala wol. Hem seleva hemi bin makem olketa ples blong olketa fo stap an hemi bin makem taem blong olketa.

Leta wea Pol hemi raetem go long sios long Rom 1:24

Dastawe nao God hemi letem olketa fo falom olketa ravis tingting hemi stap insaet long maen blong olketa. So olketa gohed fo durong olobaot an fo spoelem bodi blong olketa seleva.

Diutronomi 23:17

“No eni man o woman blong Israel, i save kamap juri blong eni tambuples.

Jiud 1:7

An yufala tingim moa olketa pipol blong tufala taon long Sodom an Gomora an olketa nara ples kolsap long tufala. Olketa go krangge olsem olketa enjel ya tu. Olketa durong wetem eniwan an olketa barava durong nogud moa. So panis blong olketa nao hemi bikfala faea wea hemi no save dae long enitaem. An diswan nao hemi saen fo wonem yumi evriwan ya.

Jajis 19:23

Nao olo ya hemi go aotsaet an hemi tok olsem, “!Olketa fren! !Plis yufala no duim diskaen ya! Man ya, hemi stap long haos blong mi, an mi mas lukaftarem hem. !Wei ya hemi barava nogud!

Jajis 9:26

Oraet, Gaal hu hemi san blong Ebed, hemi kam long Sekem wetem olketa wantok blong hem. An olketa pipol blong Sekem i sapotem hem fo lidim olketa.