Jenesis 19:1 - Pijin Bible

¹ Nao tufala man ya i gohed fo wakabaot go long Sodom, tufala ya i enjel, an long ivining, taem tufala kasem ples ya, Lot hemi gohed fo sidaon nomoa kolsap long doa long bikfala wolston blong taon ya. Nao taem hemi lukim tufala ya, hemi stanap an hemi wakabaot go fo tok wetem tufala. Hemi baodaon long frant long tufala, go-go fes blong hem kasem graon,

Pijin Deuterocanon

¹ Nao tufala man ya i gohed fo wakabaot go long Sodom, tufala ya i enjel, an long ivining, taem tufala kasem ples ya, Lot hemi gohed fo sidaon nomoa kolsap long doa long bikfala wolston blong taon ya. Nao taem hemi lukim tufala ya, hemi stanap an hemi wakabaot go fo tok wetem tufala. Hemi baodaon long frant long tufala, go-go fes blong hem kasem graon,

Jenesis 19:1 Iomraidhean Croise

Jenesis 11:27

Stori abaotem laen blong Tera hemi olsem: Hem ya nao olketa wea i bon kam long laen blong oloman Tera hemi olsem. Olketa pikinini boe blong hem nao, hemi Ebram, an Nehoa, an Haran. An olketa pikinini blong Haran nao, hemi Lot, an Milka, an Iska. Nao Haran hemi dae long taon long Ur, long Kaldia, bat dadi blong hem hemi laef yet. Nao Ebram hemi maritim wanfala gele, nem blong hem Sarae, an Nehoa hemi maritim Milka, dota blong brata blong hem.

Jenesis 18:16

Nao trifala man ya i lusim ples ya, an wakabaot go long wanfala ples wea olketa stanap long hem an save luk godaon long taon ya wea olketa kolem Sodom. An taem trifala go, Ebraham hemi gohed fo wakabaot go wetem trifala fo lusim kam trifala long rod.

Jenesis 18:22

Nao tufala narafala man ya i gohed fo wakabaot go long Sodom, bat Yawe hemi stap nomoa bihaen wetem Ebraham.

Jenesis 19:10

Bat tufala man ya insaet, tufala openem doa, nao tufala holem hem, an pulum hem kam insaet moa, nao tufala satem doa.

Jenesis 19:2

an hemi tok olsem, “Tufala, yutufala kam, yumi go long haos blong mi. Bae yutufala save wasim lek blong yutufala, an yutufala save slip long ples ya. An tumoro, bae yutufala save wekap long eli moning fo go long gogo blong yutufala moa.” Bat tufala tok olsem, “No, hemi gud nomoa. Ples blong olketa strensa hemi stap nomoa long taon ya. Bae mitufala go slip long hem.”

Jenesis 23:12

Nao long ae blong olketa, Ebraham hemi baodaon moa,

Jenesis 48:12

Nao tufala sidaon antap long lek blong hem, mekem hemi somaot dat hemi lukim tufala olsem tufala i barava pikinini blong hem. Nao Josef hemi tekemaot tufala moa, nao hemi baodaon long frant blong dadi blong hem, wea fes blong hem hemi godaon go-go kasem graon.

Stori abaotem Job 29:7

Long datfala taem, mi save sidaon long miting long taon, an mi go miting wetem olketa bikman tu.

Stori abaotem Job 31:32

Mi askem olketa strensa hu i kasem ples blong mi fo stap fastaem long haostent blong mi. An eniwan long wanfala gogo, hemi save stap kam insaet long haostent blong mi.

Sams 69:12

Olketa gohed fo stori nogud abaotem mi long evri ples, an olketa drang man tu i gohed fo mekem olketa nogud singsing abaotem mi.

Gudnius abaotem Jisas Kraes wea Luk hemi raetem 17:28

An hemi olsem tu long taem blong Lot. Olketa pipol olketa gohed nomoa fo kaikai an dring an mekem bisnis blong olketa, an olketa gohed tu fo plantem gaden an wakem haos.

Hibrus 13:2

Yufala mas no foget fo lukaftarem gud olketa strensa wea olketa kam kasem ples blong yufala. Bikos samfala pipol long bifoa, olketa tingse olketa welkamem olketa strensa nomoa, bat wea, olketa tekem kam olketa enjel insaet long haos blong olketa nao.

Stori abaotem Rut 4:1

Boas hemi go long bikfala doa long wolston blong taon ya, ples wea olketa man save mekem miting long hem, an hemi sidaon weit. No longtaem nomoa man ya long famili blong Elimelek hu hemi kolsap moa long Elimelek winim hem, olsem wea hemi bin talem finis long Rut, hemi gopas. Nao Boas hemi tok olsem long man ya, “Ei, brata. Yu kam fastaem an sidaon long hia.” So man ya hemi kam an hemi sidaon wetem hem.