Jenesis 18:8 - Pijin Bible

⁸ Nao taem hemi tane finis, hemi tekem samfala milk an krim wetem mit ya, nao hemi karim go long trifala ya, long botom blong tri ya wea trifala stap long hem an hemi putum olketa kaikai ya long frant long olketa nao, an hemi gohed fo stap wetem olketa taem olketa kaikai.

Pijin Deuterocanon

⁸ Nao taem hemi tane finis, hemi tekem samfala milk an krim wetem mit ya, nao hemi karim go long trifala ya, long botom blong tri ya wea trifala stap long hem an hemi putum olketa kaikai ya long frant long olketa nao, an hemi gohed fo stap wetem olketa taem olketa kaikai.

Jenesis 18:8 Iomraidhean Croise

Jenesis 18:7

An hemi ran go long ples wea olketa buluka blong hem i stap an hemi siusimaot wanfala smolfala buluka wea i nambawan, nao hemi talem long wanfala wakaman blong hem fo hariap an kilim dae, an mekredi long samfala mit fo trifala ya i kaikaim.

Jenesis 18:9

Nao trifala ya i askem Ebraham olsem, “?Waswe, wea nao waef blong yu Sera?” An hemi tok olsem, “Hemi stap nomoa insaet long haostent ya.”

Jenesis 19:3

Bat Lot hemi askem tufala strong moa, go-go tufala agri nao fo go long haos blong hem. So Lot hemi talem long olketa wakaman blong hem fo olketa bekem samfala bred wea hemi no garem yist long hem, an olketa mekredi wanfala gudfala kaikai fo givim long tufala. Taem olketa kaikai ya i tane finis, olketa givim long tufala, an tufala kaikaim nao.

Nehemaea 12:44

Long datfala taem, olketa siusim wanfala grup long olketa Livaet fo lukaftarem olketa stoarum long Tambuhaos wea olketa putum olketa ofaring, an olketa fas kaikai wea olketa tekemaot from gaden, an olketa ten. Olketa samting ya i fo olketa prist an olketa Livaet, mekem olketa save garem kaikai an olketa narafala samting, olsem Lo blong God hemi talem. Olketa Livaet ya i goaot long olketa fam raonem olketa taon fo kolektem olketa samting ya, an tekem kam long olketa stoarum long Tambuhaos. Olketa pipol long Jiuda i hapi tumas fo duim diswan, bikos olketa prist an olketa Livaet ya i gohed fo duim waka blong olketa gudfala.

Aesaea 7:15

Taem pikinini ya hemi stat fo save long wanem hemi gud an wanem hemi nogud, hemi kaikaim nomoa hani an milk. Long datfala taem hemi smol boe yet ya.

Aesaea 7:22

Trifala animol ya bae i givim nomoa naf milk long hem. Bikos olketa hu i stap yet long lan ya i no save garem moa eni kaikai from gaden, bae olketa mas kaikaim nomoa milk an hani.

Gudnius abaotem Jisas Kraes wea Luk hemi raetem 12:37

Olketa wakaman ya olketa hapi tumas taem bikman blong olketa hemi kambaek an lukim dat olketa redi finis weitem hem. Mi talem yufala tru samting nao, bae bikman blong olketa hemi talem olketa fo sidaon fastaem, an bae hemi putum redi kaleko blong hem an gohed fo mekem kaikai fo olketa nao.

Gudnius abaotem Jisas Kraes wea Luk hemi raetem 17:8

Nomoa ya. Fastaem bae hemi talem hem olsem ya, ‘Yu redim kaikai blong mi fastaem. An yu werem gudfala kaleko blong yu an yu gohed fo tekem kam kaikai an dring fo mi ya. An taem yu duim olketa samting ya finis, oraet, yu seleva save go an kaikai an dring nao.’

Gudnius abaotem Jisas Kraes wea Luk hemi raetem 24:30

Nao taem olketa sidaon fo kaikai nomoa, hemi holem bred an hemi talem tengkiu long God, an hemi brekem bred ya an hemi searemaot long tufala.

Gudnius abaotem Jisas Kraes wea Luk hemi raetem 24:43

an hemi tekem an hemi kaikaim nao long ae blong olketa.

Gudnius abaotem Jisas Kraes wea Jon hemi raetem 12:2

Long ples ya olketa redim kaikai fo Jisas, an Mata nao hemi helpem olketa fo givimaot kaikai ya. An Lasaros tu hemi wanfala long olketa pipol hu i sidaon fo kaikai wetem Jisas.

Aposol 10:41

Hemi no somaot hem seleva long evri pipol, bat long olketa nomoa hu God hemi bin siusim olketa fastaem fo olketa bae lukim hem. An taem hemi laefbaek finis, mifala kaikai an mifala dring tugeta wetem hem tu.

Galesia 5:13

Olketa Kristin fren, hemi tru wea God hemi kolem yufala fo stap fri. Bat nogud yufala tingse yufala fri fo falom wei blong sin nao. Nomoa. Yufala mas helpem evriwan gudfala bikos yufala save lavem yufala evriwan ya.

Diutronomi 32:14

Hemi mekem olketa buluka an nanigot an sipsip blong yufala i fat fogud taem olketa stap long ples long Basan. Olketa animol ya i givim plande milk long yufala. Hemi mekem olketa wit blong yufala i nambawan. An redfala waen wea yufala dringim hemi barava nambawan.

Revelesin 3:20

Yufala save, mi stanap aotsaet long doa, an mi gohed fo noknok. Nao sapos wanfala man hemi herem toktok blong mi an hemi openem doa fo mi, bae mi kam insaet long haos blong hem, an bae mitufala kaikai tugeta.

Jajis 13:15

Manoa no luksave nomoa wea man ya hemi Enjel blong Yawe, so hemi tok olsem long hem, “Plis, yu stap lelebet fastaem. Bae mitufala go kukim wanfala yang nanigot fo yu kaikaim.” Bat Enjel ya hemi tok olsem, “Nomata mi stap wetem yutufala fo lelebet taem, bae mi no save kaikaim disfala kaikai wea yutufala mekem. Bat sapos yutufala laek fo mekem, oraet, bae yutufala save bonem nomoa fo mekem sakrifaes go long Yawe.”

Jajis 5:25

Sisera hemi askem wata long hem, an hemi givim nambawan milk long hem, an hemi putum insaet long wanfala kap wea hemi fitim sif.