Jenesis 18:6 - Pijin Bible

⁶ So Ebraham hemi hariap go insaet long haostent, an hemi tok olsem long Sera, “!Kuiktaem! Yu go tekem wanfala smolfala beg flaoa wea hemi barava gudfala an yu bekem samfala bred fo trifala ya.”

Pijin Deuterocanon

⁶ So Ebraham hemi hariap go insaet long haostent, an hemi tok olsem long Sera, “!Kuiktaem! Yu go tekem wanfala smolfala beg flaoa wea hemi barava gudfala an yu bekem samfala bred fo trifala ya.”

Jenesis 18:6 Iomraidhean Croise

Jenesis 18:5

distaem mi go tekem kam lelebet kaikai, fo yufala kaikaim, mekem yufala strong moa fo wakabaot. Hemi gud tumas wea yufala kam long ples blong mifala olsem, an mi hapi tumas fo helpem yufala.” Nao trifala tok olsem, “Tengkiu tumas. Mifala hapi tumas fo yu duim olsem.”

Jenesis 18:7

An hemi ran go long ples wea olketa buluka blong hem i stap an hemi siusimaot wanfala smolfala buluka wea i nambawan, nao hemi talem long wanfala wakaman blong hem fo hariap an kilim dae, an mekredi long samfala mit fo trifala ya i kaikaim.

Jenesis 19:3

Bat Lot hemi askem tufala strong moa, go-go tufala agri nao fo go long haos blong hem. So Lot hemi talem long olketa wakaman blong hem fo olketa bekem samfala bred wea hemi no garem yist long hem, an olketa mekredi wanfala gudfala kaikai fo givim long tufala. Taem olketa kaikai ya i tane finis, olketa givim long tufala, an tufala kaikaim nao.

2 Samuel 13:6

So Amnon hemi go leidaon long bed an hemi la-laea olsem hemi sik. Nao taem king hemi kam lukim hem, hemi tok olsem long king, “Dadi, plis yu letem sista blong mi Tama fo kam mekem tu-tri spesol bred fo mi long hia wea mi save lukim hem, an hem seleva bae hemi givim kam long mi.”

Sams 119:60

Mi nating weit nao fo falom olketa strongfala toktok blong yu.

Aesaea 32:8

Bat olketa pipol hu i wiling fo helpem olketa narafala pipol, oltaem olketa mekem olketa gudfala plan an duim olketa gudfala samting.

Matiu 13:33

Jisas hemi talem moa narafala tokpiksa olsem, “Kingdom long Heven, hemi olsem lelebet yist wea wanfala woman hemi tekem an hemi miksim wetem wanfala ful baeg long flaoa. Bihaen nomoa, yist ya hemi mekem flaoa ya fo kamap bikfala tumas nao.”

Aposol 16:15

So hem wetem evriwan hu i stap long haos blong hem olketa baptaes nao. An bihaen, hemi askem mifala olsem, “Sapos yufala tingse mi barava biliv tru long Masta, yufala kam stap long haos blong mi fastaem.” An hemi tokstrong long mifala fo mifala mas go wetem hem nao.

Leta wea Pol hemi raetem go long sios long Rom 12:13

Yufala mas searemaot wanem yufala garem wetem olketa pipol blong God, taem olketa sot long enisamting. An yufala mas lukaftarem gud olketa pipol hu i kam kasem ples blong yufala.

Galesia 5:13

Olketa Kristin fren, hemi tru wea God hemi kolem yufala fo stap fri. Bat nogud yufala tingse yufala fri fo falom wei blong sin nao. Nomoa. Yufala mas helpem evriwan gudfala bikos yufala save lavem yufala evriwan ya.

Hibrus 13:2

Yufala mas no foget fo lukaftarem gud olketa strensa wea olketa kam kasem ples blong yufala. Bikos samfala pipol long bifoa, olketa tingse olketa welkamem olketa strensa nomoa, bat wea, olketa tekem kam olketa enjel insaet long haos blong olketa nao.

1 Pita 4:9

An yufala mas hapi nomoa fo letem olketa fren fo kam long haos blong yufala.

Jajis 6:19

So Gidion hemi go, an hemi kilim dae wanfala yangfala nanigot an kukim. Hemi tekem baeg flaoa an wakem bred wea hemi no garem yist long hem. Hemi putum mit ya long wanfala basket, an hemi putum supsup blong hem long wanfala sospen. Den hemi karim kam olketa kaikai long Enjel long ok tri an givim long hem.

1 Samuel 28:24

Nao woman ya hemi hariap fo wakem kaikai. Hemi busarem wanfala smolfala fat buluka wea hemi bin fidim, an hemi kukim. An hemi tekem samfala flaoa fo bekem samfala bred wea hemi no garem yist long hem.