Jenesis 18:32 - Pijin Bible

³² Bat Ebraham hemi tok moa olsem, “Yawe, plis yu no kros. Hem nao hemi las toktok blong mi. Bae mi no tok moa. ?Waswe, sapos tenfala gudfala pipol nomoa hemi stap?” An Yawe hemi tok olsem long hem, “Sapos mi faendem tenfala gudfala pipol hemi stap, bae mi no save spoelem taon ya.”

Pijin Deuterocanon

³² Bat Ebraham hemi tok moa olsem, “Yawe, plis yu no kros. Hem nao hemi las toktok blong mi. Bae mi no tok moa. ?Waswe, sapos tenfala gudfala pipol nomoa hemi stap?” An Yawe hemi tok olsem long hem, “Sapos mi faendem tenfala gudfala pipol hemi stap, bae mi no save spoelem taon ya.”

Jenesis 18:32 Iomraidhean Croise

Jenesis 18:30

Bat Ebraham hemi tok moa olsem, “Yawe, plis yu no kros long mi, bat mi mas toktok moa ya. ?Waswe, sapos teti gudfala pipol nomoa hemi stap long hem, bae yu gohed fo spoelem taon ya nomoa?” An Yawe hemi tok olsem, “Sapos mi faendem wea teti gudfala pipol nomoa hemi stap, bae mi no save spoelem.”

Jenesis 18:31

Nao Ebraham hemi tok moa olsem, “?Yawe, plis yu no tingse mi gohed fo tokpraod, taem mi gohed fo tok wetem yu olsem. Waswe, sapos tuenti gudfala pipol nomoa hemi stap?” An hemi tok olsem, “Sapos mi faendem wea i garem tuenti gudfala pipol nomoa hemi stap, bae mi no save spoelem.”

Jenesis 44:18

Bihaen, Jiuda hemi go kolsap lelebet long Josef an hemi tok olsem, “Masta, plis yu herem kam lelebet toktok blong mi ya. Mi save dat yu wanfala bikman tru, an yu semsem wetem king blong kantri ya, bat plis yu no kros long mi.

Stori abaotem Job 33:23

Nomata 1,000 enjel i stap, wanfala spesolwan nao save helpem man, an talem hem wanem nao hemi stret.

Sams 86:5

Lod Yawe, yu gud tumas, an yu gohed fo fogivim olketa sin blong mi. An yu lavem tumas olketa hu i prea go long yu.

Eksodas 32:14

So, Yawe hemi sensim tingting blong hem, an hemi no mekem bikfala trabol fo hemi spoelem olketa pipol blong hem, olsem wea hemi bin talem fastaem.

Provebs 15:8

Yawe hemi les long sakrifaes blong man nogud, bat hemi hapi long prea blong stretfala man.

Aesaea 65:8

“Taem lelebet wata blong grep hemi stap yet long grep frut, no eniwan save spoelem nomoa olketa frut. Hemi gohed fo mekem waen long hem. Long sem wei tu, mi no save spoelem evriwan long yufala olketa pipol blong mi. Ya, bae mi sevem yufala hu i obeim mi.

Jeremaea 5:1

Yawe hemi tok moa olsem, “Yufala wakabaot go long olketa rod blong Jerusalem, an long evri ples wea olketa pipol save hipap long hem. Sapos yufala faendem wanfala man nomoa hu hemi save tok tru an duim olketa samting long stretfala wei, bae mi fogivim yufala.

Maeka 7:18

Yawe. No eni narafala god hemi olsem yu. Yu panisim olketa pipol blong yu, bat yu fogivim olketa hu i laef yet. Yu no save kros fo longtaem, bikos oltaem yu hapi nomoa fo somaot dat yu tinghevi tumas long mifala.

Matiu 7:7

Nao Jisas hemi sei moa, “Yufala mas askem God fo olketa samting, an bae hemi givim long yufala. An yufala mas kam long God fo lukaotem olketa samting, an bae yufala save faendem. An yufala mas kam noknok long doa blong God, an bae hemi openem fo yufala.

Efesas 3:20

Paoa blong God wea hemi waka finis long tingting blong yumi, hemi save duim olketa samting wea hemi winim enisamting yumi save askem o tingim.

Jajis 6:39

Nao hemi prea moa, an hemi tok olsem, “God, plis yu no kros long mi, mi laek toktok moa long yu. Yu letem mi traem skin blong sipsip ya wanfala taem moa, bat distaem mi laekem yu fo mekem skin blong sipsip ya hemi drae, bat graon raonem hem hemi mas tuwet.”