Jenesis 18:10 - Pijin Bible

¹⁰ Yawe nao, hemi wanfala long trifala ya, an hemi tok olsem long Ebraham, “Neks yia, long disfala sem mans, bae mi kambaek fo lukim yutufala moa, an long taem ya, bae waef blong yu hemi garem wanfala pikinini boe.” Nao Sera hemi gohed fo stanap nomoa bihaen long Ebraham, long doa blong haostent ya, an hemi gohed fo lisin nomoa long toktok blong olketa ya.

Pijin Deuterocanon

¹⁰ Yawe nao, hemi wanfala long trifala ya, an hemi tok olsem long Ebraham, “Neks yia, long disfala sem mans, bae mi kambaek fo lukim yutufala moa, an long taem ya, bae waef blong yu hemi garem wanfala pikinini boe.” Nao Sera hemi gohed fo stanap nomoa bihaen long Ebraham, long doa blong haostent ya, an hemi gohed fo lisin nomoa long toktok blong olketa ya.

Jenesis 18:10 Iomraidhean Croise

Jenesis 16:10

An enjel ya hemi tok moa olsem long hem, “Olketa pikinini wea bae i bon kam long laen blong yu, bae mi mekem olketa fo kamap plande fogud, wea no eni man save fitim fo kaontem.

Jenesis 17:16

an mi bae mi blesim hem, an bae hemi bonem wanfala pikinini boe fo yu. An bikos mi blesim Sera, bae mi mekem hemi kamap mami fo olketa pipol blong plande ples. An long olketa ples ya nao, bae olketa king i kamaot long hem.”

Jenesis 17:19

Bat God hemi tok olsem, “!Nomoa ya! Waef blong yu Sera bae hemi bonem wanfala pikinini boe, an bae yu kolem hem Aesak. Bae mi mekem spesol agrimen blong mi wetem hem, an wetem olketa wea bae i kamaot bihaen long hem. Spesol agrimen blong mi ya bae hemi no save finis.

Jenesis 17:21

Bat mi promis bae mi kipim spesol agrimen blong mi wetem san blong yu Aesak, wea Sera bae hemi bonem long disfala taem neks yia.”

Jenesis 18:9

Nao trifala ya i askem Ebraham olsem, “?Waswe, wea nao waef blong yu Sera?” An hemi tok olsem, “Hemi stap nomoa insaet long haostent ya.”

Jenesis 21:1

Nao God hemi blesim Sera olsem wea hemi bin promisim.

Jenesis 21:2

Ebraham an Sera, i gohed fo slip tugeta, nao Sera hemi babule, an hemi bonem wanfala pikinini boe blong tufala. Long taem ya, Ebraham hemi barava olo fogud nao. Sera hemi bonem pikinini ya, long barava taem wea God hemi promisim finis fo hemi bon kam,

Gudnius abaotem Jisas Kraes wea Luk hemi raetem 1:13

Bat enjel ya hemi tok olsem long hem, “Sekaraea, yu no fraet. God hemi herem prea blong yu finis nao, so bae waef blong yu Elisabet hemi bonem wanfala pikinini boe fo yu. An bae yu kolem hem Jon.

Galesia 4:23

Pikinini blong woman hu hemi slev, hemi bon kam olsem evri pikinini nomoa. Bat pikinini blong woman hu i fri nao, hemi bon kam falom promis blong God.

Galesia 4:28

Bat yufala olketa Kristin fren, yufala olsem Aesak ya, wea yufala i olsem olketa pikinini blong God from disfala promis blong hem.