Jenesis 16:8 - Pijin Bible

⁸ an hemi askem hem olsem, “!Haga! ?Yu stat kam long wea ya? ?An yu go wea nao ya? !Yu slev gele blong Sarae ya!” An Haga hemi tok olsem, “Mi ranawe from bos blong mi Sarae ya.”

Pijin Deuterocanon

⁸ an hemi askem hem olsem, “!Haga! ?Yu stat kam long wea ya? ?An yu go wea nao ya? !Yu slev gele blong Sarae ya!” An Haga hemi tok olsem, “Mi ranawe from bos blong mi Sarae ya.”

Jenesis 16:8 Iomraidhean Croise

Jenesis 16:1

Nao kam kasem taem ya, Sarae hu hemi waef blong Ebram, hemi no garem eni pikinini. Bat hemi garem wanfala slev gele, wea i gele long Ijip, an nem blong hem nao Haga.

Jenesis 16:4

Oraet, Haga hemi slip wetem Ebram go-go hemi babule. An taem hemi save dat hemi babule finis, hemi filpraod fogud an oltaem nomoa hemi save lukdaon long Sarae.

Jenesis 16:9

Bat enjel ya hemi tok olsem long hem, “Yu mas gobaek long Sarae, an yu mas gohed fo obeim toktok blong hem moa.”

Jenesis 21:17

God hemi herem dat boe ya hemi gohed fo krae, nao enjel blong hem long heven hemi tok kam long Haga olsem, “?Haga, waswe nao maen blong yu hemi trabol olsem? !Yu no wari tumas! God hemi herem finis krae blong boe blong yu.

Jenesis 3:9

Bat Yawe hemi kolem go man ya olsem, “?Ei, wea nao yu stap?”

Jenesis 4:10

Nao Yawe hemi tok olsem long hem, “?Waswe nao yu duim disfala nogud samting ya? !Mi herem blad blong brata blong yu hemi gohed fo krae kam long mi from graon, an hemi kolem mi fo stretem disfala samting ya!

1 Kings 19:13

Taem profet hemi herem, hemi kavaremap fes blong hem long kaleko blong hem, an hemi goaot fo stanap long frant blong kev ya. Den hemi herem dat Yawe hemi tok kam long hem olsem, “?Elaeja, wanem nao yu duim long hia?”

1 Kings 19:9

Long ples ya hemi go insaet long wanfala kev an hemi stap kam long dea. Oraet, Yawe hemi askem hem olsem, “?Elaeja, yu duim wanem long hia?”

2 Kings 5:25

Oraet, hemi go lukim masta blong hem, Elaesa. Elaesa hemi askem hem olsem, “?Yu kam long wea?” Bat hemi tok olsem, “Mi no go long eni ples.”

Eklesiastes 10:4

Sapos wanfala lida hemi kros long yu, yu no lusim waka blong yu, sapos yu stap kuaet nomoa, bae hemi fogivim yu nomoa.

Jajis 19:17

Nao olo ya hemi lukim olketa sidaon long eria blong maket, an hemi luksave dat olketa i strensa. So hemi askem olketa olsem, “?Wea nao yufala kam from? ?Bae yufala go long wea nao ya?”

1 Samuel 26:19

Hemi gud sapos yu masta an king blong mi, yu lisin long toktok wea bae mi talem. Sapos Yawe hemi mekem yu fo agensim mi, maet wanfala sakrifaes i tanem tingting blong hem fo kamap gud moa long mi. Bat sapos samfala man nomoa i mekem yu fo agensim mi, oraet, letem Yawe hemi mekem bikfala trabol fo kasem olketa. Bikos hemi luk olsem olketa fosim mi aot from lan blong Yawe, an mekem mi fo go long narafala ples fo wosipim olketa narafala god.