Jenesis 16:3 - Pijin Bible

³ Olketa bin stap tenfala yia finis long Kenan taem Sarae hemi talem hasban blong hem, Ebram, fo tekem Haga.

Pijin Deuterocanon

³ Olketa bin stap tenfala yia finis long Kenan taem Sarae hemi talem hasban blong hem, Ebram, fo tekem Haga.

Jenesis 16:3 Iomraidhean Croise

Jenesis 16:16

Long taem ya, Ebram hemi kasem eiti-siks yia blong hem.

Jenesis 16:4

Oraet, Haga hemi slip wetem Ebram go-go hemi babule. An taem hemi save dat hemi babule finis, hemi filpraod fogud an oltaem nomoa hemi save lukdaon long Sarae.

Jenesis 16:5

Nao Sarae hemi tok olsem long Ebram, “Gele ya hemi gohed fo bikhed nogud tumas long mi nao, diswan ya from yu nao ya. Mi sendem kam fo stap wetem yu, bat taem hemi save dat hemi babule finis, hemi filpraod tumas, nao oltaem nomoa, hemi save lukdaon tumas long mi. Hemi gud fo Yawe hemi jajem yumitufala , mekem hemi somaot olsem hu long yumitufala nao hemi stret.”

Jenesis 21:21

An mami blong hem, hemi tekem kam wanfala gele blong Ijip fo hemi maritim.

Jenesis 25:6

Bat taem hemi stap yet, hemi givim presen long olketa narafala pikinini boe blong hem ya wea hemi garem long tufala narafala woman blong hem ya. An hemi sendemaot olketa fo go an stap long narafala kantri long ist, wea i farawe from ples ya wea Aesak hemi stap long hem.

Jenesis 28:9

Iso hemi garem finis tufala waef ya, bat hemi go moa long Ismael wea dadi blong hem Ebraham, an hemi maritim wanfala dota blong hem, wea hemi kamap mektri waef blong hem. Gele ya, nem blong hem nao Mahalat, an hemi sista blong Nebaeot, hu hemi fasbon blong Ismael ya.

Jenesis 30:4

So hemi sendem slev gele ya fo go stap wetem Jekob, an hemi slip wetem hem.

Jenesis 30:9

Taem Lea hemi save dat hemi no save babule moa, hemi sendem slev gele blong hem Silpa fo hemi go slip wetem Jekob tu.

Jenesis 32:22

Nao long naet ya, Jekob hemi getap, an hemi tekem tufala waef blong hem, wetem tufala slev woman blong tufala, an olketa levenfala pikinini blong hem, nao olketa lusim ples ya fo krosim Jabok Riva ya, nao hemi tekem olketa an katkros go long narasaet.

Jenesis 35:22

Taem olketa stap long ples ya, Ruben hemi go slip wetem slev woman ya olketa kolem Bilha, wea hemi narafala woman blong dadi blong hem Israel. An taem dadi blong hem hemi herem nius ya hemi barava kros fogud. Nao Jekob ya hemi garem tuelfala pikinini boe.

2 Samuel 5:13

Bihaen long taem wea king hemi lusim Hebron fo kam stap long Jerusalem, hemi tekem samfala narafala woman moa wea hemi maritim olketa. An hemi tekem samfala narafala woman tu wea olketa kamap narafala woman blong hem. Olketa ya i bonem olketa boe an olketa gele fo hem moa.

1 Kings 11:3

Hemi maritim 700 woman wea olketa evriwan i dota blong olketa king, an hemi garem 300 narafala woman moa. An olketa woman ya i gohed fo tanem tingting blong hem.

Galesia 4:25

Haga hemi minim Saenae wea hemi wanfala maonten long Arebia, bat hemi piksa tu blong Jerusalem. Bikos Jerusalem hemi stap olsem slev wea olketa pipol blong hem olketa slev tu.