Jenesis 16:15 - Pijin Bible

¹⁵ Nao bihaen, Haga hemi bonem wanfala pikinini boe wea dadi blong hem nao Ebram, an Ebram hemi kolem hem Ismael.

Pijin Deuterocanon

¹⁵ Nao bihaen, Haga hemi bonem wanfala pikinini boe wea dadi blong hem nao Ebram, an Ebram hemi kolem hem Ismael.

Jenesis 16:15 Iomraidhean Croise

Jenesis 16:11

Distaem yu babule nao, an bae yu bonem wanfala pikinini boe. An yu mas kolem hem Ismael, bikos yu filnogud tumas, nao yu krae go long Yawe, an hemi herem yu.

Jenesis 16:14

Dastawe, stat kam long taem ya ka-kam kasem tude, olketa pipol i gohed fo kolem springwata ya long midol long tufala taon ya, Kades an Bered, olsem “Beere-lahae-roe” o “Springwata blong disfala God hu hemi laef an hemi gohed fo luk kam long mi.”

Jenesis 16:16

Long taem ya, Ebram hemi kasem eiti-siks yia blong hem.

Jenesis 17:18

So Ebraham hemi askem God olsem, “?Waswe, sapos mi dae, yu no save letem Ismael fo tekova long evrisamting wea yu bin givim long mi?”

Jenesis 17:20

Mi herem finis wanem yu askem fo Ismael. Bae mi blesim hem, an mekem hem fo garem plande pikinini, an plande pikinini moa bae olketa kamaot bihaen long hem. Hem bae hemi dadi long tuelfala bikman, an bae mi mekem olketa wea i kamaot bihaen long hem fo wanfala strongfala laen.

Jenesis 25:12

Stori abaotem laen blong Ismael hemi olsem: Nao Ismael, hemi pikinini blong Ebraham, an mami blong hem nao Haga disfala woman long Ijip wea hemi slev gele blong Sera. Hemi garem olketa pikinini boe, wea nem blong olketa, hemi stat long fasbon go kasem lasbon, an olketa ya nao Nebaeot, an Kedaa, an Adbehel, an Mibsam,

Jenesis 25:9

Nao tufala pikinini blong hem ya, Aesak an Ismael, tufala berem hem long kev ya wea nem blong hem nao Makpela, wea i stap long wanfala pisgraon long ist saet long Mamre. Disfala pisgraon ya, fastaem hemi blong Efron wanfala man long laen blong Het, an nem blong dadi blong hem nao Soha.

Jenesis 28:9

Iso hemi garem finis tufala waef ya, bat hemi go moa long Ismael wea dadi blong hem Ebraham, an hemi maritim wanfala dota blong hem, wea hemi kamap mektri waef blong hem. Gele ya, nem blong hem nao Mahalat, an hemi sista blong Nebaeot, hu hemi fasbon blong Ismael ya.

Jenesis 37:27

Hemi moabeta yumi salem hem go long olketa ya. Long wei ya nao, bae yumi no spoelem hem. !Bikos hemi brata blong yumi nomoa ya! !An yumi evriwan i bon kam long wanfala dadi nomoa!” Nao olketa evriwan i agri bat Ruben nao hemi no stap wetem olketa.

1 Kronikols 1:28

Ebraham hemi garem tufala san olsem, Aesak an Ismael.