Jenesis 15:6 - Pijin Bible

⁶ Nao Ebram hemi biliv long Yawe, an bikos hemi biliv olsem, Yawe hemi lukim hem wea hemi wanfala stretfala man.

Pijin Deuterocanon

⁶ Nao Ebram hemi biliv long Yawe, an bikos hemi biliv olsem, Yawe hemi lukim hem wea hemi wanfala stretfala man.

Jenesis 15:6 Iomraidhean Croise

Nehemaea 9:8

Yu bin luksave dat tingting blong hem hemi stap strong long yu, nao yu mekem wanfala strongfala promis long hem. Yu bin promis fo givim long laen blong hem, olketa graon ya wea hemi blong olketa long laen blong Kenan, an long laen blong Het, an long laen blong Amoa, an long laen blong Peris, an long laen blong Jebus, an long laen blong Gigas. An yu kipim promis blong yu, bikos wei blong yu hemi stret fogud.

Sams 106:31

Gudfala samting wea Finehas hemi bin duim hemi somaot olsem wei blong hem hemi stret fogud, an stori abaotem samting ya bae hemi no save lus enitaem moa.

Leta wea Pol hemi raetem go long sios long Rom 4:11

Long taem Ebraham hemi no kate yet, hemi biliv long God, an God hemi lukim hem olsem stretfala man. An bihaen, hemi tekem disfala mak blong kate wea hemi saen blong stretfala man. So Ebraham hemi olsem nambawan olo blong evri pipol hu i no kate bat olketa biliv long God, bikos God hemi lukim olketa olsem stretfala pipol.

Leta wea Pol hemi raetem go long sios long Rom 4:9

?Waswe, diskaen wei fo stap hapi, hemi fo olketa Jiu hu i kate nomoa? !Nomoa ya! Hemi fo evri pipol, nomata olketa no garem disfala kastom fo kate. Yumi lukim finis long Buktambu wea hemi sei, “Ebraham hemi biliv long God, an bikos hemi biliv olsem, God hemi lukim hem olsem wanfala stretfala man.”

2 Korin 5:19

Mifala minim olsem, from waka blong Kraes, God hemi gohed fo mekem evri pipol long wol fo kambaek an frengud wetem hem, an hemi no tingim moa olketa sin blong olketa. An hemi givim mifala disfala waka fo talemaot hao hemi mekem pipol fo kambaek an frengud wetem hem moa.

Hibrus 11:8

Ebraham hemi biliv long God, an dastawe hemi obeim God taem hemi kolem hem. Hemi lusim ples blong hem fo go long nara ples wea bae God hemi givim long hem. Hemi go, nomata hemi no save nomoa long ples wea hemi go-go long hem ya.

Jemes 2:23

So wanem Buktambu hemi talem hemi tru, wea hemi sei, “Ebraham hemi biliv long God, dastawe nao God hemi sei hemi stretfala man.” Dastawe God hemi kolem Ebraham fren blong hem.