Jenesis 15:10 - Pijin Bible

¹⁰ Nao Ebram hemi go an tekem kam evrisamting ya long Yawe. Nao hemi kilim dae olketa, an hemi splitim trifala animol ya long olketa tufala haf, an hemi putum olketa haf blong trifala animol ya long tufala laen, wea wanfala haf long animol hemi stap long wanfala saet an narafala haf blong hem hemi stap long narasaet. Bat tufala bed ya, hemi no splitim tufala.

Pijin Deuterocanon

¹⁰ Nao Ebram hemi go an tekem kam evrisamting ya long Yawe. Nao hemi kilim dae olketa, an hemi splitim trifala animol ya long olketa tufala haf, an hemi putum olketa haf blong trifala animol ya long tufala laen, wea wanfala haf long animol hemi stap long wanfala saet an narafala haf blong hem hemi stap long narasaet. Bat tufala bed ya, hemi no splitim tufala.

Jenesis 15:10 Iomraidhean Croise

Jenesis 15:11

Nao olketa bikfala bed wea olketa kolem valsa, wea oltaem olketa gohed fo kaikaim olketa ded bodi, olketa kam fo kaikaim olketa samting ya, bat Ebram hemi gohed fo ranemaot olketa.

Jenesis 15:17

Nao taem wea san hemi godaon finis an ples ya hemi tudak, seknomoa Ebram hemi lukim wanfala pot hemi fulap long faea, wea smok hemi gohed fo ka-kamaot long hem, an wanfala stik faea wea hemi go-gohed fo laet strong. Nao tufala samting ya i go long midol long olketa haf blong trifala animol ya.

Jenesis 15:9

Nao Yawe hemi tok olsem long hem, “Yu go tekem kam wanfala buluka, an wanfala nanigot, an wanfala man sipsip, wea trifala evriwan i kasem tri yia blong olketa, an yu tekem kam wanfala kurukuru, an wanfala yang pisin, an yu tekem olketa kam long mi.”

Levitikas 1:17

An hemi mas holem tufala wing blong hem, an pulum fo brekem lelebet bodi blong hem, an hemi mas bonem antap long faea long olta. Hemi mas bonem kurukuru ya finis mekem hemi wanfala tambu samting wea smel blong hem hemi mekem mi Yawe hapi.”

2 Timoti 2:15

Yu mas traehad fo kamap gudfala wakaman, mekem God hemi save laekem waka blong yu. Yu mas tisim tru toktok blong God long stretfala wei, mekem yu no save filsem long ae blong hem.