Jenesis 14:5 - Pijin Bible

⁵ Oraet, long mekfotin yia, King Kedolama wetem trifala narafala king ya wea i fren, olketa soldia blong olketa i kam fo faet long ples ya. Fastaem, olketa kam long ples ya wea olketa kolem Astarot Kenaem, an faet wetem olketa soldia long laen blong Refaem, an winim olketa. An bihaen, olketa kam long ples ya wea olketa kolem Ham, an faet wetem olketa long laen blong Susim, an winim olketa ya tu. Taem olketa kam long vali ya wea olketa kolem Kiriataem, olketa faet wetem olketa long laen blong Emim, an winim olketa ya moa.

Pijin Deuterocanon

⁵ Oraet, long mekfotin yia, King Kedolama wetem trifala narafala king ya wea i fren, olketa soldia blong olketa i kam fo faet long ples ya. Fastaem, olketa kam long ples ya wea olketa kolem Astarot Kenaem, an faet wetem olketa soldia long laen blong Refaem, an winim olketa. An bihaen, olketa kam long ples ya wea olketa kolem Ham, an faet wetem olketa long laen blong Susim, an winim olketa ya tu. Taem olketa kam long vali ya wea olketa kolem Kiriataem, olketa faet wetem olketa long laen blong Emim, an winim olketa ya moa.

Jenesis 14:5 Iomraidhean Croise

Jenesis 14:4

Olketa faefala king ya olketa stap tuel yia finis andanit long han blong King Kedolama, nao long mektetin yia, olketa stanap an agensim king ya moa.

2 Samuel 23:13

Wanfala taem, long taem fo tekemaot kaikai from gaden, Trifala nambawan soldia i go long Deved kolsap long kev long Adulam. Long taem ya, wanfala seksin blong ami blong Filistia i stap long Refaem Vali.

2 Samuel 5:18

Olketa soldia blong Filistia i kam long vali long Refaem, an olketa stap kam long dea.

2 Samuel 5:22

Bihaen, olketa soldia blong Filistia i kambaek long vali long Refaem moa an mekredi fo faet.

1 Kronikols 11:15

Wanfala taem, trifala hu i lida long teti nambawan soldia, i go long Deved kolsap long kev long Adulam. Long taem ya, wanfala seksin blong ami blong Filistia i stap long Refaem vali.

1 Kronikols 14:9

Olketa soldia blong Filistia i kam fo faet long vali long Refaem.

1 Kronikols 4:40

Nao olketa faendem gudfala lan wea hemi garem plande gudfala gras long hem, an hemi wanfala sefples an hemi kuaet fogud. Fastaem, lan ya hemi blong laen blong Ham.

Sams 105:23

Bihaen, Jekob wetem olketa pikinini blong hem i go fo stap long Ijip wea hemi ples blong olketa laen blong Ham.

Sams 105:27

Nao long Ijip, tufala ya i duim olketa bikfala waka blong God, an mekem olketa mirakol.

Sams 106:22

Olketa samting wea hemi duim long Ijip ya hemi bikfala tumas, an olketa samting hemi duim long Red Si, hemi samting fo sapraes tumas long hem, bat olketa nating tingim hem.

Sams 78:51

Hemi kilim dae evri fasbon pikinini boe long evri famili long Ijip.

Aesaea 17:5

Long taem ya, bae Yawe hemi aotem finis olketa pipol olsem wea man hemi go aotem evri kaikai long gaden blong hem. Bae hemi olsem olketa gaden blong yufala long gudfala graon long vali long Refaem, wea yufala go aotem kam nao evri kaikai wea hemi stap long hem.

Jeremaea 48:1

Yawe hu hemi garem evri paoa an hu hemi God blong Israel, hemi tok olsem abaotem olketa pipol blong Moab, “!Sore tumas long taon long Nebo! Bae hemi kamap nogud fogud. Taon long Kiriataem tu bae enemi hemi winim hem, an brekemdaon strongfala sefples blong hem fo haed, mekem olketa pipol blong hem i sem tumas.

Jeremaea 48:23

an Kiriataem, an Bet-Gamul, an Bet-Meon,

Nambas 32:37

An traeb blong Ruben i wakem gudfala moa olketa bikfala wolston raonem olketa taon long Hesbon, an Eleale, an Kiriataem,

Diutronomi 3:11

Yu save, Paramaon Sif ya, hemi las man long laen blong olketa jaean wea olketa kolem Refaem. An taem hemi dae, olketa wakem kofin blong hem long blakfala ston wea hemi foa mita long, an kolsap tu mita waed. Disfala ston kofin hemi stap yet kam kasem tude long taon long Raba wea hemi taon blong pipol blong Amon.

Diutronomi 3:13

An narafala haf blong eria blong Gilead wetem eria long Basan, mi givim long haf blong traeb blong Manase. Hem nao eria wea narafala nem blong hem Agob, wea Paramaon Sif Og hemi bin rul ovarem.” Yu save eria ya long Basan, bifoa olketa sei hemi ples blong olketa jaean wea olketa kolem Refaem.

Diutronomi 3:20

Yufala mas helpem olketa wantok blong yufala, go-go olketa garem ples fo stap long hem. Hem nao olketa lan narasaet long Jodan Riva long west wea Yawe bae hemi givim long olketa. An yufala mas stap wetem olketa go-go faet hemi finis, an Yawe hemi mekem olketa fo stap gudfala, olsem wea yufala stap gudfala long lan wea mi givim finis fo yufala. An bihaen long evrisamting ya, bae yufala save kambaek fo stap long lan wea mi givim finis fo yufala.’

Diutronomi 3:22

An yufala mas no fraetem olketa, bikos Yawe, God blong yufala, bae hemi faetem olketa fo yufala.’”

Josua 12:4

An narawan nao Sif Og, wea hemi paramaon sif blong eria long Basan. Paramaon sif ya hemi laswan long olketa Refaem pipol an hemi rul ovarem tufala taon long Astarot an Edrei.

Josua 13:12

Lan ya hemi gohed moa go-go kasem evri ples long distrik wea Paramaon sif Og hemi rul ovarem, wetem tufala taon long Astarot an Edrei wea i kapitol taon blong hem. Disfala paramaon sif nao hemi laswan long olketa laen blong Refaem long bifoa. Mosis wetem olketa pipol blong Israel nao i bin winim olketa pipol ya wetem ples blong olketa long faet.

Josua 13:19

an Kiriataem, an Sibma, an Seretsaha wea hemi stap long saet hil kolsap long Ded Si,

Josua 13:31

Disfala distrik hemi kasem narafala haf long Gilead tu, wetem tufala taon long Astarot an Edrei wea hemi kapitol taon blong Paramaon sif Og. Hem nao olketa lan wea Mosis bin givim go long olketa laen blong Makia san blong Manase, fo onam olowe nao.

Josua 9:10

An mifala herem tu wanem hemi duim long tufala paramaon sif ya long Amoa long narasaet Jodan Riva long ist, Sif Sihon blong Hesbon, an Sif Og blong Basan, wea kapitol taon blong hem nao Astarot.