Jenesis 14:11 - Pijin Bible

¹¹ Nao fofala king ya i go insaet long tufala taon ya wea olketa kolem Sodom an Gomora, an tekem evrisamting wea i stap long hem, wetem olketa kaikai tu.

Pijin Deuterocanon

¹¹ Nao fofala king ya i go insaet long tufala taon ya wea olketa kolem Sodom an Gomora, an tekem evrisamting wea i stap long hem, wetem olketa kaikai tu.

Jenesis 14:11 Iomraidhean Croise

Jenesis 14:10

Graon long vali ya hemi narawei nao, bikos staka hol nao hemi stap olobaot long hem, wea olketa fulap long ta. Taem faefala king ya i stat fo lus, olketa ranawe nao from faet ya. Nao king blong Sodom an king blong Gomora wetem olketa soldia blong tufala i ranawe go, bat olketa gohed fo foldaon insaet long olketa hol ya. Bat trifala narafala king ya wetem olketa soldia blong trifala i ranawe go an haed antap long olketa hil.

Jenesis 14:12

Nao long taem ya, Lot wea hemi pikinini blong brata blong Ebram, hemi stap long Sodom, an olketa i tekem hem tu, wetem evrisamting blong hem.

Jenesis 14:16

Nao Ebram hemi tekembaek evrisamting wea olketa ya i bin tekem go. Hemi tekembaek Lot tu wetem evrisamting wea hemi onam, wetem olketa woman, an olketa narafala pipol wea olketa ya i bin tekem go.

Jenesis 14:21

Nao king ya blong Sodom hemi talem long Ebram olsem, “Evrisamting ya wea yu tekem long fofala king ya, yu save kipim olketa samting ya fo yu nao. Bat olketa pipol blong mi nomoa, yu givim kambaek long mi.”

Diutronomi 28:31

Bae olketa narafala man i kam kilim dae olketa buluka blong yufala taem yufala gohed fo lukim, bat bae yufala no save kaikaim mit blong hem. Bae olketa kam stilim dongki blong yufala, an bae olketa no givimbaek long yufala. Bae olketa enemi blong yufala i kam stilim olketa sipsip blong yufala, an bae no eni man save helpem yufala.

Diutronomi 28:35

Yawe bae hemi mekem lek blong yufala i fulap long olketa ravis boela wea i no save finis, an olketa boela ya bae olketa kavaremap yufala, stat long fut blong yufala go kasem hed blong yufala.

Diutronomi 28:51

Bae olketa kilim dae olketa animol blong yufala, an tekem olketa kaikai from gaden blong yufala tu. So bae yufala hanggre go-go yufala evriwan dae. Nomata wit, o waen, o oel fo kuki, o buluka, o sipsip, olketa no save letem enisamting nao i stap, go-go yufala evriwan i dae.