Jenesis 14:10 - Pijin Bible

¹⁰ Graon long vali ya hemi narawei nao, bikos staka hol nao hemi stap olobaot long hem, wea olketa fulap long ta. Taem faefala king ya i stat fo lus, olketa ranawe nao from faet ya. Nao king blong Sodom an king blong Gomora wetem olketa soldia blong tufala i ranawe go, bat olketa gohed fo foldaon insaet long olketa hol ya. Bat trifala narafala king ya wetem olketa soldia blong trifala i ranawe go an haed antap long olketa hil.

Pijin Deuterocanon

¹⁰ Graon long vali ya hemi narawei nao, bikos staka hol nao hemi stap olobaot long hem, wea olketa fulap long ta. Taem faefala king ya i stat fo lus, olketa ranawe nao from faet ya. Nao king blong Sodom an king blong Gomora wetem olketa soldia blong tufala i ranawe go, bat olketa gohed fo foldaon insaet long olketa hol ya. Bat trifala narafala king ya wetem olketa soldia blong trifala i ranawe go an haed antap long olketa hil.

Jenesis 14:10 Iomraidhean Croise

Jenesis 11:3

Nao olketa tok olsem, “!Olketa! Yumi tekem samfala graon, an wakem olketa brik long hem, an hotem long faea fo mekem olketa strong.” Taem olketa duim olsem, olketa garem plande brik fo yusim olsem ston fo wakem haos, an olketa garem ta fo joenem olketa.

Jenesis 14:11

Nao fofala king ya i go insaet long tufala taon ya wea olketa kolem Sodom an Gomora, an tekem evrisamting wea i stap long hem, wetem olketa kaikai tu.

Jenesis 14:17

Nao taem wea Ebram hemi kambaek from faet ya wea hemi winim fofala king ya, king blong Sodom hemi goaot fo mekem welkam long hem long disfala vali wea nem blong hem Sabe. Narafala nem blong ples ya nao Vali blong King.

Jenesis 14:21

Nao king ya blong Sodom hemi talem long Ebram olsem, “Evrisamting ya wea yu tekem long fofala king ya, yu save kipim olketa samting ya fo yu nao. Bat olketa pipol blong mi nomoa, yu givim kambaek long mi.”

Jenesis 14:3

Nao olketa faefala king ya i tekem olketa soldia blong olketa, an kam tugeta long Sidim vali. Distaem, Ded Si nao hemi draonem ples ya finis.

Jenesis 14:9

wetem fofala king ya.

Jenesis 19:17

Nao wanfala long tufala ya hemi tok olsem long olketa, “!Yufala ran kuiktaem! !Yufala no lukbaek long ples ya! Yufala ran go antap long hil ya, an yufala no res go-go yufala lusim flat ples ya long daon, an go antap long hil ya. Long wei ya nao bae yufala save laef. !Sapos nomoa, bae yufala dae ya!”

Jenesis 19:30

Nao Lot hemi fraet fo stap long taon ya wea olketa kolem Soa, so hem wetem tufala dota blong hem, trifala lusim ples ya, an go antap long hil, an go stap long wanfala kev.

Sams 83:10

Yu bin kilim dae tufala ya long taon long Endoa, an bodi blong tufala hemi roten long ples ya nao.

Aesaea 24:18

Pipol wea i laek fo ranawe from olketa samting ya fo fraet long hem, bae i foldaon long hol. An pipol wea i laek fo ranawe from trap ya, bae i fas long hem. An bae bikfala ren hemi kamdaon, an botom blong disfala graon bae hemi seksek tumas.

Jeremaea 48:44

Pipol wea i laek fo ranawe from olketa samting ya fo fraet long hem, bae i foldaon long hol. An pipol wea i laek fo ranawe from trap ya, bae i fas long hem. Ya, mi makem taem ya finis wea bae mi panisim Moab nogud.” Hem nao mesij blong Yawe.

Josua 8:24

Olketa blong Israel i kilim dae evri man blong Ai long datfala drae eria, barava long ples wea olketa man ya bin ronem olketa long hem fastaem. Bihaen, olketa gobaek moa long taon ya, an kilim dae evriwan wea i stap long datfala ples.