Jenesis 13:11 - Pijin Bible

^11-12 Nao Lot hemi sius fo muv go long saet long ist long vali ya long Jodan Riva, an hemi stap long hem, an hemi goaot long ples wea tufala stap long hem fo go long ples ya nao. Ebram nomoa hemi stap bihaen long Kenan, bat Lot hemi go stap long midol long olketa taon wea i stap raonem Jodan riva, kolsap long taon ya wea olketa kolem Sodom. Hem nao wei wea tufala ya i divaed.

Pijin Deuterocanon

^11-12 Nao Lot hemi sius fo muv go long saet long ist long vali ya long Jodan Riva, an hemi stap long hem, an hemi goaot long ples wea tufala stap long hem fo go long ples ya nao. Ebram nomoa hemi stap bihaen long Kenan, bat Lot hemi go stap long midol long olketa taon wea i stap raonem Jodan riva, kolsap long taon ya wea olketa kolem Sodom. Hem nao wei wea tufala ya i divaed.

Jenesis 13:11 Iomraidhean Croise

Jenesis 13:10

Nao Lot hemi luklukraon, an hemi lukim bikfala vali ya long Jodan Riva, an hemi garem plande gudfala wata, olowe go-go kasem taon ya wea olketa kolem Soa long saot. Hemi lukim dat ples ya hemi olsem gudfala ples ya wea Yawe hemi bin wakem fastaem long Iden, an hemi olsem gudfala graon ya long Ijip tu. Long taem ya, Yawe hemi no bin spoelem yet tufala taon ya long Sodom an Gomora.

Jenesis 13:14

Bihaen taem Lot hemi lusim hem finis, Yawe hemi tok olsem long Ebram, “Yu luk long evriples raonem yu.

Jenesis 13:9

Hemi moabeta yumitufala mas divaed. Olketa graon ya i stap nomoa. Hemi gud yu siusim wanfala haf wea yu laekem, nao bae mi tekem narafala haf.”

Jenesis 19:17

Nao wanfala long tufala ya hemi tok olsem long olketa, “!Yufala ran kuiktaem! !Yufala no lukbaek long ples ya! Yufala ran go antap long hil ya, an yufala no res go-go yufala lusim flat ples ya long daon, an go antap long hil ya. Long wei ya nao bae yufala save laef. !Sapos nomoa, bae yufala dae ya!”

Sams 119:63

Mi fren wetem olketa hu i tinghae long yu, an wetem olketa hu i falom olketa gudfala toktok blong yu.

Sams 16:3

Olketa pipol long wol wea i obeim yu nao i barava nambawan pipol. An mi laekem tumas fo stap wetem olketa.

Provebs 27:10

Yu no fogetem fren blong famili blong yu. Taem trabol hemi kam, no go long wantok. Neiba blong yu hemi moabeta winim wantok hu hemi stap farawe.

Esikiel 47:18

“An long ist saet, baondri ya bae hemi divaedem lan blong taon long Damaskas an distrik long Haoran. Hemi falom Jodan Riva, wea hemi baondri long lan blong Israel long ist saet, an lan blong Gilead hemi stap narasaet go long riva ya. Baondri ya hemi go kasem taon long Tama long Ded Si. Hem nao baondri long lan ya long ist saet.

Hibrus 10:25

Yumi mas no les fo hipap tugeta fo prea oltaem, nomata samfala pipol olketa les finis. Yumi mas gohed fo helpem yumi evriwan fo stanap strong go moa, bikos disfala De blong Masta ya, hemi kam kolsap nao.

1 Pita 2:17

Yufala mas tinghae long evriwan, an yufala mas lavem olketa nara Kristin. Yufala mas mekhae long God, an yufala mas tinghae tu long King long Rom.