Jenesis 11:7 - Pijin Bible

⁷ Moabeta yumi godaon fo miksimap langguis blong olketa, mekem olketa no save fo heresave long toktok blong olketa narawan.”

Pijin Deuterocanon

⁷ Moabeta yumi godaon fo miksimap langguis blong olketa, mekem olketa no save fo heresave long toktok blong olketa narawan.”

Jenesis 11:7 Iomraidhean Croise

Jenesis 1:26

Nao God hemi tok moa olsem, “Hemi gud fo yumi mekem man, an hemi gud yumi mekem fo hemi tekem wei blong yumi, an hemi olsem yumi. Bae hemi rul ovarem olketa fis, an olketa bed, an olketa animol blong vilij an long olketa animol blong bus, stat long olketa wea i bikfala go kasem olketa wea i smolfala. Olketa evriwan bae olketa stap andanit long han blong hem.”

Jenesis 10:20

Hem nao olketa laen wea i bon kam long laen blong oloman Ham ya blong bifoa. Olketa pipol ya i stap olobaot long olketa deferen kantri blong olketa, falom olketa laen blong olketa seleva, an olketa garem olketa deferen langguis blong olketa seleva tu.

Jenesis 10:32

Hem ya nao olketa laen blong Noa wea i bon kam long laen blong hem, wetem olketa kantri blong olketa wea olketa stap long hem. Bihaen long taem blong bikfala wata ya, olketa pipol blong olketa ples long wol olketa bon kam long laen blong trifala pikinini ya blong Noa.

Jenesis 10:5

Hem nao olketa laen wea i kamaot bihaen long oloman Jafet ya blong bifoa. Olketa pipol ya i stap olobaot long olketa deferen aelan blong olketa, an graon blong olketa an falom olketa deferen laen blong olketa, an olketa garem olketa deferen langguis blong olketa tu.

Jenesis 11:5

Nao Yawe hemi kamdaon fo lukim olketa waka ya blong olketa,

Jenesis 3:22

Nao Yawe God hemi tok olsem, “Distaem, man ya hemi kamap olsem yumi nao, bikos hemi save finis olketa wei wea i nogud an olketa wei wea i gud. Distaem, yumi mas no letem hem fo tekem frut blong tri ya wea hemi save givim laef. Sapos hemi kaikaim frut ya, bae hemi no save dae nao.”

Jenesis 42:23

Josef hemi heresave long evri toktok blong olketa ya, bat olketa no save nomoa dat hem nao hemi brata blong olketa, bikos evritaem olketa gohed fo toktok wetem hem, narafala man nao hemi gohed fo tanem toktok blong olketa ya fo hem.

Stori abaotem Job 12:20

Hemi satem maos blong olketa man hu i talemaot gudfala toktok, an hemi tekemaot waes from olketa olo.

Sams 2:4

Yawe hu hemi King hemi gohed fo stap long heven an hemi gohed fo la-laf long olketa ravis plan blong olketa ya.

Sams 33:10

Yawe hemi gohed fo blokem wanem olketa pipol long olketa narafala kantri i laekem. An hemi gohed fo stopem olketa fo no wakem olketa plan blong olketa ya.

Sams 55:9

Masta, plis yu miksimap tingting blong olketa enemi ya, an mekem toktok blong olketa fo rong olobaot. Mi lukim dat olketa pipol long bikfala taon i gohed fo raoa an faet.

Eksodas 4:11

Yawe hemi tok long hem olsem, “?Hu nao hemi mekem maos blong man? ?An hu nao hemi mekem man fo kamap iapas o fo no save toktok? ?Hu nao hemi mekem man fo hemi save lukluk, o fo hemi blaen? Mi Yawe nao, an mi nomoa save duim olketa samting ya.

Aesaea 33:19

Bae yufala no save lukim moa olketa praod enemi wea langguis blong olketa hemi barava deferen from yufala.

Aesaea 6:8

Lod God hemi tok olsem, “?Hu nao bae mi sendem? ?An hu nao bae hemi go fo talemaot toktok blong yumi?” Mi tok olsem, “!Mi long hia! !Yu sendem mi!”

Jeremaea 5:15

“!Olketa laen blong Israel! Bae mi tekem kam olketa pipol long wanfala farawe kantri fo kam faetem yufala. Datfala kantri hemi stap kam longtaem nao, an yufala no heremsave langguis blong olketa.

1 Korin 14:23

Sapos eni yangfala Kristin o eniwan hu i no biliv yet hemi kam joenem yufala pipol blong sios, an yufala evriwan yufala toktok long olketa spesol kaen langguis nomoa, bae hemi sei yufala krangge ya.

Diutronomi 28:49

An bae hemi mekem ami blong wanfala narafala kantri i kam fo faetem yufala. Ples blong olketa hemi stap narasaet long wol, an yufala no save long langguis blong olketa. Bae olketa kam kasem yufala olsem wanfala igol hemi save flae kamdaon.