Jenesis 10:9 - Pijin Bible

⁹ Oltaem Yawe hemi gohed fo helpem hem, nao hemi kamap wanfala nambawan man tu fo handing, dastawe kam kasem tude, olketa man olketa gohed fo tok olsem, “Mi prea wea Yawe bae hemi mekem yu kamap wanfala nambawan man fo handing, olsem Nimrod ya blong bifoa.”

Pijin Deuterocanon

⁹ Oltaem Yawe hemi gohed fo helpem hem, nao hemi kamap wanfala nambawan man tu fo handing, dastawe kam kasem tude, olketa man olketa gohed fo tok olsem, “Mi prea wea Yawe bae hemi mekem yu kamap wanfala nambawan man fo handing, olsem Nimrod ya blong bifoa.”

Jenesis 10:9 Iomraidhean Croise

Jenesis 10:10

Fastaem, ples wea hemi gohed fo bikman long hem hemi kavaremap trifala taon wea olketa kolem Babilon an Erek an Akad, wea trifala stap long kantri ya wea olketa kolem Sinaa.

Jenesis 10:8

An Kus ya hemi garem wanfala pikinini boe wea nem blong hem Nimrod, hu hemi fas man long wol fo kamap nambawan man fo faet, an hemi gohed fo winim olketa narafala kantri.

Jenesis 13:13

Nao olketa pipol blong Sodom ya, olketa i barava nogud tumas, bikos oltaem olketa gohed fo mekem sin nomoa long ae blong Yawe.

Jenesis 25:27

Nao taem tufala boe ya i grouap, Iso hemi save tumas long wei fo handing, an hemi no laek fo stap nomoa long ples, hemi laek fo go stap olowe nomoa long bus. Bat Jekob hemi kamap wanfala kuaet man nomoa, wea oltaem hemi laek fo stap nomoa long ples.

Jenesis 27:30

Taem Aesak hemi blesim finis Jekob nomoa, Jekob hemi stanap, an hemi go aotsaet nao. Bat seknomoa, fasbon ya Iso hu hemi gohed fo handing, hemi kambaek long haos nao.

Jenesis 6:11

Bat olketa narafala pipol olketa gohed fo kamap barava nogud long ae blong God, an long evri ples, olketa pipol i gohed fo mektrabol an gohed fo kilim man dae.

2 Kronikols 28:22

Long taem King Ehas hemi garem bikfala trabol, hemi gohed nomoa fo mekem olketa sin agensim Yawe.

Sams 52:7

“Yufala lukim man ya. Hemi no trastem nomoa God fo sevem hem. Hemi trastem olketa staka samting wea hemi garem, an hemi trastem tu olketa ravis wei blong hem fo gadem hem.”

Jeremaea 16:16

Yawe hemi gohed fo tok olsem, “Mi seleva nao bae mi sendem toktok go long olketa enemi, mekem olketa kam pulum yufala, olsem man hemi pulum fis. An bihaen bae mi sendem samfala enemi moa, mekem olketa lukaotem yufala evriwea long lan, olsem man fo handing hemi lukaotem mit olobaot long olketa maonten an hil, an long olketa hol long ston.

Esikiel 13:18

Yu talem olketa dat mi Lod Yawe nao mi tok olsem: !Sore tumas long yufala olketa woman profet! Yufala somap olketa spesol kaleko fo fasim long han blong yufala fo mekem majik, an olketa pis kaleko fo putum long hed blong man fo kontrolem laef blong narafala man. ?Waswe, yufala tingse yufala save sevem laef blong yufala taem yufala kontrolem laef blong olketa pipol blong mi? !Nomoa ya!

Maeka 7:2

Long disfala kantri, no eniwan hemi falom stretfala wei blong God. No eniwan hemi tinghevi long God. Evriwan i weit nomoa fo kilim dae narafala man. Olketa gohed fo trikim pipol, nomata olketa i wantok blong olketa nomoa.