Jenesis 10:7 - Pijin Bible

⁷ Olketa laen blong Kus, nem blong olketa nao hemi, Seba, an Havila, an Sabta, an Raama, an Sabteka. An olketa laen blong Raama, hemi Seba an Dedan. An olketa man blong olketa ples wea olketa gohed fo garem olketa nem ya, olketa i laen blong olketa.

Pijin Deuterocanon

⁷ Olketa laen blong Kus, nem blong olketa nao hemi, Seba, an Havila, an Sabta, an Raama, an Sabteka. An olketa laen blong Raama, hemi Seba an Dedan. An olketa man blong olketa ples wea olketa gohed fo garem olketa nem ya, olketa i laen blong olketa.

Jenesis 10:7 Iomraidhean Croise

Jenesis 10:8

An Kus ya hemi garem wanfala pikinini boe wea nem blong hem Nimrod, hu hemi fas man long wol fo kamap nambawan man fo faet, an hemi gohed fo winim olketa narafala kantri.

Jenesis 2:11

Mekwan riva, nem blong hem nao Pison, an hemi gohed fo ran go olobaot long kantri ya wea olketa kolem Havila, wea gudfala gol hemi stap long hem.

1 Kings 10:1

Nao Kuin long Seba hemi herem nius wea Yawe hemi mekem King Solomon fo garem barava biknem, so hemi kam fo lukim hem long Jerusalem. Hemi askem olketa had kuestin long king fo testem waes blong hem.

1 Kronikols 1:9

Olketa san blong Kus i olsem: Seba, an Havila, an Sabta, an Raama, an Sabteka. An tufala san blong Raama nao i Seba an Dedan.

Stori abaotem Job 1:15

Seknomoa, samfala man blong Seba i kam an faetem mifala nao. An olketa kilim dae evri wakaman blong yu an tekem go evri animol blong yu fo olketa nao. Mi seleva nomoa mi ranawe kam fo talem yu.”

Sams 72:10

Hemi gud tumas fo olketa king long Spen an long olketa aelan, bae i mas givim olketa presen long hem. Hemi gud tumas fo tufala king blong Arebia an Itiopia, tufala mas tekem kam olketa presen long hem.

Aesaea 21:13

(Profet) Hem ya profesi abaotem Arebia. Hemi olsem: !Yufala pipol blong Dedan! Taem yufala goraon long olketa ples fo salem olketa kago blong yufala, yufala save putumap olketa haostent blong yufala long drae eria long Arebia.

Aesaea 43:3

Mi nao Yawe hu mi God blong yufala. Mi nao Holi God blong Israel, an mi nao mi sevem yufala. Bae mi givim olketa kantri long Ijip, an Kus, an Seba go long olketa enemi blong olketa, fo olsem wei fo peim yufala aot, mekem yufala save go fri.

Esikiel 27:15

“Olketa blong aelan long Rodes wetem olketa wea i stap kolsap long si i gohed fo mekem bisnis wetem yu, bikos olketa baem kago long yu long tit blong elifan an wanfala blak stik fo wakem kaving wea olketa kolem eboni.

Esikiel 27:20

“Olketa blong Dedan gohed fo mekem bisnis wetem yu, bikos olketa peim olketa gudfala samting blong yu long olketa kaleko fo putum andanit long sea blong hos.

Esikiel 27:22

“Olketa bisnisman long kantri long Seba wetem olketa bisnisman long taon long Raama i gohed fo mekem bisnis wetem yu, bikos olketa peim olketa gudfala samting blong yu long olketa barava spesol ston, an gol, an olketa nambawan samting fo mekem kaikai hemi test gud.