Jenesis 10:4 - Pijin Bible

⁴ An olketa laen blong Javan, nem blong olketa nao hemi, Elisa, an Spen, an Saepras, an Roj.

Pijin Deuterocanon

⁴ An olketa laen blong Javan, nem blong olketa nao hemi, Elisa, an Spen, an Saepras, an Roj.

Jenesis 10:4 Iomraidhean Croise

Jenesis 10:5

Hem nao olketa laen wea i kamaot bihaen long oloman Jafet ya blong bifoa. Olketa pipol ya i stap olobaot long olketa deferen aelan blong olketa, an graon blong olketa an falom olketa deferen laen blong olketa, an olketa garem olketa deferen langguis blong olketa tu.

1 Kronikols 1:7

An olketa long laen blong Javan i olsem: Elisa, an olketa hu i stap long Spen, an Saepras, an Roj.

Aesaea 23:1

(Profet) Hem ya profesi abaotem Taea. Hemi olsem: !Yufala hu i waka long olketa bikfala kago sip! !Yufala krae nao! Taem olketa sip blong yufala i kambaek from Saepras, yufala herem nogud nius abaotem Taea wea hemi hom taon blong yufala. Olketa enemi i spoelem finis evri haos wetem bikfala haba blong yufala.

Aesaea 23:12

Ya, Yawe nao hemi tok olsem, “!Olketa pipol blong Saedon! Bifoa, yufala i hapi, bat gudfala taem blong yufala ya hemi finis nao. Distaem yufala stap nao andanit long paoa blong olketa enemi blong yufala. An sapos yufala laek fo ranawe, nomata yufala go kasem Saepras, bat bae yufala nating save stap gudfala nomoa.”

Esikiel 27:12

“Olketa blong kantri long Spen gohed fo mekem bisnis wetem yufala, bikos yufala garem plande gudfala samting fo salem long olketa. Olketa tekem kam silva, an aean, an tin, an led fo sensim long olketa gudfala samting blong yufala.

Esikiel 27:25

Olketa bikfala sip i gohed fo tekem olketa kago blong yu ya go long evri ples. !O Taea! Yu olsem wanfala sip wea hemi stap long solwata an hemi fulap long olketa kago.

Esikiel 27:6

Olketa mekem olketa padol blong yu, long nambawan ok tri from Basan, an olketa mekem dek blong yu, long saepras tri from aelan long Saepras, an olketa dekoretem dek blong yu long tit blong elifan.

Esikiel 27:7

Olketa mekem olketa seil blong yu long nambawan waet kaleko wea olketa tekem kam from Ijip, an olketa somap olketa piksa long hem fo dekoretem. Hemi olsem flag blong yu, wea taem yu kam farawe yet, bat hemi isi nomoa fo luksave long yu. Olketa kaleko blong yu fo blokem san, olketa mekem long nambawan blu an papol kaleko wea olketa tekem kam from aelan long Saepras.

Daniel 11:30

Bikos olketa soldia blong Rom bae i kam long olketa sip fo faet agensim hem, bae hemi barava fraet fogud. From diswan nao, bae hemi barava kros fogud. So, hemi gobaek fo faet agensim olketa pipol blong God, an trae fo spoelem wei blong olketa fo wosip. An bae hemi mekhae long olketa nogud pipol hu i lusim finis stretfala wei fo wosipim God.

Nambas 24:24

Olketa ya bae kamaot from aelan long Saepras. An bae olketa kam spoelem pipol blong Asua an olketa long laen blong Heba. Bat bihaen, olketa tu bae i lus finis.”