Jenesis 10:25 - Pijin Bible

²⁵ An Eba hemi bonem tufala pikinini boe blong hem, an hemi kolem fasbon blong hem Pileg, bikos long taem wea hemi bon, olketa man long wol olketa divaed, olketa toktok long olketa deferen langguis nao. An hemi kolem mektu pikinini blong hem Joktan.

Pijin Deuterocanon

²⁵ An Eba hemi bonem tufala pikinini boe blong hem, an hemi kolem fasbon blong hem Pileg, bikos long taem wea hemi bon, olketa man long wol olketa divaed, olketa toktok long olketa deferen langguis nao. An hemi kolem mektu pikinini blong hem Joktan.

Jenesis 10:25 Iomraidhean Croise

Jenesis 10:21

An Siem, hu hemi fasbon pikinini boe blong Noa, olketa laen blong Eba olketa bon kam long laen blong hem.

Jenesis 10:26

An olketa pikinini boe blong Joktan, nem blong olketa nao hemi, Almodad, an Selef, an Hasamavet, an Jera,

Jenesis 10:32

Hem ya nao olketa laen blong Noa wea i bon kam long laen blong hem, wetem olketa kantri blong olketa wea olketa stap long hem. Bihaen long taem blong bikfala wata ya, olketa pipol blong olketa ples long wol olketa bon kam long laen blong trifala pikinini ya blong Noa.

Jenesis 10:5

Hem nao olketa laen wea i kamaot bihaen long oloman Jafet ya blong bifoa. Olketa pipol ya i stap olobaot long olketa deferen aelan blong olketa, an graon blong olketa an falom olketa deferen laen blong olketa, an olketa garem olketa deferen langguis blong olketa tu.

1 Kronikols 1:19

An Eba hemi bonem tufala san, an hemi kolem fasbon Pileg, bikos long taem wea hemi bon, olketa pipol long wol i divaed. An hemi kolem mektu san ya Joktan.

Stori abaotem Job 15:19

God hemi givim disfala lan long olketa olo ya nao, an no eni deferen pipol i bin stap fo spoelem olketa.

Aposol 17:26

Stat kam long wanfala man nomoa, God hemi mekem evri pipol long wol an hemi mekem olketa fo stap long evri ples long disfala wol. Hem seleva hemi bin makem olketa ples blong olketa fo stap an hemi bin makem taem blong olketa.

Diutronomi 32:8

God hu hemi hae tumas, hemi givim lan long olketa deferen pipol fo stap long hem. Hemi makem olketa ples blong olketa laen blong olketa narafala pipol. An hemi makemaot spialaen blong olketa kantri blong olketa narafala pipol falom namba blong olketa god.