Jenesis 1:5 - Pijin Bible

⁵ Hemi kolem laet ya, De, an tudak ya, Naet. Nao de ya hemi finis. Hem nao fas de blong wol.

Pijin Deuterocanon

⁵ Hemi kolem laet ya, De, an tudak ya, Naet. Nao de ya hemi finis. Hem nao fas de blong wol.

Jenesis 1:5 Iomraidhean Croise

Jenesis 1:13

Nao de ya hemi finis. Hem nao mektri de blong wol.

Jenesis 1:19

Nao de ya hemi finis. Hem nao mekfoa de blong wol.

Jenesis 1:23

Nao de ya hemi finis. Hem nao mekfaev de blong wol.

Jenesis 1:8

An hemi kolem samting ya, Skae. Nao de ya hemi finis. Hem nao mektu de blong wol.

Jenesis 8:22

“Distaem, long wol ya, hemi garem taem fo plantem gaden, an hemi garem taem fo tekemaot frut long hem. Hemi garem taem fo tukol, an hemi garem taem fo tuhot. Hemi garem taem wea lif hemi foldaon, an hemi garem taem wea lif hemi grou moa. Hemi garem taem blong de, an hemi garem taem blong naet. An olketa samting ya, bae olketa no save finis, go-go kasem en blong wol.”

Sams 104:20

Yu nao yu mekem tudak long naet, taem wea evri wael animol save kamaot from ples wea olketa haed long hem.

Sams 19:2

Evri de olketa pipol i save lukim bikfala paoa ya blong God an evri naet olketa pipol i save lukim olketa gudfala waka blong hem.

Sams 65:8

Evriwan long evri ples long wol, olketa seke long olketa bikfala samting wea yu bin duim, Olketa samting wea yu bin duim, hemi mekem evriwan i hapi an singaot fo preisim yu. Hemi stat long wanfala saet long wol go-go kasem long narasaet.

Sams 74:16

Yu nao yu mekem de an naet, an yu putum san an mun long barava ples blong tufala.

Aesaea 45:7

Mi nao mi mekem delaet an tudak. Ya, mi tu mi save givim gudfala laef an mekem olketa trabol fo kasem pipol. Mi Yawe nao mi duim evrisamting ya.

Jeremaea 33:20

Yawe nao hemi tok olsem, “Jeremaea. Mi mekem spesol agrimen wetem de an naet, wea oltaem nomoa, de bae hemi kam long stret taem blong hem, an naet bae hemi kam tu long stret taem blong hem. An no eniwan save brekem disfala strongfala agrimen enitaem.

Nambas 20:29

Taem olketa pipol i herem dat Eron hemi dae, olketa evriwan i sore an krae fo hem fo tetifala de.

1 Korin 3:13

An long Lasde bae waka blong evriwan hemi kamaot klia nao. Bikos long de ya, faea nao bae hemi somaot olketa kaen waka, wea faea bae hemi traem evri waka ya, mekem hemi kamaot klia sapos hemi gud o nomoa.

Efesas 5:13

Bat taem laet hemi saenaot long olketa samting blong tudak ya, bae olketa pipol barava luksave long olketa ya nao.

1 Tesalonaeka 5:5

Yufala evriwan i pipol blong laet, an yufala duim olketa samting long delaet. Yumi no pipol blong naet o pipol blong tudak.