Jenesis 1:4 - Pijin Bible

⁴ God hemi lukim laet ya, hemi gud. Hemi mekem laet wea hemi deferen from tudak.

Pijin Deuterocanon

⁴ God hemi lukim laet ya, hemi gud. Hemi mekem laet wea hemi deferen from tudak.

Jenesis 1:4 Iomraidhean Croise

Jenesis 1:10

Hemi kolem drae ples ya, Graon, an hemi kolem wata ya wea hemi kam tugeta, Si. An God hemi lukim olketa waka blong hem ya, hemi gud.

Jenesis 1:12

Olketa deferen kaen samting i kamap an gohed fo grou long graon ya, samfala long olketa i gohed fo garem frut insaet long hem, an samfala long olketa moa i gohed fo garem frut long antap. An God hemi lukim olketa waka blong hem ya, hemi gud.

Jenesis 1:18

Nao san hemi gohed fo saen long de an mun hemi gohed fo saen long naet, an tufala mekem wea delaet hemi deferen from tudak. An God hemi lukim olketa waka blong hem ya, hemi gud.

Jenesis 1:25

Hemi mekem olketa deferen samting wea i garem laef wea olketa stap long graon ya. Olketa animol blong vilij wetem olketa animol blong bus, stat long olketa wea i bikfala, go kasem olketa wea i smolfala, hemi mekem olketa evriwan. An God hemi lukim olketa waka blong hem ya, hemi gud.

Sams 145:10

Lod Yawe, evrisamting wea yu mekem bae i preisim yu, an evriwan hu i tinghevi long yu bae i talem tengkiu long yu.

Sams 145:9

Oltaem hemi gud tumas long yumi evriwan, an hemi save sore long yumi an evrisamting wea hemi mekem.

Eklesiastes 11:7

Delaet hemi gudfala samting, an yumi hapi long fo lukim san.

Eklesiastes 2:13

An mi lukim dat wei blong waes nao hemi moabeta winim olketa krangge wei. Hemi barava olsem wea laet hemi moabeta winim tudak.

Aesaea 45:7

Mi nao mi mekem delaet an tudak. Ya, mi tu mi save givim gudfala laef an mekem olketa trabol fo kasem pipol. Mi Yawe nao mi duim evrisamting ya.