Jenesis 1:24 - Pijin Bible

²⁴ Nao God hemi tok moa olsem, “Letem graon hemi garem olketa deferen kaen animol. Hemi mas garem olketa animol blong vilij wetem olketa animol blong bus, hemi stat long olketa wea i bikfala, i go kasem olketa wea i smolfala.” Nao olketa samting ya i kamap olsem wea hemi bin talem.

Pijin Deuterocanon

²⁴ Nao God hemi tok moa olsem, “Letem graon hemi garem olketa deferen kaen animol. Hemi mas garem olketa animol blong vilij wetem olketa animol blong bus, hemi stat long olketa wea i bikfala, i go kasem olketa wea i smolfala.” Nao olketa samting ya i kamap olsem wea hemi bin talem.

Jenesis 1:24 Iomraidhean Croise

Jenesis 1:23

Nao de ya hemi finis. Hem nao mekfaev de blong wol.

Jenesis 2:19

Nao Yawe hemi tekem graon, an hemi mekem olketa animol wea i gohed fo wakabaot long graon, wetem olketa bed wea i gohed fo flae olobaot antap. Nao hemi tekem olketa kam long man ya mekem hemi lukim bae olketa watkaen kaen nem nao hemi save givim long olketa. Nao olketa nem wea man ya hemi givim long olketa evriwan, olketa stap olsem olowe nao.

Jenesis 7:14

An evrikaen animol long wol nao olketa go insaet long sip wetem Noa. Hemi garem evrikaen animol blong vilij wetem evrikaen animol blong bus, nomata olketa bikfala o smolfala, an evrikaen bed tu olketa go insaet long sip ya.

Jenesis 8:19

an evrisamting ya wea i stap wetem hem olketa kamaot tu, falom olketa grup blong olketa.

Stori abaotem Job 39:1

?Waswe, yu save long taem wea olketa wael nanigot long bus, olketa bonem pikinini? ?Waswe, yu lukim olketa wael animol i bonem pikinini?

Stori abaotem Job 39:19

?Waswe Job, yu nao yu mekem olketa hos fo strong tumas? ?O yu nao yu putum olketa longfala hea bihaen long nek blong hos?

Stori abaotem Job 39:5

?Hu nao hemi mekem olketa wael dongki fo stap long bus? ?Hu nao hemi mekem olketa ya fo go fri?

Stori abaotem Job 39:9

?Waswe, yu tingse wael buluka bae hemi laek fo duim waka blong yu? Ating, nomata fo wanfala naet, bat hemi no save stap long haos blong olketa animol blong yu.

Stori abaotem Job 40:15

Yu lukim disfala bikfala animol Behemot, mi nomoa mi mekem hem wetem yu tu. Hemi kaikaim gras nomoa olsem buluka.

Sams 104:18

Olketa wael nanigot i stap long olketa hae maonten, an olketa kandora i save haed long olketa ston long saet hil wea hemi had tumas fo klaemap.

Sams 104:23

Olketa pipol i go fo duim waka blong olketa go-go kasem ivining.

Sams 148:10

Yufala evri animol long vilij, an evri animol long bus, yufala mas preisim hem. Ya, yufala evri snek an evri lisad, an evri smolfala animol an evri bed, yufala mas preisim hem.