Jenesis 1:21 - Pijin Bible

²¹ Hemi mekem olketa bikfala fis blong solwata, wetem olketa deferen kaen fis wea i stap long solwata an long wata, an hemi mekem olketa deferen kaen bed tu. An God hemi lukim olketa waka blong hem ya, hemi gud.

Pijin Deuterocanon

²¹ Hemi mekem olketa bikfala fis blong solwata, wetem olketa deferen kaen fis wea i stap long solwata an long wata, an hemi mekem olketa deferen kaen bed tu. An God hemi lukim olketa waka blong hem ya, hemi gud.

Jenesis 1:21 Iomraidhean Croise

Jenesis 1:18

Nao san hemi gohed fo saen long de an mun hemi gohed fo saen long naet, an tufala mekem wea delaet hemi deferen from tudak. An God hemi lukim olketa waka blong hem ya, hemi gud.

Jenesis 1:20

God hemi tok moa olsem, “Olketa deferen kaen fis mas stap long solwata, an hemi mas garem olketa bed tu fo flae olobaot antap.” Nao olketa samting ya hemi hapen olsem wea hemi bin talem.

Jenesis 1:22

Nao hemi blesim olketa, an hemi talem olketa olsem, “Olketa fis, hemi gud fo yufala garem plande pikinini blong yufala, mekem yufala kamap plande go-go yufala fulumap solwata ya. An olketa bed tu, hemi gud fo yufala garem plande pikinini blong yufala, mekem bae yufala kamap plande moa.”

Jenesis 1:25

Hemi mekem olketa deferen samting wea i garem laef wea olketa stap long graon ya. Olketa animol blong vilij wetem olketa animol blong bus, stat long olketa wea i bikfala, go kasem olketa wea i smolfala, hemi mekem olketa evriwan. An God hemi lukim olketa waka blong hem ya, hemi gud.

Jenesis 2:19

Nao Yawe hemi tekem graon, an hemi mekem olketa animol wea i gohed fo wakabaot long graon, wetem olketa bed wea i gohed fo flae olobaot antap. Nao hemi tekem olketa kam long man ya mekem hemi lukim bae olketa watkaen kaen nem nao hemi save givim long olketa. Nao olketa nem wea man ya hemi givim long olketa evriwan, olketa stap olsem olowe nao.

Jenesis 7:14

An evrikaen animol long wol nao olketa go insaet long sip wetem Noa. Hemi garem evrikaen animol blong vilij wetem evrikaen animol blong bus, nomata olketa bikfala o smolfala, an evrikaen bed tu olketa go insaet long sip ya.

Jenesis 8:17

An yu save letem evrisamting wea i stap wetem yu insaet long sip ya, i kamaot tu, mekem bae olketa garem pikinini, mekem olketa save kamap plande moa long wol ya.”

Jenesis 8:19

an evrisamting ya wea i stap wetem hem olketa kamaot tu, falom olketa grup blong olketa.

Jenesis 9:2

Evri animol blong wol ya, wetem evri bed an evri fis bae olketa fraet long yufala. An evrisamting ya olketa stap long han blong yufala.

Jenesis 9:7

Yufala mas garem plande pikinini, an olketa pikinini blong yufala olketa mas garem plande pikinini blong olketa, mekem olketa fulumap wol ya.”

Stori abaotem Job 12:7

Go askem olketa bed an olketa animol, olketa save talem yu an tisim yu plande samting abaotem God.

Stori abaotem Job 26:5

Olketa spirit blong olketa man dae i seksek fogud. Olketa ya wea i stap insaet long wata andanit long wol i fraet tumas.

Stori abaotem Job 7:12

?Waswe nao yu lukluk long mi fo kontrolem mi? Ating, yu tingse mi olsem dipsi o wanfala jaean snek long dipsi.

Sams 148:7

!Preisim hem, yufala evrisamting wea i stap long disfala wol! Ya, yufala evri bikfala si snek, an evri dipsi wetem evrisamting wea hemi stap long hem, yufala mas preisim hem.

Eksodas 1:7

Nomata olsem, olketa grani blong olketa wetem olketa hu i bon kam bihaen, olketa garem plande pikinini, wea namba blong olketa hemi kamap plande tumas, an olketa kamap strong fogud mekem olketa fulumapem lan ya.

Eksodas 8:3

Bae Nael Riva ya hemi fulap long olketa frog. Nao bae olketa kamaot from riva ya, an go insaet long bikfala haos blong yu, an bae olketa go insaet long rum blong yu, an antap long bed blong yu. Bae olketa fulumapem tu olketa haos blong olketa bikman blong yu, an olketa narafala pipol blong yu tu. Bae olketa go insaet long olketa aven blong yu, an long olketa baol wea yufala yusim fo wakem bred tu.

Esikiel 32:2

“Man blong graon. Kraeaot bikfala abaotem disfala king blong Ijip, an talem hem olsem: !King! Yu tingse yu olsem wanfala strong laeon long midol long olketa pipol blong olketa narafala kantri, bat nomoa ya. Yu olsem nomoa wanfala krokodael long riva, wea hemi gohed fo mekem wata fo go olobaot, an hemi gohed fo mekem riva hemi mad fogud.

Jona 1:17

Oraet, Yawe hemi mekem wanfala bikfala fis fo kam sualomdaon Jona, an hemi stap insaet long bele blong fis ya fo trifala de an trifala naet.

Jona 2:10

Taem Jona hemi prea olsem, Yawe hemi tok long fis ya, an hemi gosoa an toraotem profet ya long sanbis.

Matiu 12:40

Long trifala de an trifala naet Jona hemi stap insaet long bele blong wanfala bikfala fis. An long sem wei tu, long trifala de an trifala naet, bae mi San Blong Man, mi stap insaet long graon.