Jenesis 1:1 - Pijin Bible

¹ Longtaem bifoa kam yet, taem God hemi stat fo mekem skae an disfala graon wetem evrisamting wea hemi stap long hem,

Pijin Deuterocanon

¹ Longtaem bifoa kam yet, taem God hemi stat fo mekem skae an disfala graon wetem evrisamting wea hemi stap long hem,

Jenesis 1:1 Iomraidhean Croise

2 Kings 19:15

Hemi prea go long Yawe olsem, “!O Yawe God blong Israel! Yu sidaon olsem king long tron long midol long tufala enjel. Yu nomoa yu tru God, an yu rul ovarem evri kingdom long disfala wol. Yu nao yu mekem skae an disfala graon.

1 Kronikols 16:26

Evri god blong olketa pipol, olketa i samting nating nomoa, bat Yawe hemi mekem skae wetem evrisamting wea i stap long hem.

2 Kronikols 2:11

Nao King Haeram hemi sendem gobaek ansa long leta olsem, “Bikos Yawe hemi lavem olketa pipol blong hem, hemi mekem yu fo kamap king blong olketa.

Nehemaea 9:6

Yu nomoa yu Yawe. Yu nomoa mekem heven wetem evrisamting long hem, an wol wetem evrisamting long hem, an si wetem evrisamting long hem. Yu nomoa givim laef long olketa evriwan. An olketa long heven i gohed fo mekem wosip long yu.

Stori abaotem Job 26:13

Hemi bloumaot olketa klaod fo mekem skae hemi klia. An hemi spiarem go bikfala si snek wea hemi mu-muv tumas, mekem snek ya hemi dae long han blong hem.

Stori abaotem Job 38:4

?Yu stap long wea, taem mi mekem wol ya? Sapos yu save long olketa samting ya, yu talem kam long mi.

Stori abaotem Job 9:8

Hem seleva nomoa hemi mekem olketa samting wea i stap long skae, an hemi step long olketa wev fo mekem dipsi i kuaet.

Sams 102:25

Longtaem bifoa kam yet, yu nao bin mekem disfala wol, an yu nao bin mekem skae an evrisamting wea i stap long hem.

Sams 104:24

Lod Yawe, yu nao yu mekem plande samting tumas. Evrisamting ya hemi somaot dat wei blong yu hemi waes fogud. Ya, disfala wol hemi fulap long evrisamting wea yu bin mekem.

Sams 104:30

Bat taem yu givim win long olketa, olketa laef nao. Oltaem yu mekem evrisamting long graon ya fo garem niufala laef.

Sams 115:15

Hemi gud tumas sapos Yawe hu hemi mekem heven an disfala wol ya, hemi blesim yufala.

Sams 121:2

Yawe nao hemi mekem skae an graon ya, an hem nomoa bae hemi helpem mi.

Sams 124:8

Yawe hu hemi mekem skae an graon, hem nao hemi helpem yumi. (Olketa singim disfala singsing taem olketa goap fo fist long Jerusalem.)

Sams 134:3

Yawe hu hemi mekem heven an disfala wol ya, an hu hemi stap long Saeon, hemi gud tumas sapos hemi blesim yufala.

Sams 136:5

Long waes blong hem hemi mekem evrisamting long skae. Ya, bikos hemi tinghevi long yumi olowe.

Sams 33:6

Yawe nao hemi mekem evrisamting long skae, long toktok blong hem nomoa. Hemi tok nomoa, den san an mun an olketa sta i stap long skae nao.

Sams 33:9

Taem hemi tok nomoa, wol ya hemi kamap nao. Toktok blong hem hemi mekem evrisamting fo kamaot.

Sams 8:3

Taem mi lukap go long skae wea yu bin mekem, an mi lukim mun an olketa sta wea yu bin putum long olketa barava ples blong olketa,

Sams 8:4

mi save tingting olsem, “Mifala pipol i samting nating nomoa ya. Hemi no fitim nomoa fo yu tingting long mifala. ?Fo wanem nomoa yu lukaftarem gudfala long mifala?”

Sams 90:2

God, bifoa long taem wea yu wakem disfala wol an yu no mekem olketa maonten yet, yu bin stap olowe finis. Yu nao yu God, an bae yu gohed fo stap olowe nao.

Sams 96:5

Evri god blong olketa pipol, olketa i samting nating nomoa, bat Yawe hemi mekem skae wetem evrisamting wea i stap long hem.

Eksodas 20:11

Long siksfala de nomoa, mi Yawe mi mekem skae, an graon, an solwata, wetem evrisamting wea hemi stap long olketa ya, bat long mekseven de, mi res. Dastawe nao, mi Yawe mi blesim de ya, an mi mektambu long hem.

Eksodas 31:18

Taem Yawe hemi tok finis wetem Mosis antap long maonten long Saenae, hemi tekem tufala flat ston wea hemi bin katem finis Tenkomanmen long tufala, an hemi givim kam long Mosis.

Provebs 16:4

Yawe hemi mekem evrisamting fitim plan blong hem. An man nogud tu, Yawe hemi mekem fo panisim hem.

Provebs 3:19

Yawe hemi yusim waes fo mekem wol, an long save, hemi mekem skae.

Eklesiastes 12:1

Taem yu yang yet, yu mas tingim God hu hemi mekem yu. Yu mas tingim hem bifoa taem blong olketa trabol hemi kam kasem yu. Long taem ya, bae yu tok olsem, “Mi nating hapi nao long laef ya.”

Aesaea 37:16

“!O Yawe hu yu garem evri paoa! Yu nao God blong mifala long Israel, an bikos yu nao yu king, yu sidaon long tron midol long tufala enjel. Yu nomoa yu tru God, an yu rul ovarem evri kingdom long disfala wol. Yu nao yu mekem skae an disfala graon.

Aesaea 40:21

?Waswe, yufala no save nomoa? ?Yufala nating herem? ?Yufala no save nomoa stori abaotem wei wea wol ya hemi stat fastaem?

Aesaea 40:26

!Yufala lukap go long skae! ?Hu nao hemi mekem olketa sta? God nao hemi mekem an hemi putum olketa long barava ples blong olketa, an hem tu hemi givim olketa nem long olketa. An bikos hemi barava strong tumas an hemi garem evri paoa, no eni sta save lus from ples blong hem.

Aesaea 40:28

?Waswe, yufala no save nomoa? ?Yufala nating herem? Yawe nao hemi God hu hemi stap kam fo evritaem olowe, an hem nao hemi mekem evrisamting long wol. No eniwan save kasem tingting blong hem. Hemi nating save taet, an hemi no save kamap wik.

Aesaea 42:5

(Profet) Yawe nao hemi God hu hemi putumap skae olsem wanfala haostent. Hem nao hemi mekem graon long disfala wol an kavarem wetem evri gudfala samting. Hemi givim laef fo evri pipol long disfala wol. Yawe nao hemi tok olsem long wakaman blong hem,

Aesaea 44:24

Yawe nao, hu hemi mekem yufala insaet long bele blong mami blong yufala, an hemi mekem yufala fo kamap fri, hemi tok olsem, “Mi nao Yawe an mi nao mi mekem evrisamting. Mi seleva nao mi mekem skae an evrisamting wea hemi stap long hem. An taem mi mekem disfala wol, no eniwan hemi helpem mi.

Aesaea 45:18

Yawe nao hemi God hu hemi mekem skae wetem evrisamting wea hemi stap long hem, an hemi mekem tu disfala wol fo hemi strong, an hemi save stap longtaem. Hemi no mekem disfala wol fo stap nating, hemi mekem fo pipol i stap long hem. Yawe nao hemi tok olsem, “Mi nao Yawe. No eni narafala god moa hemi stap.

Aesaea 51:13

?Waswe, yufala fogetem mi nao? Mi nomoa mi mekem yufala. Mi nao mi putum skae long barava ples blong hem, an mi nao mi mekem disfala wol ya. ?Waswe nao yufala fraetem tumas olketa hu i gohed fo mekem yufala safa an olketa hu i redi fo spoelem yufala? Kros blong olketa ya bae hemi no save kasem yufala.

Aesaea 51:16

Mi nao mi putum skae long barava ples blong hem, an mi nao mi mekem faondesin blong wol ya. An mi tok olsem long olketa pipol blong Jerusalem, ‘!Yufala nao pipol blong mi!’ Mi nao bin tisim yufala, an mi gadem yufala long han blong mi.”

Aesaea 65:17

Yawe hemi tok moa olsem, “Bae mi mekem niu skae an niu graon. Evrisamting wea hemi hapen bifoa, bae pipol i fogetem finis nao.

Jeremaea 10:12

God hemi mekem disfala wol long paoa blong hem nomoa. Long waes blong hem, hemi putum wol ya fo stap strong, an long save blong hem, hemi putum skae long ples blong hem.

Jeremaea 32:17

!O Lod Yawe! Yu seleva nomoa bin mekem skae an disfala wol long bikfala paoa long yu. No enisamting hemi had tumas wea yu no save mekem.

Jeremaea 51:15

God hemi mekem disfala wol long paoa blong hem nomoa. Long waes blong hem, hemi putum wol ya fo stap strong, an long save blong hem, hemi putum skae long ples blong hem.

Sekaraea 12:1

Wanfala profesi: Hem ya nao Mesij blong Yawe abaotem Israel. Yawe hu hemi mekem skae an disfala wol, an givim laef long man, hemi tok olsem,

Matiu 11:25

Nao long semtaem, Jisas hemi tok go olsem, “Dadi, yu nao yu Masta blong evrisamting long heven an long disfala wol. Mi tengkiu tumas long yu, bikos yu haedem olketa samting long olketa pipol hu i waes an save tumas, bat yu somaot olketa samting ya long olketa hu i olsem smolfala pikinini.

Gudnius abaotem Jisas Kraes wea Mak hemi raetem 13:19

Bikos disfala trabol ya, bae hemi nogud tumas moa winim eni trabol bifoa kam, stat long taem God hemi mekem disfala wol ya, kam kasem tude. An nomata long bihaen, bae no eni bikfala trabol olsem moa hemi kam.

Aposol 14:15

“!Ei olketa! ?Waswe nao yufala duim olsem? !Mitufala barava wankaen wetem yufala nomoa ya! Mitufala kam fo talemaot disfala Gudnius, mekem yufala lusim go olketa god nating an kam moa long God hu hemi laef. Bikos hem nao hemi mekem skae an graon an solwata, wetem evrisamting wea hemi stap long olketa.

Aposol 17:24

Disfala God hemi bin mekem disfala wol an evrisamting wea hemi stap long hem, an hemi Masta blong skae an blong disfala wol. So hemi no save stap insaet long eni preahaos wea yumi man i wakem.

Aposol 4:24

Nao taem olketa pipol ya i herem diswan nomoa, evriwan i prea tugeta long God olsem, “Masta, yu nao yu mekem skae an graon an solwata, an yu mekem evrisamting wea hemi stap long olketa.

Leta wea Pol hemi raetem go long sios long Rom 11:36

God nao hemi mekem evrisamting, an evrisamting stanap long paoa blong hem, an evrisamting i blong hem nomoa. !Yumi mas mekhae long God olowe nao! Amen.

1 Korin 8:6

yumi ya, yumi garem wanfala God nomoa. Hemi Dadi blong yumi evriwan an hem nao i mekem evrisamting, an laef blong yumi i blong hem nomoa. An yumi garem wanfala Masta nomoa. Hemi Jisas Kraes an long hem nao God hemi mekem evrisamting, an hem nao hemi mekem yumi fo laef.

Efesas 3:9

An hemi sendem mi go fo helpem evriwan fo save abaotem disfala plan blong God wea hemi bin staphaed. God hu hemi mekem evrisamting, hemi bin mekem disfala plan fo staphaed olowe nomoa kam kasem distaem.

Hibrus 1:10

An God hemi talem hem olsem moa, “O Lod. Long stat blong evrisamting, yu nao bin mekem disfala wol, an yu seleva nao bin mekem skae.

Hibrus 1:2

Bat long distaem wea hemi no longtaem fo wol ya bae hemi finis, God hemi sendem kam San blong hem fo talemaot toktok blong hem long yumi. Long San blong hem nao, God hemi mekem skae an wol ya, an God hemi siusim hem fo onam evrisamting ya.

Hibrus 11:3

Nao yumi biliv long God, an yumi save finis wea long toktok blong hem seleva nomoa hemi mekem disfala wol ya. Olsem, hemi yusim wanem yumi no save lukim fo mekem evrisamting wea yumi lukim nao.

Hibrus 3:4

Evri haos ya samfala man nao mas wakem, bat God nao hemi mekem evrisamting.

2 Pita 3:5

Bat olketa ya i les fo tingim dat God hemi tok nomoa, an skae wetem graon tufala kamaot nao. Hemi mekem graon fo kamaot from olketa wata, an hemi yusim wata fo mekem evrisamting long wol.

1 Jon 1:1

Mifala raet abaotem disfala Toktok Blong Laef, hu hemi stap olowe stat kam bifoa. Mifala bin herem hem, an mifala barava lukim hem long ae blong mifala. Ya, mifala bin lukim hem an tasim bodi blong hem.

Revelesin 10:6

An hemi mekem wanfala strongfala promis long nem blong God hu hemi laef evritaem an olowe, an hu hemi mekem heven an graon an si an evrisamting wea hemi stap long olketa. Nao enjel ya hemi sei olsem, “!Taem fo weit hemi finis nao!

Revelesin 14:7

Hemi gohed fo singaot olsem, “Yufala mas tinghae long God an liftimap nem blong hem, bikos taem blong hem fo jajem olketa pipol, hemi kam finis nao. Yufala mas wosipim hem, hu hemi mekem heven an graon an si an olketa springwata.”

Revelesin 21:6

An hemi talem olsem moa, “Ya, evrisamting hemi finis nao. Mi nao mi faswan bifoa evrisamting, an bae mi laswan tu bihaen evrisamting ya. Ya, mi nao statem evrisamting an bae mi nao finisim evrisamting tu. Sapos eniwan hemi laek fo dring, bae mi letem hem fo dring fri long disfala springwata blong laef.

Revelesin 22:13

Mi nao mi faswan bifoa evrisamting an bae mi laswan tu bihaen evrisamting ya. Ya, mi nao faswan an laswan. Mi statem evrisamting an bae mi finisim evrisamting tu.”

Revelesin 3:14

Disfala man hemi tok olsem moa, “An yu mas raet go long enjel blong sios blong Leodisia, an yu sei olsem, ‘Hem nao toktok blong mi wea mi nao man fo somaot dat olketa promis blong God hemi tru. An mi nao man fo talemaot stret olketa toktok blong hem, an mi tok tru nomoa. An evrisamting wea God hemi mekem, hemi stat kam long mi nao.

Revelesin 4:11

“Yu nao God an Masta blong mifala. Yu mekem evrisamting long wol ya, an yu givim laef long olketa samting, bikos hem nao wanem yu laek fo duim. So hemi fitim fo mifala singsing fo liftimap nem blong yu an fo mekhae long yu an fo preisim yu from bikfala paoa blong yu.”