Jemes 5:9 - Pijin Bible

⁹ Olketa Kristin fren, yufala mas lusim disfala wei fo talem enikaen toktok agensim nara Kristin, nogud God hemi jajem yufala, bikos hemi redi finis fo jajem evriwan.

Pijin Deuterocanon

⁹ Olketa Kristin fren, yufala mas lusim disfala wei fo talem enikaen toktok agensim nara Kristin, nogud God hemi jajem yufala, bikos hemi redi finis fo jajem evriwan.

Jemes 5:9 Iomraidhean Croise

Jenesis 4:7

Sapos wei blong yu hemi stret, bae ae blong yu hemi jes luk hapi. Bat bikos wei blong yu hemi no stret, disfala nogud wei ya hemi olsem wanfala wael animol wea hemi stap kolsap long yu an hemi redi fo spoelem yu. Disfala nogud wei ya hemi laekem tumas fo winim yu ya, bat yu mas winim hem.”

Sams 59:15

Olketa ya i olsem olketa wael dog wea i go olobaot fo lukaotem kaikai, an sapos olketa no faendem naf kaikai, olketa save kros fogud.

Esikiel 7:12

Hemi kasem taem nao, an disfala de wea bae mi panisim evri pipol hemi kam finis. Pipol hu i salem olketa samting o olketa hu i baem olketa samting, bae i nating hapi o sore nomoa long olketa samting wea olketa duim.

Levitikas 19:18

An yufala mas no gohed fo heitem eni wantok o sensimbaek eni ravis wei blong hem. Bat, yufala mas barava lavem olketa wantok olsem yufala lavem yufala seleva, bikos mi nao Yawe.

Matiu 24:33

Long semkaen wei tu, taem yufala lukim evrisamting ya olsem, bae yufala save dat hemi kolsap tumas fo kam nao.

Gudnius abaotem Jisas Kraes wea Mak hemi raetem 13:29

Long semkaen wei tu, taem yufala lukim olketa samting ya hemi stat fo hapen, yufala save dat hemi kolsap tumas fo kam nao.

Gudnius abaotem Jisas Kraes wea Mak hemi raetem 6:19

From diswan nao Herodias hemi barava kros tumas an hemi laekem tumas fo kilim Jon dae. Bat hemi no save duim,

1 Korin 10:11

Nao olketa samting wea i hapen long olketa olo blong yumi ya, hemi olsem olketa piksa wea olketa raetemdaon fo wonem yumi. Bikos yumi stap long taem wea hemi kolsap long en blong disfala wol ya.

1 Korin 4:5

So yufala mas no jajem pipol, bikos hemi no taem fo God hemi jajem olketa yet. Yufala mas wetem Masta fo bae hemi kam fastaem. Hem nao bae hemi mekem olketa samting wea i staphaed long tudak fo i kamaot long delaet, an bae hemi mekem evri tingting blong olketa pipol i kamap klia. Long taem ya nao, bae God hemi save mekhae long olketa pipol, fitim wei blong olketa.

2 Korin 9:7

Evriwan mas givim samting falom tingting blong hem seleva. Nogud hemi filnogud fo giv, o olketa fosim hem fo givim samting. God hemi lavem olketa hu i hapi taem olketa giv.

Galesia 5:14

Evrisamting long Lo blong Mosis ya, hemi joen tugeta nomoa insaet wanfala lo wea hemi sei, “Yufala mas barava lavem olketa wantok olsem yufala lavem yufala seleva.”

Galesia 5:26

Yumi mas no praod an no mekem olketa narawan fo kros, an yumi mas no joles long olketa.

Jemes 4:11

Olketa Kristin fren, yufala mas no tokspoelem nara man. Sapos yu spoelem nara Kristin fren o yu jajem hem, yu tokspoelem an jajem Lo blong God. An sapos yu jajem Lo, bae yu no man fo obeim Lo ya, bat yu man fo jajem Lo nomoa.

Jemes 4:12

?Waswe, yu tingse yu nao God, mekem yu jajem nara man? God nao hemi givim Lo an hem seleva nao hemi save jajem pipol, an hem nomoa save givim laef o tekemaot laef from eniwan.

Jemes 5:10

Olketa Kristin fren, yufala mas luk falom wei blong olketa profet long bifoa hu i talemaot toktok blong God. Nomata pipol mekem olketa safa, olketa stanap strong nomoa.

Jemes 5:7

Olketa Kristin fren, yufala mas wiling fo weit, go-go Masta blong yumi hemi kambaek moa. Yufala save, taem man hemi wakem gaden finis, hemi gohed nomoa fo weitem taem blong ren an taem kaikai hemi redi.

1 Pita 4:5

Bat bihaen, bae olketa mas talemaot laef blong olketa seleva long ae blong God ya. Bikos hem nao hemi redi fo jajem olketa pipol hu i laef yet, wetem olketa hu i dae finis.

1 Pita 4:9

An yufala mas hapi nomoa fo letem olketa fren fo kam long haos blong yufala.

Revelesin 3:20

Yufala save, mi stanap aotsaet long doa, an mi gohed fo noknok. Nao sapos wanfala man hemi herem toktok blong mi an hemi openem doa fo mi, bae mi kam insaet long haos blong hem, an bae mitufala kaikai tugeta.