Jemes 5:8 - Pijin Bible

⁸ So yufala tu mas wiling fo weit nomoa. !Yufala no wari, Masta blong yumi hemi kolsap kambaek nao!

Pijin Deuterocanon

⁸ So yufala tu mas wiling fo weit nomoa. !Yufala no wari, Masta blong yumi hemi kolsap kambaek nao!

Jemes 5:8 Iomraidhean Croise

Jenesis 49:18

Lod Yawe, mi weitem yu nao, mekem yu sevem mi.

Sams 130:5

Mi we-weit nomoa fo Yawe, bikos mi laekem tumas fo hemi helpem mi. An hem nao mi trastem olowe wanem hemi talem. Mi laekem tumas Masta blong mi, winim wei wea gad long naet hemi laekem tumas fo hemi delaet kuiktaem. Ya, mi barava laekem hem fo kam winim wei wea gad long naet hemi laekem moning fo kam.

Sams 27:14

Yumi mas trastem Yawe, an yumi mas biliv strong long hem. Yumi mas no lusim biliv blong yumi long hem, bat oltaem yumi mas trastem Yawe. (Singsing blong Deved.)

Sams 37:7

Yu mas stap kuaet, an yu mas we-weit nomoa fo Yawe hemi helpem yu. Yu no wari taem olketa narafala pipol i gohed fo kamap ris falom olketa ravis plan blong olketa.

Esikiel 7:12

Hemi kasem taem nao, an disfala de wea bae mi panisim evri pipol hemi kam finis. Pipol hu i salem olketa samting o olketa hu i baem olketa samting, bae i nating hapi o sore nomoa long olketa samting wea olketa duim.

Maeka 7:7

Bat mi gohed nomoa fo weitem Yawe, bikos mi barava save nao dat bae hemi kam fo sevem mi. Yawe hu hemi God blong mi bae hemi herem kam prea blong mi.

Habakuk 2:3

Yu mas raetemdaon bikos taem blong olketa samting ya fo hapen, hemi no kam yet. Bat no longtaem, evrisamting wea bae mi somaot long yu hemi mas hapen. Yu maet tingse wea olketa samting ya bae hemi slou fo hapen. Bat yu mas gohed fo weit nomoa bikos bae hemi mas hapen long raet taem blong hem.

Gudnius abaotem Jisas Kraes wea Luk hemi raetem 21:19

Bae yufala kasem tru laef ya from yufala stanap strong olowe.”

Gudnius abaotem Jisas Kraes wea Jon hemi raetem 21:22

Jisas hemi sei long hem, “Nomata sapos mi laekem hem fo stap laef nomoa go-go kasem taem mi kambaek, bae yu no wari long hem. Bat yu falom mi nomoa.”

Leta wea Pol hemi raetem go long sios long Rom 8:25

Bat yumi barava bilivim dat bae yumi kasem olketa samting wea yumi no lukim yet ya, dastawe yumi wiling fo gohed weitem nomoa.

Galesia 5:22

Bat olketa gudfala wei blong Holi Spirit nao hemi mekem man fo lavem evriwan, an fo barava hapi, an fo garem piis, an fo stap wiling fo weit nomoa, an fo kaen long pipol, an fo somaot gudfala wei, an fo kipim promis olowe,

Filipae 4:5

Yufala mas kaen gudfala long evri pipol, bikos Masta hemi kolsap kam nao.

1 Tesalonaeka 1:10

An olketa tokabaotem hao yufala weitem San blong hem Jisas hu bae hemi kamdaon from heven. God nao hemi mekem hem fo laefbaek moa from dae, an taem long bikfala panis blong God, Jisas nao bae hemi sevem yumi.

1 Tesalonaeka 2:19

Nao taem Jisas Masta blong yumi bae hemi kambaek moa, bae mifala save hapi from yufala. Ya, tingting blong mifala bae hemi save stap strong an bae mifala save filpraod tumas long yufala long datfala taem. An laef blong yufala nao bae hemi somaot dat mifala win finis.

1 Tesalonaeka 3:13

Long wei ya nao, bae hemi strongim moa tingting blong yufala. So taem Jisas Masta blong yumi bae hemi kambaek moa wetem evri pipol blong hem, laef blong yufala bae hemi stret an holi long ae blong God Dadi blong yumi.

2 Tesalonaeka 3:5

Letem Masta blong yumi, hemi helpem tingting blong yufala fo save moa long lav blong God an long wei blong Kraes fo stanap strong olowe.

Jemes 5:3

Olketa gol an silva tu i rasta finis. An rasta ya nao hemi somaot dat yufala rong, an bae hemi spoelem yufala olsem faea hemi save spoelem samting nogud. No longtaem bae disfala wol hemi finis, bat yufala gohed nomoa fo hipimap olketa risis blong yufala.

Jemes 5:9

Olketa Kristin fren, yufala mas lusim disfala wei fo talem enikaen toktok agensim nara Kristin, nogud God hemi jajem yufala, bikos hemi redi finis fo jajem evriwan.

1 Pita 4:7

Yumi kam kolsap nao long taem wea evrisamting long disfala wol bae hemi lus finis. So hemi gud tumas fo yufala kontrolem yufala seleva an lukaot, mekem yufala save prea.

Revelesin 22:20

Man hu hemi talemaot olketa samting ya hemi sei, “Ya, hemi tru ya. No longtaem nomoa bae mi kambaek moa.” Amen. !Jisas Masta blong mifala, plis yu kam!