Jemes 5:3 - Pijin Bible

³ Olketa gol an silva tu i rasta finis. An rasta ya nao hemi somaot dat yufala rong, an bae hemi spoelem yufala olsem faea hemi save spoelem samting nogud. No longtaem bae disfala wol hemi finis, bat yufala gohed nomoa fo hipimap olketa risis blong yufala.

Pijin Deuterocanon

³ Olketa gol an silva tu i rasta finis. An rasta ya nao hemi somaot dat yufala rong, an bae hemi spoelem yufala olsem faea hemi save spoelem samting nogud. No longtaem bae disfala wol hemi finis, bat yufala gohed nomoa fo hipimap olketa risis blong yufala.

Jemes 5:3 Iomraidhean Croise

Jenesis 31:48

Nao Laban hemi tok olsem long hem, “Hip blong olketa ston ya bae hemi mak blong yumitufala fo disfala promis blong yumitufala.” Dastawe Jekob hemi kolem ples ya olsem “Galeed”.

Jenesis 31:52

Hip ston ya wetem memori ya, tufala i mak blong yumitufala long promis ya. Bae mi no save go winim hip ya enitaem fo kam faetem yu. An yu tu, bae yu no kam winim hip ya wetem memori ya enitaem fo kam faetem mi.

Jenesis 49:1

Jekob hemi kolem olketa pikinini blong hem fo kam long hem, an hemi tok olsem long olketa, “Yufala kam kolsap long mi mekem mi talem yufala olketa samting wea bae hemi kasem yufala.

Stori abaotem Job 16:8

An yu mekem bodi blong mi olsem samting nating, so taem pipol i lukim dat mi bon nating, olketa tingse mi nogud.

Aesaea 2:2

(Profet) !Olketa! Long taem wea bae hemi kam, disfala maonten wea Tambuhaos blong Yawe hemi stap antap long hem, bae hemi kamap hae moa winim evri narafala maonten. An olketa pipol blong evri narafala kantri bae i save kam tugeta long hem.

Jeremaea 19:9

Taem olketa enemi i raonem taon, mekem olketa save kilim olketa dae, bae olketa hu i insaet long taon i finisim evri kaikai blong olketa. An bihaen olketa gohed fo hanggre tumas, go-go olketa kaikaim olketa san an olketa dota an olketa wantok blong olketa.’

Maeka 3:3

Hemi olsem wea yufala gohed fo kaikaim olketa. Ya, hemi olsem wea yufala gohed fo brekem bon blong olketa, an katem olketa long smolfala pisis, olsem wea man hemi katem mit fo putum long sospen.

Maeka 4:1

(Profet) !Olketa! Long taem wea bae hemi kam, disfala maonten wea Tambuhaos blong Yawe hemi stap antap long hem, bae hemi kamap hae moa winim evri narafala maonten. An olketa pipol blong evri narafala kantri bae i save kam tugeta long hem.

Aposol 2:17

‘God hemi sei, “Long taem wea en blong disfala wol hemi kolsap kam, bae mi givim kamdaon Spirit blong mi fo stap long evri pipol. An olketa san an dota blong yufala, bae olketa save talemaot eni mesij blong mi. An olketa yangman an olketa oloman blong yufala, bae mi givim olketa spesol drim long olketa.

Leta wea Pol hemi raetem go long sios long Rom 2:5

Bat yufala bikhed tumas an yufala no wande sensim nomoa tingting blong yufala. So yufala mekem panis blong yufala hemi kamap bikfala moa, an bae hemi kasem yufala long datfala de wea God bae hemi somaot kros blong hem an stretfala wei blong hem fo jajem evriwan.

2 Timoti 2:17

Toktok blong olketa ya hemi olsem wanfala soa nogud wea hemi gohed fo grou bikfala moa. Toktok blong Haemeneas an Filitas hemi olsem soa ya.

Josua 24:27

An hemi tok olsem long olketa evriwan, “Bikfala ston ya nao bae hemi olsem witnes blong yumi, bikos hemi olsem wanfala man wea hemi herem evri toktok wea Yawe hemi givim long yumi. Bae hemi olsem witnes fo talemaot sapos yufala duim enisamting agensim God blong yumi.”

2 Pita 3:3

Yufala mas savegud abaotem wanfala samting. Long olketa las de blong disfala wol, samfala pipol bae falom nomoa nogud tingting blong olketa. Olketa man fo tok nogud ya, bae olketa laf nogud long yufala.

Revelesin 17:16

Nao wael animol ya bae hemi heitem disfala juri ya. An olketa tenfala hon wea yu lukim ya, olketa tu bae olketa heitem hem. Bae olketa tekem evrisamting wea hemi garem, an bae olketa livim hem fo stap neket nomoa. An bae olketa kaikaim tu mit long bodi blong hem an bonem hem long faea.

Revelesin 20:15

An olketa torowem go insaet long disfala bikfala hol blong faea tu olketa pipol wea nem blong olketa i no stap insaet long disfala buk blong laef.

Revelesin 21:8

“Bat olketa pipol hu i sem long mi, an olketa hu i lusim biliv, an olketa hu i mekem olketa ravis wei, an olketa hu i kilim man dae, an olketa hu i durong wetem eniwan, an olketa hu i mekem majik, an olketa hu i wosipim olketa nara god, an olketa hu i laea tumas, olketa ya nao bae mektu dae kasem olketa. Bae olketa go long bikfala hol blong barava hot faea wea hemi bone long diskaen ston salfa.”