Jemes 5:19 - Pijin Bible

¹⁹ Olketa Kristin fren, sapos eniwan long yufala hemi goawe from tru toktok, hemi gud fo yufala helpem hem fo kambaek moa.

Pijin Deuterocanon

¹⁹ Olketa Kristin fren, sapos eniwan long yufala hemi goawe from tru toktok, hemi gud fo yufala helpem hem fo kambaek moa.

Jemes 5:19 Iomraidhean Croise

Sams 119:118

Yu les long olketa hu i no save obeim olketa lo blong yu, evri ravis trik blong olketa hemi yusles nomoa.

Sams 119:21

Plis yu tokstrong long olketa praod pipol, an panisim olketa hu i no save obeim olketa strongfala toktok blong yu.

Provebs 19:27

Pikinini blong mi, yu no lisin long tising blong mi, an bae yu save lusim waes toktok.

Aesaea 3:12

Yawe hemi tok olsem, “Distaem olketa pikinini spoelem yufala olketa pipol blong mi, an olketa woman nomoa i bosim yufala. Olketa lida blong yufala i lidim yufala fo falom wei wea hemi no stret.”

Esikiel 34:16

“Bae mi go fo lukaotem olketa sipsip blong mi wea i lus. Olketa wea i go rong, an olketa wea i gohed fo wakabaot olobaot nomoa, bae mi tekem olketa kambaek moa. An bae mi putum bandes long soa blong olketa wea i garekil, mekem olketa save kamap gudbaek moa. Bae mi mekem olketa wea i wik fo kamap strong moa. Bat olketa wea i fat fogud an strong, bae mi spoelem olketa, bikos mi nao man fo lukaftarem sipsip wea mi lukaftarem olketa long stretfala wei.

Esikiel 34:4

Yufala nating mekem olketa wea i wik fo kamap strong an gudbaek moa. An olketa wea i garekil, yufala nating putum bandes nomoa long evri soa blong olketa fo kamap gudbaek moa. Yufala nating lukaotem nomoa olketa wea i lus, fo tekem olketa kambaek. Yufala gohed nomoa fo mekem olketa safa.

Matiu 18:15

An Jisas hemi sei moa, “Sapos brata blong yu hemi duim enisamting agensim yu, yu mas go lukim hem, mekem yutufala stretem disfala samting long yutufala seleva. Sapos hemi wiling fo herem wanem yu talem, oraet, yu bin helpem brata blong yu fo yutufala stapgud moa ya.

Gudnius abaotem Jisas Kraes wea Luk hemi raetem 22:32

Bat mi bin prea fo yu Saemon, mekem yu no lusim biliv blong yu. An taem yu tanebaek kam long mi, yu mas gohed fo helpem olketa brata blong yu fo kamap strong moa.”

Galesia 6:1

Olketa Kristin fren, sapos wanfala man hemi duim samfala sin, yufala hu i falom Holi Spirit nao, yufala mas helpem hem fo kamap stret moa. An yufala mas duim diswan long wei wea hemi no raf. Bat yufala mas lukaot, nogud yufala tu duim semkaen sin.

1 Timoti 6:10

Enikaen ravis samting nao hemi save kamaot long diskaen wei fo lavem seleni tumas. Samfala pipol hu i laekem seleni tumas, olketa gorong finis long biliv blong olketa nao, an olketa mekem olketa seleva fo filnogud tumas.

1 Timoti 6:21

Samfala pipol tingim diskaen toktok hemi gudfala save, bat hemi laea nomoa. Olketa falom disfala save finis, an dastawe nao olketa lusim biliv blong olketa long Kraes. Letem kaenfala lav blong God bae hemi stap wetem yufala.

2 Timoti 2:18

Tufala lusim tru toktok finis nao. Olketa goraon fo sei, yumi no save laefbaek moa bihaen bikos yumi Kristin yumi bin laefbaek finis nao. Long diskaen wei ya olketa spoelem biliv blong samfala pipol.

Hibrus 5:2

Samfala pipol duim olketa rong samting bikos olketa no luksave long wanem olketa save duim. Disfala haeprist hemi save helpem gud kaen pipol olsem, bikos hem seleva tu hemi save wik tumas.

Jemes 1:16

So olketa gudfala Kristin fren blong mi, yufala mas tingting stret abaotem olketa samting ya.

Jemes 1:19

Olketa gudfala fren blong mi, yufala mas save long diswan. Yufala mas wiling fo lisin, an yufala mas no kuiktaem fo tok an no kuiktaem fo kros.

Jemes 3:14

Bat sapos tingting blong yufala hemi fulap long enikaen wei fo joles an kros, an yufala tingting long yufala seleva nomoa, oraet, yufala mas lukaot. Nogud yufala praod nating nomoa an yufala sei yufala garem waes tingting, bat hemi nating tru.

Jemes 5:20

Hemi tru, taem yufala helpem eniwan fo lusim disfala nogud wei blong hem, bae God hemi fogivim hem from enikaen sin an sevem hem from dae.

2 Pita 3:17

Olketa fren, yufala save finis long olketa samting ya, so yufala mas keakea, nogud olketa laea blong olketa hu i no falom lo bae hemi pulum yufala, mekem yufala lusim strongfala biliv blong yufala.

Jiud 1:11

!Sore tumas long olketa! Olketa nao falom ravis wei blong Kein bifoa. An olketa olsem Profet Balam, wea olketa gohed fo talem olketa laea bikos olketa laek fo tekem seleni tumas. An olketa go agensim God olsem Kora hemi duim long bifoa. So bae olketa kamap nogud tumas tu olsem Kora ya.