Jemes 4:11 - Pijin Bible

¹¹ Olketa Kristin fren, yufala mas no tokspoelem nara man. Sapos yu spoelem nara Kristin fren o yu jajem hem, yu tokspoelem an jajem Lo blong God. An sapos yu jajem Lo, bae yu no man fo obeim Lo ya, bat yu man fo jajem Lo nomoa.

Pijin Deuterocanon

¹¹ Olketa Kristin fren, yufala mas no tokspoelem nara man. Sapos yu spoelem nara Kristin fren o yu jajem hem, yu tokspoelem an jajem Lo blong God. An sapos yu jajem Lo, bae yu no man fo obeim Lo ya, bat yu man fo jajem Lo nomoa.

Jemes 4:11 Iomraidhean Croise

Sams 140:11

Hemi gud tumas sapos olketa pipol hu i save toklaea agensim narafala man, olketa lus olowe from graon blong olketa. Hemi gud tumas sapos evri nogud samting nomoa hemi kasem olketa man fo faet, an spoelem olketa finis.

Gudnius abaotem Jisas Kraes wea Luk hemi raetem 6:37

An Jisas hemi sei moa, “Yufala mas no jajem nara man, nogud God hemi jajem yufala tu. An yufala mas no panisim nara man, nogud God hemi panisim yufala tu. An yufala mas fogivim nara man, mekem God hemi save fogivim yufala tu.

Leta wea Pol hemi raetem go long sios long Rom 2:1

Yufala hu i jajem olketa nara pipol, yufala no save talem enisamting nao. Taem yufala jajem olketa nara man, yufala jajem yufala seleva nomoa, bikos yufala tu duim olketa semsamting.

Leta wea Pol hemi raetem go long sios long Rom 2:13

Olketa pipol hu i lisin nating long Lo ya, olketa no save stret long ae blong God. Bat olketa pipol hu i obeim Lo ya nao, bae God hemi mekem olketa stret long ae blong hem.

Leta wea Pol hemi raetem go long sios long Rom 7:7

?Waswe, diswan hemi minim dat Lo hemi nogud samting? !Nomoa ya! Bat Lo nao hemi mekem mi save long wanem nao sin. Sapos Lo hemi no sei “Yu mas no kavetem olketa samting blong nara pipol,” bae mi no save long diskaen wei ya.

1 Korin 4:5

So yufala mas no jajem pipol, bikos hemi no taem fo God hemi jajem olketa yet. Yufala mas wetem Masta fo bae hemi kam fastaem. Hem nao bae hemi mekem olketa samting wea i staphaed long tudak fo i kamaot long delaet, an bae hemi mekem evri tingting blong olketa pipol i kamap klia. Long taem ya nao, bae God hemi save mekhae long olketa pipol, fitim wei blong olketa.

2 Korin 12:20

Mi wari fo go kasem yufala, nogud laef blong yufala i deferen from wanem mi laek lukim long yufala. Sapos olsem, bae mi tu mi deferen from wanem yufala laekem. Mi fraet, nogud yufala gohed fo raoa an joles an kros kuiktaem an tingting long yufala seleva nomoa. An nogud yufala suea long nara man an stori nogud abaotem nara pipol, an nogud yufala praod an evrisamting hemi olobaot nomoa.

Efesas 4:31

Yufala mas lusim evri wei fo tingting nogud abaotem eniwan, an fo tingting fo spoelem eniwan, an fo kros long eniwan. An yufala mas lusim evri wei fo raoa, an fo toksuea, an fo garem enikaen nogud filing fo nara man.

1 Timoti 3:11

Long sem wei tu, waef blong hem hemi mas somaot gudfala wei long laef blong hem an hemi mas no stori nogud abaotem nara pipol, bat hemi mas save hao fo lukaftarem hem seleva gud an hemi mas wanfala woman wea yumi save trastem hem oltaem.

2 Timoti 3:3

Bae olketa no save kaen long eniwan, an bae olketa no save fogivim eniwan. Bae olketa tokspoelem olketa nara pipol, an bae olketa laek fo faet an mekem trabol, an bae olketa no laekem eni gudfala samting.

Taetas 2:3

Yu mas tisim tu olketa olowoman fo gohed long gudfala wei, olsem wea hemi fitim olketa Kristin. Olketa mas no tokspoelem pipol, an mas no dringim tumas waen, bat olketa mas tisim olketa pipol abaotem gudfala wei.

Jemes 1:16

So olketa gudfala Kristin fren blong mi, yufala mas tingting stret abaotem olketa samting ya.

Jemes 1:19

Olketa gudfala fren blong mi, yufala mas save long diswan. Yufala mas wiling fo lisin, an yufala mas no kuiktaem fo tok an no kuiktaem fo kros.

Jemes 1:25

Disfala lo wea hemi barava gud tumas, hemi save mekem pipol fri from sin. So man hu hemi lukluk gud olowe insaet long lo ya, an hemi no fogetem enisamting bat hemi duim wanem disfala lo hemi talem, hem nao bae God hemi blesim hem long evrisamting wea hemi duim.

Jemes 2:8

Wanem yufala mas duim nao, yufala mas obeim wanem disfala nambawan lo hemi talem insaet long Buktambu, wea hemi sei, “Yu mas lavem olketa wantok blong yu long sem wei wea yu lavem yu seleva.”

Jemes 5:10

Olketa Kristin fren, yufala mas luk falom wei blong olketa profet long bifoa hu i talemaot toktok blong God. Nomata pipol mekem olketa safa, olketa stanap strong nomoa.

Jemes 5:7

Olketa Kristin fren, yufala mas wiling fo weit, go-go Masta blong yumi hemi kambaek moa. Yufala save, taem man hemi wakem gaden finis, hemi gohed nomoa fo weitem taem blong ren an taem kaikai hemi redi.

Jemes 5:9

Olketa Kristin fren, yufala mas lusim disfala wei fo talem enikaen toktok agensim nara Kristin, nogud God hemi jajem yufala, bikos hemi redi finis fo jajem evriwan.

1 Pita 2:1

So yufala mas lusim olketa ravis wei. Olsem, yufala mas no laea moa, an yufala mas no duim deferen samting from wanem yufala talem, an yufala mas no joles, an no gohed fo toknogud abaotem nara pipol.