Jemes 2:6 - Pijin Bible

⁶ Bat yufala lukdaon tumas long olketa hu i pua. ?Waswe, hu nao save ravem yufala olowe an tekem yufala go long kot?

Pijin Deuterocanon

⁶ Bat yufala lukdaon tumas long olketa hu i pua. ?Waswe, hu nao save ravem yufala olowe an tekem yufala go long kot?

Jemes 2:6 Iomraidhean Croise

Stori abaotem Job 20:19

Hemi olsem, bikos hemi nating kaen nomoa long olketa puaman, an hemi gohed fo mekful long olketa, an hemi tekem nating olketa haos blong narafala pipol.

Sams 10:10

Olketa garem paoa, nao olketa gohed fo spoelem olketa wea i wik.

Sams 10:14

Yu bin lukim finis olketa samting ya, an yu bin save nomoa long olketa hu i stap long trabol, an olketa hu i safa, an oltaem yu redi nomoa fo helpem olketa. Olketa hu i wik, i gohed fo putum olketa seleva long han blong yu, an oltaem yu gohed fo helpem olketa wea i no garem eniwan fo helpem olketa.

Sams 10:2

Olketa nogud pipol i praod tumas, an i gohed fo mekem olketa pua pipol safa. Plis yu letem olketa foldaon insaet long olketa trap wea olketa seleva i bin mekem.

Sams 10:8

Olketa gohed fo haed insaet long olketa vilij, an olketa we-weit nomoa fo kilim dae olketa pipol wea olketa nating duim nomoa eni nogud samting.

Sams 12:5

Bat Yawe hemi tok olsem, “Bikos olketa nogud pipol ya i gohed fo spoelem olketa pua pipol, an olketa gohed fo mekem olketa safa an gohed fo krae, an olketa pua pipol ya wea i laekem tumas fo stap sef, oraet, bae mi kam nao fo sevem olketa.”

Sams 14:6

Olketa nogud pipol ya i laek fo spoelem tingting blong olketa pua pipol, bat Yawe hemi gohed fo gadem olketa.

Provebs 14:31

Man hemi mekful long puaman, hemi tingdaonem God hu hemi mekem man. Man hemi kaen long puaman, hemi tinghae long God.

Provebs 17:5

Man hemi mekful long puaman, hemi tingdaonem God hu hemi mekem man. Man hemi hapi long trabol blong nara man, bae hemi panis.

Provebs 18:23

Puaman save ask olowe. Risman save tokhad olowe.

Provebs 22:16

Wanfala man mekful long puaman fo kamap ris, narafala man givim presen long risman, tufala evriwan save lus.

Provebs 22:7

Risman kontrolem puaman. Man tekem kaon hemi slev blong man givim kaon.

Eklesiastes 5:8

Yu no sapraes sapos yu lukim olketa bikman i gohed fo mekful long olketa pua pipol, an stopem olketa fo no kasem raet blong olketa, an no jajem olketa long stretfala wei. Olketa bikman ya i no tinghevi long olketa pua pipol bikos olketa stap nomoa andanit long paoa blong narafala bikman moa hu i bos long olketa. Olketa narafala bikman ya tu i duim semsamting, bikos olketa tu i stap andanit long paoa blong olketa bos.

Aesaea 53:3

Evriwan i les long hem an tokspoelem hem. Plande taem hemi filnogud tumas, an hemi safa olowe nomoa. Ya, no eniwan nao hemi laek fo luk long hem. Yumi lukim hem olsem hemi samting nating nomoa.

Emos 4:1

(Profet) Yufala olketa ris woman long Samaria, yufala barava fat fogud olsem olketa buluka long Basan. Yufala mas lisin gudfala long disfala toktok. Oltaem yufala gohed fo tritim nogud olketa hu i no save faet, an yufala gohed fo daonem olketa pua pipol. An oltaem yufala tokstrong long olketa hasban blong yufala fo tekem kam staka waen fo yufala.

Emos 5:11

Oltaem, hemi olsem wea yufala step nomoa long olketa puaman an yufala stilim kaikai blong olketa tu long disfala wei wea yufala gohed fo ravem olketa. From diswan nao, bae yufala no save stap insaet long olketa haos wea yufala bin wakem long ston, an yufala no save dringim waen long olketa gudfala grep tri wea yufala bin plantem.

Habakuk 3:14

Taem ami blong hem bin kam olsem saekloun fo spoelem mifala, olketa bin gohed fo hapi olsem man hu hemi laekem fo mekem olketa pua pipol safa. Bat long datfala taem, yu bin sutim disfala lida long olketa aro blong hem seleva.

Sekaraea 7:10

Yufala mas no tritim nogud olketa wido, an olketa pikinini wea dadi blong olketa i dae finis, an olketa strensa wea i stap wetem yufala, an olketa puaman. An yufala mas no mekem plan fo spoelem narafala pipol.?

Gudnius abaotem Jisas Kraes wea Jon hemi raetem 8:49

Nao Jisas hemi sei, “Nomoa, no eni devol i stap long mi. Mi haemapem Dadi blong mi, bat yufala tokspoelem mi nomoa.

Aposol 13:50

Bat olketa bikman blong Jiu ya, olketa mekem olketa lida long taon ya wetem olketa bik woman hu i wosipim God fo agensim Pol an Banabas. An olketa mekem olketa pipol fo meksave long tufala an raosim tufala goaot from eria blong olketa.

Aposol 17:6

Bat taem olketa no faendem tufala ya, olketa kasholem nomoa Jeson an samfala nara Kristin moa, an olketa pulum olketa go stanap long frant blong olketa bikman blong taon ya. An olketa singaot bikfala olsem, “Tufala man wea tufala bin mekem tumas trabol long evri ples finis, tufala kam kasem taon blong yumi nao.

Aposol 18:12

Nao long disfala yia wea Galio hemi kamap Primia long provins long Akaea, olketa bikman blong Jiu olketa hipap tugeta an olketa kasholem Pol an tekem hem go long kot blong Primia.

Aposol 8:3

Bat Sol, hemi traehad fo finisim sios nao. Hemi go-goraon long olketa haos fo kasholem olketa man an olketa woman hu i biliv. An hemi putum olketa go insaet long prisin nao.

1 Korin 11:22

?Waswe, yufala no garem haos blong yufala seleva fo sidaon fo kaikai an dring long hem? !Yufala spoelem sios blong God ya, an yufala mekem olketa pipol wea olketa no garem eni kaikai fo filsem nao ya! ?Wanem nao bae mi talem yufala, bae mi tokhae long yufala? !Had tumas nao ya!

Jemes 5:4

!Yufala herem! Oltaem nomoa yufala ravem wejis blong olketa wakaman hu i waka long plantesin blong yufala. Diswan nao hemi barava somaot dat yufala rong. Masta hu hemi garem evri paoa, hemi herem finis komplen blong olketa wakaman blong yufala.

Jemes 5:6

Yufala ya, yufala bin jajem nogud olketa hu i no duim eni rong samting. An yufala bin kilim dae olketa tu, bat olketa no trae fo faet agensim yufala.