Jemes 2:25 - Pijin Bible

²⁵ Nao semkaen samting hemi hapen tu long disfala juri woman Rehab. Hemi letem tufala man blong Israel fo haed long haos blong hem, an hemi helpem tufala fo ranawe long deferen rod. Dastawe nao God hemi sei hemi stretfala woman.

Pijin Deuterocanon

²⁵ Nao semkaen samting hemi hapen tu long disfala juri woman Rehab. Hemi letem tufala man blong Israel fo haed long haos blong hem, an hemi helpem tufala fo ranawe long deferen rod. Dastawe nao God hemi sei hemi stretfala woman.

Jemes 2:25 Iomraidhean Croise

Matiu 1:5

an Salmon hemi dadi blong Boas wea mami blong hem nao Rehab, an Boas hemi dadi blong Obed wea mami blong hem nao Rut, an Obed hemi dadi blong Jese,

Matiu 21:31

“?So hu long tufala ya nao hemi duim wanem dadi blong tufala hemi laekem?” Nao olketa sei, “Faswan nao ya.” So Jisas hemi tok olsem long olketa nao, “Mi talem yufala tru samting nao, olketa man fo tekem taks an olketa juri ya, bae olketa nao fastaem long yufala fo go insaet long kingdom blong God.

Aposol 17:7

An Jeson nao hemi bin letem tufala fo stap long haos blong hem. Olketa evriwan olketa save agensim olketa lo blong bikfala King long Rom ya, wea olketa sei wanfala nara man nao hemi bikfala King, nem blong hem Jisas.”

Hibrus 11:31

Disfala juri Rehab hemi biliv long God, an dastawe hemi lukaftarem gud tufala man blong Israel hu i kam fo lukluk haed long Jeriko. Olsem, olketa no kilim hem dae wetem olketa pipol hu i no obeim God.

Jemes 2:18

Maet wanfala man hemi sei, “Samfala man biliv nomoa long God, an samfala moa i duim olketa gudfala samting.” Sapos hemi olsem, yufala som kam long mi, hao nao eniwan save biliv long God sapos hemi no duim eni gudfala samting. Mi nao bae mi som long yufala dat olketa gudfala samting mi duim hemi somaot mi biliv long God.

Jemes 2:22

Yufala luksave nao dat Ebraham hemi biliv long God an hemi duim gudfala samting. An disfala gud samting wea hemi duim, hem nao somaot strongfala biliv blong hem.

Jemes 2:24

So yufala lukim, man hemi save stret long ae blong God from olketa gudfala samting hemi duim, an i no long biliv nating nomoa.

Josua 2:1

Taem Josua wetem olketa narafala traeb blong Israel i gohed fo stap long ples blong olketa Akesia tri, hemi sendem tufala man fo go long Kenan fo lukluk haed long taon long Jeriko an olketa ples raonem. An taem tufala gohaed insaet long taon ya, an long naet, tufala go slip long haos blong wanfala juri woman, wea nem blong hem nao Rehab.

Josua 2:15

Haos blong woman ya hemi stap long antap, insaet long bikfala wolston blong taon ya. So hemi mekredi fo letem tufala fo goaot tru long windo blong wolston ya an godaon long wanfala rop.

Josua 2:16

Hemi tok olsem long tufala, “Yutufala mas go kuiktaem fo haed antap long hil, nogud olketa man blong paramaon sif i faendem yutufala. Yutufala mas stap long ples ya fo trifala de, nao bihaen, taem olketa man blong paramaon sif i kambaek, bae yutufala save gobaek.”

Josua 2:4

Bat woman ya hemi haedem tufala finis, nao hemi tok laea go long olketa olsem, “Hemi tru wea tufala man i kam long haos blong mi, bat mi nating save dat nao tufala man ya i kam from.

Josua 2:6

Bat Rehab hemi haedem tufala man ya antap long haos blong hem, andanit long olketa pasel gras wea hemi putum fo drae long san.

Josua 6:17

Yumi mas spoelem finis evrisamting wea hemi stap insaet long taon ya. Bae yumi mas barava bonem, mekem hemi olsem wanfala tambu ofaring go long Yawe. Disfala juri woman ya nomoa, Rehab, wetem evriwan long famili blong hem wea i stap long haos blong hem, olketa ya nao bae yumi no kilim olketa dae, bikos hemi bin haedem tufala man blong yumi.