Jemes 2:20 - Pijin Bible

²⁰ !Yufala krangge tumas! Sapos yufala biliv long God nomoa, bat yufala nating duim eni gudfala samting, diskaen biliv hemi yusles. Bae mi mekem yufala luksave long diswan.

Pijin Deuterocanon

²⁰ !Yufala krangge tumas! Sapos yufala biliv long God nomoa, bat yufala nating duim eni gudfala samting, diskaen biliv hemi yusles. Bae mi mekem yufala luksave long diswan.

Jemes 2:20 Iomraidhean Croise

Provebs 12:11

Man hemi waka had hemi garem plande kaikai, man hemi westem taem no garem gud tingting.

Jeremaea 2:5

Yawe nao hemi tok olsem, “!Olketa! ?Watkaen samting mi bin duim long olketa grani blong yufala long bifoa mekem olketa les long mi? Olketa bin wosipim olketa laea god wea i yusles, an olketa bin kamap yusles barava olsem olketa god ya tu.

Leta wea Pol hemi raetem go long sios long Rom 1:21

Bat nomata olketa save finis long God, olketa nating mekhae long hem olsem God, an olketa nating toktengkiu long hem. !Nomoa ya! No eni gud samting nao hemi stap insaet long tingting blong olketa, an maen blong olketa hemi barava tudak.

Leta wea Pol hemi raetem go long sios long Rom 3:28

Yumi save finis nao dat yumi save stret long ae blong God from yumi biliv nomoa, an i no from yumi falom Lo ya.

Leta wea Pol hemi raetem go long sios long Rom 9:20

Bat mi ansarem olsem, ?Yu tingse yu hu ya, mekem yu save tokbaek long God? Ating pot wea man hemi wakem long graon, hemi no save tokbaek long man ya olsem, “?Waswe nao yu mekem mi olsem?”

Galesia 5:6

Bikos taem eniwan hemi joen finis wetem Jisas Kraes, sapos man hemi kate o hemi no kate hemi samting nating nomoa ya. Bat bikfala samting nao hemi wei blong biliv wea hemi soaot long lav.

Galesia 6:3

An sapos wanfala man hemi tingse hemi bikman tumas, hemi trikim hem seleva nao bikos hemi man nating nomoa ya.

Kolosi 2:8

An yufala mas lukaot gud, nogud eniwan hemi kam an trikim yufala long ravis stori ya wea hemi barava tingting blong man nomoa. Olketa toktok olsem, olketa no kamaot long Kraes ya, bat olketa kamaot nomoa long olketa stori blong olketa olo an long olketa enikaen paoa long wol.

1 Timoti 1:6

Samfala pipol lusim olketa wei olsem, an olketa gohed nao fo tokabaotem olketa samting nating nomoa.

Taetas 1:10

Yu save, plande pipol hu i stap wetem yufala i agensim disfala tru tising. Plande long olketa nao i olsem. Man fo toktok nating, an man fo laea. Kaen man ya hemi plande long grup blong olketa hu i sei evriwan mas kate.

Jemes 1:26

Eniwan hu hemi tingse hemi falom wei blong God bat hemi no save kontrolem wanem hemi talem, hemi hadwaka nating nomoa ya, an hemi laea long hem seleva.

Jemes 2:17

Wei fo biliv hemi olsem tu. Sapos man hemi biliv nating nomoa an hemi no duim eni gudfala samting, diskaen biliv hemi dae finis ya.

Jemes 2:26

Bodi wea hemi no garem spirit long hem, hemi dae finis. Long sem wei, sapos man hemi biliv nating nomoa an hemi no duim eni gudfala samting, diskaen biliv hemi dae finis tu.