Jemes 2:16 - Pijin Bible

¹⁶ an yufala sei long hem, “Yu no wari tumas, yu go faendem kaleko an kaikai.” ?Waswe, yufala tingse diskaen toktok nating ya hemi save helpem hem? Nomoa ya. Yufala mas givim olketa samting fo helpem hem nao.

Pijin Deuterocanon

¹⁶ an yufala sei long hem, “Yu no wari tumas, yu go faendem kaleko an kaikai.” ?Waswe, yufala tingse diskaen toktok nating ya hemi save helpem hem? Nomoa ya. Yufala mas givim olketa samting fo helpem hem nao.

Jemes 2:16 Iomraidhean Croise

Matiu 15:32

Jisas hemi kolem olketa disaepol blong hem fo kam long hem an hemi sei, “Mi sore tumas long olketa pipol ya, bikos olketa stap wetem yumi fo trifala de finis, an olketa no garem eni kaikai nao. Mi no wande fo talem olketa fo gobaek long hom blong olketa taem olketa hanggre olsem, nogud olketa hafded long rod.”

Matiu 25:35

Taem mi hanggre, yufala nao givim kam kaikai long mi, an taem mi wande fo dring, yufala nao givim wata long mi. Taem mi no garem eni ples fo stap long hem, yufala nao tekem mi go long haos blong yufala,

Matiu 25:36

an taem mi no garem enisamting fo werem, yufala nao givim kaleko long mi. Taem mi sik, yufala lukaftarem mi, an taem mi stap long prisin, yufala nao kam fo lukim mi.’

Gudnius abaotem Jisas Kraes wea Mak hemi raetem 5:34

An Jisas hemi talem hem olsem, “Woman, biliv blong yu hemi mekem yu fo gudbaek moa. Yu go an yu no wari moa, bikos sik blong yu hemi finis from yu nao.”

Leta wea Pol hemi raetem go long sios long Rom 12:9

Taem yufala lavem olketa pipol, yufala mas barava minim. Yufala mas heitem wanem hemi ravis, an yufala mas holestrong long wanem hemi gudfala.

2 Korin 8:8

Mi no fosim yufala long diswan. Bat mi tokabaotem nomoa olketa sios hu i garem strongfala tingting fo helpem nara pipol, mekem mi save lukim sapos lav blong yufala hemi barava truwan tu.