Jemes 1:5 - Pijin Bible

⁵ Bat sapos eniwan long yufala hemi no garem gudfala tingting, hemi mas askem God. An bae God hemi save givim gudfala tingting long hem, bikos God hemi hapi tumas fo givim kam olketa samting, an hemi no save raosim olketa hu i askem hem.

Pijin Deuterocanon

⁵ Bat sapos eniwan long yufala hemi no garem gudfala tingting, hemi mas askem God. An bae God hemi save givim gudfala tingting long hem, bikos God hemi hapi tumas fo givim kam olketa samting, an hemi no save raosim olketa hu i askem hem.

Jemes 1:5 Iomraidhean Croise

1 Kronikols 22:12

Letem hem givim yu gudfala tingting an waes mekem yu save long evrisamting fo rul ovam Israel. Long wei olsem, bae yu save falom lo blong Yawe hu hemi God blong yu.

2 Kronikols 1:10

Plis, mi laekem fo yu givim waes an save long mi, mekem mi save lidim olketa pipol blong yu long stretfala wei. Sapos nomoa, bae mi no save rul ovarem olketa.”

Sams 51:6

Bat yu laekem tumas fo man hemi barava toktru olowe. Plis yu fulumapem maen blong mi long waes blong yu.

Eksodas 31:3

Yawe hemi mekem Spirit blong hem hemi fulap long Besalel an hemi givim finis save long hem, an hemi mekem hem fo save gudfala hao fo duim plande gudfala waka.

Eksodas 31:6

An mi siusim finis tu Oholiab, san blong Ahisamak long traeb blong Dan, mekem hemi helpem hem. An mi bin givim finis tu bikfala save long olketa narafala man mekem olketa save wakem evrisamting wea mi talem long yu.

Provebs 8:17

Lavem mi, bae mi lavem yu. Lukaotem mi, bae yu faendem mi.

Matiu 11:20

Bihaen, Jisas hemi stat fo tokdaonem olketa taon wea hemi bin mekem olketa mirakol long olketa nao, bikos olketa pipol long olketa taon ya olketa no save lusim nomoa ravis wei blong olketa.

Gudnius abaotem Jisas Kraes wea Mak hemi raetem 16:14

An bihaen, Jisas hemi som hem seleva moa long levenfala disaepol blong hem taem olketa kaikai. Hemi barava tokstrong long olketa, bikos olketa no biliv long hem, an bikos hed blong olketa barava dak tumas fo bilivim olketa pipol wea olketa bin lukim hem taem hemi laefbaek moa.

Gudnius abaotem Jisas Kraes wea Jon hemi raetem 14:13

An bae mi duim enisamting wea yufala askem long nem blong mi. Long wei ya nao, bae olketa luksave long saen blong bikfala paoa blong God bikos long San blong hem.

Gudnius abaotem Jisas Kraes wea Jon hemi raetem 15:7

Sapos yufala joen olowe long mi an olketa toktok blong mi hemi stap olowe long yufala, yufala save askem enisamting wea yufala laekem an bae God hemi givim long yufala.

Gudnius abaotem Jisas Kraes wea Jon hemi raetem 4:10

Nao Jisas hemi tok olsem long woman ya, “Yu no luksave nomoa long wanem God hemi laek fo givim kam ya, an yu no luksave long disfala man hu hemi askem yu fo lelebet wata ya. Sapos yu askem hem, bae hemi save givim wata wea hemi givim laef long yu.”

2 Korin 2:16

Long olketa hu i gohed fo lus, disfala smel hemi smel nogud tumas an hemi tekem kam dae long olketa. Bat long olketa hu God hemi gohed fo sevem olketa, hemi smel naes tumas an hemi tekem kam laef long olketa. ?So watkaen man nao hemi fitim diskaen waka?

Jemes 1:17

Evrisamting wea hemi gud tumas hemi save kamdaon from heven. God nao hemi givim kam olketa gudfala samting, an hemi no save sensim wei blong hem. Olketa samting long skae wea God hemi bin mekem fo saen kam, olketa save sens olowe, bat wei blong God, hemi no save sens.

Jemes 3:17

Nao man wea hemi garem disfala waes tingting wea hemi kam from God, hemi no save duim eni ravis samting. Hemi no fevarem samfala pipol nomoa, an hemi no trae fo laea long wei blong hem, an hemi no wande raoa. Bat hemi kuaet long wei blong hem, an hemi fren gudfala long evriwan, an hemi barava sore long pipol, an hemi duim evri gudfala samting fo evriwan.

Jemes 5:16

So yufala mas talemaot olketa sin blong yufala long yufala evriwan, an yufala mas prea fo eniwan long yufala hu hemi sik, mekem hemi gudbaek moa. Prea blong stretfala man, hemi barava garem paoa an hemi save helpem pipol.

1 Jon 3:22

An bae hemi givim enisamting wea yumi askem long hem, bikos yumi obeim olketa lo blong hem an duim wanem hemi hapi long hem.