Jajis 9:44 - Pijin Bible

⁴⁴ Grup blong sif ya i ran go fo gadem geit blong taon ya, an narafala tufala grup ya i faetem olketa pipol long olketa gaden, an olketa kilim dae evriwan blong Sekem.

Pijin Deuterocanon

⁴⁴ Grup blong sif ya i ran go fo gadem geit blong taon ya, an narafala tufala grup ya i faetem olketa pipol long olketa gaden, an olketa kilim dae evriwan blong Sekem.

Jajis 9:44 Iomraidhean Croise

Galesia 5:15

Bat sapos yufala gohed fo kros an fo faet olobaot nomoa long yufala seleva, yufala mas lukaot, nogud yufala spoelem yufala seleva finis.

Jajis 9:15

An hemi tok olsem, ‘Sapos hemi tru wea yufala barava laekem mi fo kamap sif blong yumi, hemi gud fo yufala kam haed long sado blong mi. Bat sapos yufala laea nomoa long mi, bae faea nao hemi kamaot long mi an bonem evri tri go kasem olketa nambawan sida tri blong Lebanon.’”

Jajis 9:20

Bat sapos nomoa, letem Abimelek bae hemi olsem faea an bonem yufala hu i mekem hem fo kamap sif, an wei blong yufala long Sekem an Bet-Milo bae hemi olsem faea wea hemi bonem Abimelek tu.”

Jajis 9:43

So hemi tekem olketa man blong hem, an hemi divaedem olketa long trifala grup, an olketa go fo haed long olketa gaden fo weitem olketa. Taem hemi lukim olketa pipol i kamaot long geit blong wolston blong taon ya, olketa lusim ples fo haed an olketa go fo faetem olketa.

Jajis 9:45

Abimelek an olketa wetem hem i faet agensim pipol insaet long taon ya fo wanfala fulde, go-go-go olketa kilim dae evriwan an holem taon ya. Olketa brekemdaon taon ya an torowem solt antap long hem fo som dat trabol bae kasem eniwan hu hemi stap moa long hem.