Jajis 8:6 - Pijin Bible

⁶ Bat olketa lida blong taon ya i tok olsem long hem, “?Waswe nao bae mifala givim kaikai long yufala? !Yufala no holem tufala sif ya yet!”

Pijin Deuterocanon

⁶ Bat olketa lida blong taon ya i tok olsem long hem, “?Waswe nao bae mifala givim kaikai long yufala? !Yufala no holem tufala sif ya yet!”

Jajis 8:6 Iomraidhean Croise

Jenesis 37:25

Nao taem olketa gohed fo kaikai, olketa lukim wanfala grup long olketa bisnisman long laen blong Ismael, wea olketa stat kam long Gilead an gohed fo wakabaot go long Ijip. Olketa kamel blong olketa i karim staka kago long olketa samting olsem meresin an olketa narasamting moa wea hemi smel naes tumas.

Jenesis 37:28

So taem olketa bisnisman blong Midian ya i kam kolsap, olketa go long wel ya an pulumaot Josef moa, an salem hem go long olketa bisnisman ya fo tuenti silva seleni, an olketa ya i tekem hem go long Ijip nao.

1 Kings 20:11

Bat king blong Israel hemi talem olketa fo tok long King Ben-Hadad olsem, “Soldia wea hemi jes stat fo faet hemi no save tokpraod olsem soldia hu hemi bin winim faet finis.”

2 Kings 14:9

Bat King Jehoas hemi ansarem hem long wanfala tokpiksa olsem, “Bifoa, wanfala nilagras long Lebanon hemi sendem toktok go long wanfala bikfala tri long Lebanon, hemi tok olsem, ‘Hemi gud fo yu givim kam dota blong yu, mekem hemi maritim san blong mi.’ Bat wea, wanfala wael buluka hemi go step long nilagras ya an brekem hem.”

Provebs 18:23

Puaman save ask olowe. Risman save tokhad olowe.

Filipae 2:21

Olketa narawan tingim olketa seleva nomoa, an no save lukaftarem olketa samting wea Jisas Kraes hemi laekem.

Jajis 5:23

Enjel blong Yawe hemi tok olsem, ‘Trabol mas kasem pipol blong Meiros. Bae God hemi panisim pipol blong Meiros, bikos olketa nating wande helpem olketa soldia blong Yawe long faet.’

Jajis 8:15

Gidion hemi go long olketa man blong Sukot, hemi tok olsem long olketa, “?Ei, yufala tingim wei wea yufala bin tokspoelem mifala? Yufala bin tok olsem, ‘?Waswe nao bae mifala givim kaikai long yufala? !Yufala no kasholem tufala sif ya yet!’ !Lukim go, tufala nao ya!”

Jajis 8:5

Nao taem olketa kasem taon long Sukot, hemi askem kaikai long olketa blong taon ya. Hemi ask olsem, “Ei, plis yufala givim samfala kaikai long mifala. Mifala traehad fo kasholem Paramaon sif Seba an Paramaon sif Salmuna, tufala sif blong laen blong Midian, bat mifala hanggre tumas an hemi mekem mifala filtaet.”