Jajis 8:4 - Pijin Bible

⁴ Oraet, Gidion wetem 300 soldia blong hem i go long narasaet long Jodan Riva. An olketa gohed fo ronem ami blong Midian nomata olketa filtaet tumas.

Pijin Deuterocanon

⁴ Oraet, Gidion wetem 300 soldia blong hem i go long narasaet long Jodan Riva. An olketa gohed fo ronem ami blong Midian nomata olketa filtaet tumas.

Jajis 8:4 Iomraidhean Croise

2 Korin 4:16

Dastawe mifala no givap long waka. Nomata bodi blong mifala hemi go-go fo dae, bat tru laef blong mifala hemi gohed fo kamap niu moa evri de.

Galesia 6:9

So yumi mas no taet fo duim olketa gud samting ya. An sapos yumi no givap long diswan, bae yumi save tekem olketa gudfala samting wea i redi finis long barava taem blong hem.

Jajis 7:25

Olketa long Efrem i kasholem tufala long olketa sif blong Midian, wea nem blong tufala, Blak Igol an Wael Dog. Oraet Blak Igol ya, olketa katemaot hed blong hem kolsap long wanfala bikfala ston wea bihaen olketa kolem ston ya Blak Igol. An Wael Dog ya, olketa katemaot hed blong hem long ples fo wakem waen wea bihaen olketa kolem ples ya Wael Dog. Olketa gohed yet fo ronem disfala ami blong Midian. An olketa tekem hed blong tufala sif ya go long Gidion hu hemi stap finis narasaet long Jodan Riva.

Jajis 8:3

?Waswe long tufala sif blong Midian, Blak Igol an Wael Dog? God hemi putum tufala long han blong yufala. ?Watkaen samting nao mifala bin duim wea hemi barava gud tumas olsem?” An taem hemi tok olsem, olketa ya i no kros moa long hem.

1 Samuel 30:8

Deved hemi talem hem fo askem Yawe, “?Waswe, bae mi go bihaen long olketa wea i spoelem mifala? ?An sapos mifala go, bae mifala save kasem olketa?” Yawe hemi som ansa long hem long tambu efod olsem, “Bae yu save sevem olketa pipol blong yu. Yu go bihaen long olketa, bae yu save kasem olketa, an yu save tekem kambaek olketa pipol wea olketa tekem.”