Jajis 8:10 - Pijin Bible

¹⁰ Oraet, Paramaon sif Seba an Paramaon sif Salmuna wetem olketa soldia blong tufala i go stap long Kakoa. Fastaem olketa soldia long ami blong Midian wea i bin kamaot long drae eria long ist i staka tumas, bat pipol blong Israel i kilim dae 120,000 soldia. So tufala sif ya i garem 15,000 soldia nomoa wetem tufala.

Pijin Deuterocanon

¹⁰ Oraet, Paramaon sif Seba an Paramaon sif Salmuna wetem olketa soldia blong tufala i go stap long Kakoa. Fastaem olketa soldia long ami blong Midian wea i bin kamaot long drae eria long ist i staka tumas, bat pipol blong Israel i kilim dae 120,000 soldia. So tufala sif ya i garem 15,000 soldia nomoa wetem tufala.

Jajis 8:10 Iomraidhean Croise

2 Kings 3:26

Nao taem king blong Moab hemi lukim dat olketa lus nomoa, hemi tekem 700 soldia wea i save yusim naef fo faet, an olketa trae fo goaot long faet kolsap long king blong Idom, bat hemi had tumas fo olketa goaot.

2 Kronikols 13:17

King Abaeja wetem ami blong Jiuda i barava spoelem olketa, go-go olketa kilim dae 500,000 strongfala soldia blong Israel.

2 Kronikols 28:8

Nomata pipol blong Jiuda i wantok long pipol blong Israel, olketa soldia blong Israel i kasholem 200,000 woman an pikinini blong Jiuda, an tekem olketa go long Samaria. An olketa tekem go plande gudfala samting blong olketa tu.

Aesaea 37:36

Enjel blong Yawe hemi kam long ples wea olketa soldia blong Asiria i stap, an hemi kilim dae 185,000 long olketa. Taem olketa pipol i wekap long moning, seknomoa olketa lukim nao bodi blong olketa soldia wea i dae finis.

Aesaea 9:4

Ya, mifala hapi tumas bikos yu tekemaot finis hevi wea olketa enemi blong mifala i fosim mifala fo karim, an yu brekem finis wip wea olketa wipim mifala long hem. Yu spoelem olketa finis olsem yu bin spoelem finis olketa soldia blong Midian bifoa.

Jajis 20:17

Bat olketa narafala traeb blong Israel i garem 400,000 soldia hu i savegud hao fo faet, an olketa evriwan i garem naet fo faet.

Jajis 20:2

Nao evri sif blong evri traeb blong Israel i hipap tugeta wetem olketa pipol. An namba long olketa soldia hemi 400,000, an olketa evriwan i garem naet fo faet.

Jajis 20:25

Bat long mektu de blong faet ya, ami blong Benjamin hemi kamaot moa long Gibea an kilim dae 18,000 soldia hu i garem naet fo faet.

Jajis 20:35

Nao Yawe hemi mekem ami blong Israel hemi winim ami blong Benjamin, an long de ya 25,100 soldia blong Benjamin hu i garem naet fo faet nao i dae.

Jajis 20:46

Namba long ami blong Benjamin wea i dae long datfala de hemi 25,000 soldia hu i savegud hao fo faet an olketa evriwan i garem naet fo faet.

Jajis 6:5

Olketa kam wetem olketa animol blong olketa an olketa famili blong olketa. So olketa pipol an olketa kamel blong olketa i kavaremap evri ples olsem anis wea no eniwan save kaontem nao. Evri ples wea olketa go long hem, olketa mas spoelem.

Jajis 7:12

Olketa ami wea i stap long bikfala flat ples ya nao hemi olsem, ami blong Midian wetem ami blong Amalek, an ami blong olketa long drae eria long saet long ist. Olketa ya i staka tumas olsem anis wea hemi kavaremap olketa ples. An olketa kamel blong olketa evriwan i plande tumas tu olsem sanbis long saetsi.

Jajis 7:13

Oraet, taem Gidion kasem datfala ples hemi herem wanfala man blong Midian hemi stori long fren blong hem abaotem wanfala drim blong hem. Hemi tok olsem, “Ya man, mi drim dat mi lukim wanfala bred wea olketa wakem long bali, bat wea, hemi rol kamdaon long hil long yumi olsem wanfala bikfala ston, an hemi bangam wanfala haostent blong yumi, so hemi foldaon an hemi barava nogud tumas.”

Jajis 8:11

Nao Gidion an olketa wetem hem i falom rod long saet blong drae eria long ist saet blong tufala taon Noba an Jogbeha. Oraet, olketa faetem ami blong Midian bat long datfala taem olketa soldia blong Midian i seke bikos olketa no redi fo faet.