Jajis 7:4 - Pijin Bible

⁴ Yawe hemi tok olsem moa long Gidion, “Olketa man ya i staka tumas yet ya. Yu mas tekem olketa evriwan fo godaon long wata, an long ples ya nao bae mi divaedem olketa. Sapos mi tok olsem long yu, ‘Man ya hemi no fitim,’ bae hemi no save go. Bat sapos mi tok olsem, ‘Man ya hemi fitim’, bae hemi go fo faet.”

Pijin Deuterocanon

⁴ Yawe hemi tok olsem moa long Gidion, “Olketa man ya i staka tumas yet ya. Yu mas tekem olketa evriwan fo godaon long wata, an long ples ya nao bae mi divaedem olketa. Sapos mi tok olsem long yu, ‘Man ya hemi no fitim,’ bae hemi no save go. Bat sapos mi tok olsem, ‘Man ya hemi fitim’, bae hemi go fo faet.”

Jajis 7:4 Iomraidhean Croise

Jenesis 22:1

Nao bihaen long taem ya, God hemi traem biliv blong Ebraham. Hemi tok olsem long hem, “Ebraham.” An Ebraham hemi ansa olsem, “Ya. Mi long hia.”

Stori abaotem Job 23:10

Nomata olsem, God hemi save long ples wea hemi save faendem mi. An taem hemi testem wei blong mi, bae hemi lukim dat laef blong mi hemi barava stret nomoa.

Sams 33:16

Maet olketa soldia blong wanfala king i save strong tumas, bat olketa no save sevem king ya. An maet hemi garem wanfala strongman wea hemi barava strong fogud, bat hem tu hemi no save win long strong blong hem seleva.

Sams 66:10

God, yu bin testem mifala finis fo mekem laef blong mifala klin, olsem man wea hemi bonem silva fo tekemaot ravis long hem.

Sams 7:9

Yu God nao yu stret tumas, an yu luksave long olketa tingting blong mifala an olketa samting wea mifala laekem. So plis yu stopem olketa ravis wei blong olketa nogud pipol ya, an givim gudfala samting long olketa pipol hu i duim olketa gudfala samting.

Jajis 7:5

So Gidion hemi tekem olketa evriwan godaon long wata fo dring. An Yawe hemi tok olsem long hem, “Yu divaedem olketa hu i dring long han blong olketa from olketa narafala grup hu i nildaon, an putum hed blong olketa go long wata fo dring.”

1 Samuel 14:6

Oraet, Jonatan hemi tok olsem long yangfala soldia wetem hem, “Bae yumitufala gotru long narasaet fo kasem olketa hiden man wea i no kate. Maet Yawe hemi helpem yumi. An sapos hemi help, nomata yumitufala nomoa, o yumi plande, no enisamting save stopem Yawe fo mekem yumitufala winim faet ya.”

1 Samuel 16:7

Bat Yawe hemi tok olsem long hem, “Yu no tingabaotem hem, nomata hemi tolfala man an hemi luknaes. Mi no laekem hem, bikos wei blong mi fo lukluk long pipol hemi no olsem wei blong man. Man hemi lukluk long bodi nomoa, bat mi Yawe mi lukluk insaet long haat blong hem.”