Jajis 7:19 - Pijin Bible

¹⁹ Long midol long naet, taem olketa soldia blong Midian hu i gadem ples i sens, Gidion wetem 100 man blong hem i kasem nao saet long datfala ples fo raonem. Den olketa bloum trampet blong olketa, an olketa brekem olketa pot blong olketa mekem laet long hem hemi saenaot.

Pijin Deuterocanon

¹⁹ Long midol long naet, taem olketa soldia blong Midian hu i gadem ples i sens, Gidion wetem 100 man blong hem i kasem nao saet long datfala ples fo raonem. Den olketa bloum trampet blong olketa, an olketa brekem olketa pot blong olketa mekem laet long hem hemi saenaot.

Jajis 7:19 Iomraidhean Croise

Sams 2:9

Bae yu kilim olketa pipol ya long wanfala longfala pis aean, an bae yu brekem olketa long olketa smolfala pisis, olsem glas wea hemi brek.’”

Sams 90:4

Long yu, 1,000 yia hemi olsem nomoa wanfala de, hemi olsem yestade wea hemi gopas finis, an hemi olsem wan aoa long naet, wea hemi gopas kuiktaem nomoa.

Eksodas 14:24

Bat barava long eli moning yet, Yawe hu hemi stap long bikfala faea ya an long bikfala klaod ya, hemi luk kamdaon long ami blong Ijip, an hemi mekem olketa krangge.

Matiu 25:6

“Bat kasem long midol long naet nomoa, wanfala man hemi singaot olsem kam nao, ‘!Olketa! !Man fo marit ya hemi kam nao, yufala kam fo mitim hem!’

1 Tesalonaeka 5:2

Bikos yufala seleva yufala savegud finis wea Masta blong yumi bae hemi kambaek long eni de nomoa, olsem man fo stil save kam enitaem nomoa long naet.

Revelesin 16:15

(Jisas hemi tok olsem, “!Yufala lisin gudfala! !Bae mi kambaek long yufala, olsem man fo stil hemi save kam! Man hu hemi lukaot olowe an hemi lukaftarem gud kaleko blong hem, bae hemi hapi long taem ya. Bikos hemi no neket, an bae hemi no filsem long ae blong olketa pipol.”)

Jajis 7:16

Den Gidion hemi divaedem 300 man blong hem long trifala grup, an hemi givim trampet an pot wea olketa wakem long graon long olketa evriwan. Evriwan i garem laet wea hemi gohed fo bone insaet long pot.

Jajis 7:18

Yumi mas stanap raonem ples blong olketa. An taem mi wetem grup blong mi, mifala bloum trampet, bae yufala tu mas bloum trampet, an yumi mas barava singaot bikfala olsem, ‘!Yawe an Gidion nao mas winim faet!’”

Jajis 7:20

Semtaem nomoa, tufala narafala grup ya tu i duim olsem. Olketa bloum trampet an brekem olketa pot. Olketa evriwan i holem laet long lefhan an trampet long raethan, an olketa gohed fo singaot bikfala olsem, “!Kilim olketa dae! !Kilim olketa dae! !Yawe an Gidion nao mas winim faet!”