Jajis 7:15 - Pijin Bible

¹⁵ Taem Gidion hemi herem drim ya an mining blong hem, hemi nildaon fo mekhae long Yawe. Den hemi kambaek long ami blong hem an hemi singaot olsem, “!Yumi go! !Mi save nao dat Yawe hemi putum finis ami blong Midian long han blong yumi!”

Pijin Deuterocanon

¹⁵ Taem Gidion hemi herem drim ya an mining blong hem, hemi nildaon fo mekhae long Yawe. Den hemi kambaek long ami blong hem an hemi singaot olsem, “!Yumi go! !Mi save nao dat Yawe hemi putum finis ami blong Midian long han blong yumi!”

Jajis 7:15 Iomraidhean Croise

Jenesis 24:48

So mi baodaon, an mi preisim Yawe, bikos hemi God blong masta blong mi, Ebraham, an hemi tekem mi kam stret long haos blong laen blong masta blong mi. Nao mi lukim wanfala gele hu hemi grani blong brata blong masta blong mi wea bae san blong masta blong mi hemi save maritim.”

Jenesis 40:8

An tufala tok olsem, “Yu save, lasnaet, mitufala drim, bat no eni man long ples ya hemi save talemaot mining blong tufala drim ya long mitufala.” Nao hemi tok olsem long tufala ya, “God seleva nomoa hemi garem paoa fo talemaot mining blong drim. Bat yutufala traem fo talem kam tufala drim ya long mi.”

Jenesis 41:11

Wanfala naet, mitufala i drim, an mining blong tufala drim blong mitufala ya hemi barava narakaen olketa nao.

Jajis 3:28

Nao hemi tok olsem, “!Yufala kam falom mi! Yawe hemi putum finis laen blong Moab long han blong yumi.” So olketa falom hem godaon long ples wea rod hemi krosim Jodan riva. An olketa no letem eni man blong Moab fo hemi go akros long riva fo go long Moab.

Jajis 4:14

Oraet, Debora hemi singaot go long Barak olsem, “!Yufala go nao! !Tude, bae Yawe hemi mekem yufala fo winim olketa ya bikos hem nao lidim yufala long faet ya! !Hemi putum finis Sisera andanit long paoa blong yumi!” So Barak hemi lidim godaon 10,000 soldia blong hem from maonten long Teboa.

Jajis 7:11

An taem yu herem wanem samfala soldia blong Midian i talem, bae tingting blong yu hemi kamap strong moa fo winim olketa.” So Gidion wetem Pura tufala godaon haed kolsap long olketa gadhaos blong ami blong Midian.

Jajis 7:14

Den fren blong hem hemi tok olsem, “Sei, hem nao naef fo faet blong disfala bikman blong Israel, Gidion san blong Joas. Hemi no eni deferen samting moa ya. Bae God hemi putum yumi Midian long han blong hem.”

Jajis 7:16

Den Gidion hemi divaedem 300 man blong hem long trifala grup, an hemi givim trampet an pot wea olketa wakem long graon long olketa evriwan. Evriwan i garem laet wea hemi gohed fo bone insaet long pot.

Jajis 8:7

Nao hemi tok olsem long olketa, “Hem oraet nomoa. Taem Yawe hemi putum tufala sif ya long han blong mi, bae yufala lukim wanfala samting. Bae mi tekem ropnila blong drae eria an bae mi kam wipim yufala long hem.”

1 Samuel 1:28

So mi kam fo givim disfala pikinini gobaek long Yawe. An oltaem long laef blong hem, bae hemi wakaman blong Yawe.” Nao olketa wosipim Yawe long Saelo.

1 Samuel 14:12

So olketa kol go long tufala olsem, “!Ei! !Yutufala kam! !Mifala laek fo mekem yutufala save long samting!” Den Jonatan hemi tok olsem long yangfala soldia ya, “!Taem nao ya! Yu bihaen long mi. Yawe hemi givim olketa finis long paoa blong yumi blong Israel.”