Jajis 7:13 - Pijin Bible

¹³ Oraet, taem Gidion kasem datfala ples hemi herem wanfala man blong Midian hemi stori long fren blong hem abaotem wanfala drim blong hem. Hemi tok olsem, “Ya man, mi drim dat mi lukim wanfala bred wea olketa wakem long bali, bat wea, hemi rol kamdaon long hil long yumi olsem wanfala bikfala ston, an hemi bangam wanfala haostent blong yumi, so hemi foldaon an hemi barava nogud tumas.”

Pijin Deuterocanon

¹³ Oraet, taem Gidion kasem datfala ples hemi herem wanfala man blong Midian hemi stori long fren blong hem abaotem wanfala drim blong hem. Hemi tok olsem, “Ya man, mi drim dat mi lukim wanfala bred wea olketa wakem long bali, bat wea, hemi rol kamdaon long hil long yumi olsem wanfala bikfala ston, an hemi bangam wanfala haostent blong yumi, so hemi foldaon an hemi barava nogud tumas.”

Jajis 7:13 Iomraidhean Croise

1 Korin 1:27

God hemi barava minim kam nao fo siusim olketa pipol wea long lukluk blong man olketa no garem save, mekem olketa waes pipol olketa save filsem. An hemi siusim olketa pipol wea long lukluk blong man olketa wikdaon tumas, mekem olketa hu i garem paoa olketa save filsem.

Jajis 3:15

Nao olketa krae go moa long Yawe. So hemi makem wanfala sif fo sevem olketa. Nem blong hem nao, Ehud, san blong Gera long traeb blong Benjamin. Man ya hemi save yusim lefhan. Nao pipol blong Israel i putum taks long han blong hem fo sendem go long Paramaon sif Eglon.

Jajis 3:31

Bihaen moa, Samga, san blong Anat, hemi sevem tu pipol blong Israel. Hemi sevem olketa olsem taem hemi kilim dae 600 man blong Filistia long wanfala sap stik wea olketa yusim fo lidim olketa buluka.

Jajis 4:21

Nao Sisera hemi barava taet fogud, an hemi dip slip. Bat wea, Jael hemi go tekem wanfala hama wetem wanfala sotfala sap stik blong haostent. An hemi wakabaot isi go kolsap long ples wea man ya hemi slip. Den hemi hamarem stik ya go insaet long hed blong hem go-go hemi kamaot long graon. So man ya dae nao.

Jajis 4:9

Nao Debora hemi tok olsem, “Oraet, bae mi kam wetem yufala. Bat nomata yu winim faet bae yu no save garem biknem from faet ya. Hemi olsem bikos Yawe bae putum Sisera long han blong wanfala woman.” So tufala go long Kedes.

Jajis 6:15

Bat Gidion hemi tok olsem, “?Sore Masta, hao nao bae mi save sevem olketa? Mifala long famili blong Abiesa nao i wik tumas long traeb blong Manase. An mi man nating nomoa long famili blong mi.”

Jajis 7:12

Olketa ami wea i stap long bikfala flat ples ya nao hemi olsem, ami blong Midian wetem ami blong Amalek, an ami blong olketa long drae eria long saet long ist. Olketa ya i staka tumas olsem anis wea hemi kavaremap olketa ples. An olketa kamel blong olketa evriwan i plande tumas tu olsem sanbis long saetsi.

Jajis 7:14

Den fren blong hem hemi tok olsem, “Sei, hem nao naef fo faet blong disfala bikman blong Israel, Gidion san blong Joas. Hemi no eni deferen samting moa ya. Bae God hemi putum yumi Midian long han blong hem.”

Jajis 8:10

Oraet, Paramaon sif Seba an Paramaon sif Salmuna wetem olketa soldia blong tufala i go stap long Kakoa. Fastaem olketa soldia long ami blong Midian wea i bin kamaot long drae eria long ist i staka tumas, bat pipol blong Israel i kilim dae 120,000 soldia. So tufala sif ya i garem 15,000 soldia nomoa wetem tufala.