Jajis 7:1 - Pijin Bible

^1-3 Nao Jerub-Baal, hu hemi Gidion, wetem olketa soldia blong hem i getap long eli moning an olketa go fo stap kolsap long springwata long Harod. Olketa stap kolsap long hil wea olketa kolem Gilead. An ami blong Midian hemi stap long narasaet long bikfala flat ples long Jesreel long not, kolsap long wanfala hil wea nem blong hem nao More. Yawe hemi tok olsem long hem, “Gidion. Ami blong yu hemi bik tumas, mi no save yusim olketa fo winim ami blong Midian. Sapos olketa win, bae olketa tingse olketa nao win long paoa blong olketa seleva nomoa. An bae olketa no save tinghae long mi. Yu mas tok olsem long evriwan, ‘!Olketa! !Sapos samfala long yufala i fraet tumas, olketa ya save gobaek long ples blong olketa!’” So taem Gidion hemi tok olsem long evriwan, 22,000 man nao i gobaek long ples blong olketa, 10,000 nomoa i stap wetem hem.

Pijin Deuterocanon

^1-3 Nao Jerub-Baal, hu hemi Gidion, wetem olketa soldia blong hem i getap long eli moning an olketa go fo stap kolsap long springwata long Harod. Olketa stap kolsap long hil wea olketa kolem Gilead. An ami blong Midian hemi stap long narasaet long bikfala flat ples long Jesreel long not, kolsap long wanfala hil wea nem blong hem nao More. Yawe hemi tok olsem long hem, “Gidion. Ami blong yu hemi bik tumas, mi no save yusim olketa fo winim ami blong Midian. Sapos olketa win, bae olketa tingse olketa nao win long paoa blong olketa seleva nomoa. An bae olketa no save tinghae long mi. Yu mas tok olsem long evriwan, ‘!Olketa! !Sapos samfala long yufala i fraet tumas, olketa ya save gobaek long ples blong olketa!’” So taem Gidion hemi tok olsem long evriwan, 22,000 man nao i gobaek long ples blong olketa, 10,000 nomoa i stap wetem hem.

Jajis 7:1 Iomraidhean Croise

Jenesis 12:6

olketa wakabaot go long Sekem. Nao olketa go kasem wanfala bikfala olfala tri wea hemi stap long wanfala tambuples wea olketa kolem More. Long taem ya, olketa laen blong Kenan olketa stap yet long ples ya.

Jenesis 22:3

Long eli moning yet long neks de, Ebraham hemi go katem faeawud fo bonem sakrifaes, an hemi putum goap long baeksaet blong dongki blong hem. Nao hemi tekem pikinini blong hem ya wetem tufala wakaman blong hem, an olketa gohed fo wakabaot go long ples ya wea God hemi bin talem hem.

2 Samuel 23:25

Sama an Elika, tufala man blong Harod,

Sams 83:9

Plis yu winim olketa long faet olsem wea yu bin winim olketa pipol blong Midian bifoa, an olsem wea yu bin duim long tufala man ya Sisera an Jabin, long faet ya long Kison Riva.

Eklesiastes 9:10

Yumi mas barava wakahad gudfala long evrisamting wea yumi duim. Taem yumi go long ples blong man dae, bae yumi no waka, o tingting, o garem save, o garem waes.

Diutronomi 11:30

Yu save, tufala maonten i stap narasaet Jodan Riva long west, long eria blong laen blong Kenan wea i stap long vali blong Jodan Riva. Tufala maonten ya i stap long saet long rod fo go long west wea hemi gopas long olketa tambu tri long ples long More, kolsap long taon long Gilgal.

Josua 3:1

Eli moning long neks de, Josua wetem evri pipol blong Israel i getap an lusim ples ya blong olketa Akesia tri an go fo stap kolsap long Jodan Riva. Olketa weit long ples ya fo katkros go long narasaet.

Josua 6:12

Eli moning long neks de, Josua hemi getap, an hemi tekem olketa fo maas raonem taon ya moa, an olketa duim olsem wea olketa bin duim long fas de. Olketa falom sem laen wea olketa bin gohed fo falom long fas de.

Jajis 6:32

So, stat long datfala taem, Joas hemi kolem Gidion long narafala nem olsem Jerub-Baal, wea hemi minim, “Letem Baal sensimbaek” bikos Gidion nao hemi brekemdaon datfala olta blong Baal.

Jajis 6:33

Nao ami blong Midian wetem ami blong Amalek, an ami blong olketa long drae eria long saet long ist i kam tugeta olsem wanfala bikfala ami blong Midian. An olketa evriwan i krosim Jodan riva an stap tugeta long bikfala flat ples long Jesreel.

Jajis 6:40

Nao long naet ya, God hemi duim olsem wanem hemi askem. Skin blong sipsip ya hemi drae, bat graon raonem hemi barava tuwet.

Jajis 8:29

Bihaen long taem wea faet hemi finis, Jerub-Baal hemi gobaek long ples blong hem, an hemi stap long ples ya go-go hemi kamap olo.

1 Samuel 12:11

So Yawe hemi sendem Gidion, an Bedan, an Jefta, an laswan nao hemi sendem mi. Hem nao hemi tekem yufala aot from paoa blong olketa enemi blong yumi, dastawe nao yufala stap gud.

1 Samuel 29:1

Oraet, ami blong Filistia i hipap tugeta long taon long Afek, an olketa soldia blong Israel i go putumap olketa haostent kolsap long wanfala springwata long Jesreel Vali.