Jajis 6:10 - Pijin Bible

¹⁰ Long datfala taem, mi tok olsem long yufala, ‘Mi nao Yawe, God blong yufala, so yufala mas no tinghae long olketa laea god blong laen blong Amoa, nomata yufala stap long lan blong olketa. Bat yufala nating herem nomoa toktok blong mi.’”

Pijin Deuterocanon

¹⁰ Long datfala taem, mi tok olsem long yufala, ‘Mi nao Yawe, God blong yufala, so yufala mas no tinghae long olketa laea god blong laen blong Amoa, nomata yufala stap long lan blong olketa. Bat yufala nating herem nomoa toktok blong mi.’”

Jajis 6:10 Iomraidhean Croise

2 Kings 17:13

Yawe hemi bin sendem olketa profet blong hem fo go wonem pipol blong Israel an pipol blong Jiuda olsem, “Yufala mas lusim olketa ravis wei blong yufala. Yufala mas obeim olketa toktok an tising blong mi wea i stap finis long Lo blong mi wea mi talemaot long olketa olo blong yufala bifoa. Olketa wakaman blong mi, olketa profet, olketa nao bin kam fo talemaot long yufala.”

2 Kings 17:33

Olketa pipol ya i wosipim Yawe, bat olketa falom olketa narafala god blong olketa tu, barava olsem kastom blong olketa long olketa ples wea olketa stap kam fastaem.

2 Kings 17:7

Olketa samting ya i hapen olsem, bikos olketa pipol i gohed fo sin agensim Yawe God blong olketa hu hemi bin tekemaot olketa from Ijip, mekem olketa no stap andanit long paoa blong king blong Ijip. Olketa gohed nomoa fo wosipim olketa narafala god.

Nehemaea 9:29

“Yu bin gohed fo wonem olketa, mekem olketa tane kambaek long yu fo obeim lo blong yu, bat olketa bin praod tumas, an olketa les fo obeim olketa toktok ya blong yu. Sapos man hemi obeim olketa rul ya blong yu, hemi save garem gudfala laef. Bat nomata olsem, olketa bikhed tumas, an olketa tanem baeksaet long lo ya, an olketa les fo lisin an fo obeim yu.

Eksodas 34:12

Yufala mas no mekem eni agrimen fo stap gudfala wetem olketa pipol long lan wea bae yufala go long hem, nogud hemi olsem wanfala trap fo spoelem yufala.

Eksodas 34:14

“Yufala mas no wosipim eni narafala god, bikos mi Yawe nao mi les fo yufala tinghevi long eni narafala god.

Provebs 5:13

Mi nating obeim tisa blong mi o herem olketa tok blong hem.

Jeremaea 10:2

Yawe nao hemi tok olsem, “Yufala mas no falom wei blong olketa pipol blong olketa narafala kantri. An yufala mas no fraet long eni bikfala saen wea hemi kamaot long skae, nomata man long olketa narafala kantri i fraet long hem.

Jeremaea 17:23

Bat olketa grani ya i les fo lisin long olketa toktok blong mi. Olketa bikhed tumas an no laek fo obeim mi. An sapos mi panisim olketa fo tisim olketa fo obeim, olketa ya i les fo herem an gohed fo no obeim mi.

Jeremaea 3:13

Bat yufala mas luksave dat yufala fitim fo panis nao. Yufala gohed fo no obeim mi, an gohed fo mekem sin agensim mi, an wosipim olketa narafala god andanit long sado blong evri gudfala tri.’”

Jeremaea 3:25

Mifala barava sem tumas nao long olketa samting wea mifala duim. Mifala wetem olketa olfala grani tu barava sin agensim yu Yawe, God blong mifala. Stat kam longtaem bifoa ka-kam kasem tude, mifala no obeim yu.”

Jeremaea 42:21

So mi talemaot finis long yufala evrisamting wea hemi talem, bat yufala no obeim yet olketa samting ya wea hemi sendem mi fo kam talemaot long yufala.

Jeremaea 43:4

So Johanan wetem olketa komanda blong ami, an olketa narafala pipol tu, olketa evriwan i les fo obeim nao olketa toktok blong Yawe, wea olketa mas stap nomoa long Jiuda.

Jeremaea 43:7

Long wei wea olketa go long Ijip nao, olketa les fo obeim toktok blong Yawe. An olketa go-go kasem taon long Tapanes.

Jeremaea 9:13

Nao Yawe hemi tok olsem, “Mi duim olsem bikos olketa les finis long lo blong mi, wea mi givim long olketa. Olketa no obeim mi. Olketa no falom nomoa gudfala wei long lo blong mi.

Sefenaea 3:2

Yufala no save lisin long Yawe. Taem hemi tok fo stretem yufala, yufala no obeim hem. Yufala no trastem Yawe, an yufala no go kolsap long God blong yufala.

Leta wea Pol hemi raetem go long sios long Rom 10:16

Bat i no evri pipol blong Israel nao olketa biliv long Gudnius ya. Hemi olsem Aesaea hemi talem insaet long Buktambu, “?Masta, haomas pipol nao i bin bilivim nius blong mifala?”

Hibrus 5:9

An taem waka blong hem hemi finis nao, Jisas hemi sevem olketa pipol hu i falom hem, fo olketa laef olowe nao.

Josua 24:15

Distaem sapos yufala no laek fo falom hem, yufala mas siusim wanem god nao yufala laekem. Sapos yufala laek fo falom olketa laea god ya blong olketa pipol blong Mesopotemia, wea olketa grani blong yumi bifoa i bin wosipim olketa, hemi saet blong yufala nao. O sapos yufala laek fo falom olketa laea god blong olketa long laen blong Amoa wea yumi stap long lan blong olketa distaem, hemi saet blong yufala tu. Bat mi, wetem olketa long famili blong mi, bae mifala falom nomoa Yawe.”

Jajis 2:2

An yufala mas no mekem eni agrimen wetem olketa pipol wea i stap long disfala eria long Kenan an yufala mas brekemdaon evri olta blong olketa hiden.’ Bat yufala nating duim olketa samting wea mi talem. ?Waswe nao yufala duim olsem?

Jajis 6:9

Ya, mi mekem olketa grani fo go fri from Ijip. An bihaen, mi tu mi helpem olketa long taem olketa laen blong Kenan i gohed fo faetem yufala. Mi nao ronem olketa enemi blong yufala an mi givim lan blong olketa long yufala.