Jajis 5:6 - Pijin Bible

⁶ “Long taem blong Samga, san blong Anat, an long taem blong Jael, olketa pipol laek fo falom olketa smolfala rod nomoa, bikos olketa bikfala rod i no sef.

Pijin Deuterocanon

⁶ “Long taem blong Samga, san blong Anat, an long taem blong Jael, olketa pipol laek fo falom olketa smolfala rod nomoa, bikos olketa bikfala rod i no sef.

Jajis 5:6 Iomraidhean Croise

2 Kronikols 15:5

“Long datfala taem, hemi no sef fo wakabaot go long narafala ples, bikos plande kaen trabol hemi stap long evri ples.

Sams 125:5

Bat taem yu panisim olketa nogud pipol ya, plis yu panisim tu olketa hu i lusim olketa gudfala wei blong yu. Lod Yawe, hemi gud tumas sapos yu mekem mifala long Israel fo garem gudfala laef. (Olketa singim disfala singsing taem olketa goap fo fist long Jerusalem.)

Aesaea 33:8

No eniwan hemi falom nao olketa rod long kantri ya bikos hemi nating sef nao fo wakabaot falom. An olketa brekem finis evri agrimen wea olketa mekem wetem olketa pipol long narafala kantri, an no eniwan hemi save tinghae moa long olketa pipol hu i kipim promis ya.

Jeremaea 6:25

Yumi no save go aotsaet long olketa open ples, o wakabaot long rod, bikos olketa enemi ya i redi finis fo kilim yumi dae. Ya, plande samting fo mekem yumi fraet fogud, hemi stap evriwea raonem yumi.’”

Lamentesin 1:4

Olketa rod go long taon ya i emti, an sore tumas, bikos no eniwan nao save kam moa long olketa bikde long hem. Olketa geit blong hem tu i emti an olketa prist tu i gohed fo kraeaot. Olketa gele blong hem i safa, an maonten long Saeon hemi kamap nogud tumas.

Lamentesin 4:18

Olketa enemi gohed fo aftarem yumi, mekem yumi no save wakabaot insaet long taon. Hemi kamap klia wea taem blong yumi hemi finis nao.

Levitikas 26:22

Bae mi sendem go olketa wael animol long ples blong yufala, mekem olketa kilim dae olketa pikinini blong yufala, wetem olketa animol blong yufala. So tu-tri nomoa long yufala bae i laef, go-go bae no eniwan hemi stap fo wakabaot long olketa rod blong yufala.

Maeka 3:12

From olketa ravis wei blong yufala, bae Yawe hemi tekem kam olketa enemi blong yumi fo spoelem bikfala taon long Jerusalem. Bae olketa mekem datfala taon fo kamap olsem bikfala hip long olketa ston blong haos. Bae hemi olsem wea olketa ya i digim graon long tambu maonten long Saeon wea distaem Tambuhaos blong Yawe hemi stap long hem, an mekem datfala ples fo kamap olsem ples fo gaden nomoa. An bae bikfala bus nao hemi kavaremap maonten ya.

Jajis 3:31

Bihaen moa, Samga, san blong Anat, hemi sevem tu pipol blong Israel. Hemi sevem olketa olsem taem hemi kilim dae 600 man blong Filistia long wanfala sap stik wea olketa yusim fo lidim olketa buluka.

Jajis 5:7

Olketa vilij i kamap emti. Ya, laef long vilij hemi kamap nogud go-go kasem taem wea mi, Debora, mi kamap bikwoman olsem mami blong Israel.