Jajis 5:3 - Pijin Bible

³ !Olketa sif, yufala lisin! !Olketa bikman, yufala lisin kam gudfala! Bae mi ringim gita an singim wanfala singsing fo preisim Yawe, God blong Israel.

Pijin Deuterocanon

³ !Olketa sif, yufala lisin! !Olketa bikman, yufala lisin kam gudfala! Bae mi ringim gita an singim wanfala singsing fo preisim Yawe, God blong Israel.

Jajis 5:3 Iomraidhean Croise

Jenesis 6:17

Bae mi sendem kam wanfala bikfala wata tumas fo kam long wol ya fo draonem evrisamting ya wea hemi laef, fo finisim olketa. Evrisamting long wol ya bae olketa dae.

Jenesis 9:9

“Distaem mi mekem wanfala spesol promis long yufala wetem olketa pikinini wea bae i bon kam long laen blong yufala,

1 Kings 18:22

Nao hemi tok moa olsem, “Baal hemi garem 450 profet, bat mi nomoa mi stap long olketa profet blong Yawe.

1 Kings 19:10

An hemi ansa olsem, “Lod Yawe, yu garem evri paoa. Oltaem nomoa mi barava tinghevi tumas long yu. Bat pipol blong Israel i les long spesol agrimen blong yu. Olketa bin brekemdaon olketa olta blong yu, an olketa bin kilim dae olketa profet blong yu. Mi nomoa mi stap an olketa traehad fo kilim mi dae tu.”

1 Kings 19:14

An hemi ansa olsem, “Lod Yawe, yu garem evri paoa. Oltaem nomoa mi barava tinghevi tumas long yu. Bat pipol blong Israel i les long spesol agrimen blong yu. Olketa bin brekemdaon olketa olta blong yu, an olketa bin kilim dae olketa profet blong yu. Mi nomoa mi stap an olketa traehad fo kilim mi dae tu.”

Esra 7:21

“Mi, King Atasekses, mi talem disfala strong toktok long olketa bikman blong mi hu i lukaftarem olketa seleni long provins ya long west saet blong Yufretis Riva. Sapos Prist Esra hu hemi tisa long buk blong Lo blong God long heven, hemi kam askem enisamting long yufala, bae yufala mas givim samting ya long hem kuiktaem.

Sams 119:46

Bae mi save talemaot nomoa olketa tising blong yu long olketa king, an bae mi no save sem.

Sams 146:2

Oltaem long laef blong mi, bae mi gohed fo preisim Yawe. Hemi God blong mi, an oltaem bae mi gohed fo singsing fo preisim hem.

Sams 27:6

Nao bae mi winim olketa enemi blong mi wea i stap raonem mi. An bae mi go long Tambu Haostent blong Yawe, an taem mi mekem sakrifaes go long hem, bae mi singaot bikfala bikos mi hapi tumas. Ya, bae mi singsing fo preisim hem.

Sams 61:8

Oltaem, taem mi gohed fo ofarem go olketa sakrifaes wea mi bin promisim long yu, bae mi singsing fo preisim yu. (Singsing blong Deved.)

Eksodas 31:6

An mi siusim finis tu Oholiab, san blong Ahisamak long traeb blong Dan, mekem hemi helpem hem. An mi bin givim finis tu bikfala save long olketa narafala man mekem olketa save wakem evrisamting wea mi talem long yu.

Levitikas 26:28

oraet, bae mi kros fogud an agensim yufala moa. An bae mi dabolem moa panis blong yufala winim bifoa.

Diutronomi 32:1

“Skae an graon, yutufala herem toktok blong mi, yutufala lisingud long olketa samting wea bae mi talem.

Diutronomi 32:3

!Bae mi preisim nem blong Yawe! !Yumi evriwan mas preisim hem bikos hemi hae fogud!

Jajis 5:7

Olketa vilij i kamap emti. Ya, laef long vilij hemi kamap nogud go-go kasem taem wea mi, Debora, mi kamap bikwoman olsem mami blong Israel.