Jajis 5:22 - Pijin Bible

²² Long datfala taem, olketa hos blong Sisera i ran go. Ya, lek blong olketa i hamarem graon taem olketa ranawe.

Pijin Deuterocanon

²² Long datfala taem, olketa hos blong Sisera i ran go. Ya, lek blong olketa i hamarem graon taem olketa ranawe.

Jajis 5:22 Iomraidhean Croise

Stori abaotem Job 39:19

?Waswe Job, yu nao yu mekem olketa hos fo strong tumas? ?O yu nao yu putum olketa longfala hea bihaen long nek blong hos?

Sams 20:7

Samfala pipol i gohed fo trastem ami blong olketa, an samfala pipol moa i gohed fo trastem olketa samting fo faet, bat yumi ya, yumi trastem nomoa Yawe hu hemi God blong yumi.

Sams 33:17

Maet king hemi garem plande bikfala hos fo faet, bat olketa no save mekem hem win. An nomata olketa strong fogud, bat olketa no save sevem hem tu.

Aesaea 5:28

Olketa sapanem finis olketa aro blong olketa, an redi nao fo sut long olketa bou blong olketa. En long lek blong olketa hos blong ami ya hemi strong tumas olsem ston, an olketa wil blong kaat fo faet i ran kuiktaem tumas olsem saekloun.

Jeremaea 47:3

bikos olketa herem noes blong olketa hos wea i resis kam, an noes from wil blong olketa kaat fo faet. Taem olketa ranawe, olketa dadi kamap wik tumas long fraet, mekem olketa kanduit stop fo helpem olketa pikinini.

Jeremaea 47:4

Taem hemi kam nao fo spoelem finis olketa pipol blong Filistia. Ya, bae Yawe hemi kilim dae olketa ya hu i kamaot long aelan long Krit bifoa. Bae hemi duim olsem, mekem olketa no save helpem tufala taon long Taea an Saedon long Fonisia.

Jeremaea 8:16

Olketa enemi blong yumi i kasem finis taon long Dan, an hemi olsem yumi save herem bikfala noes blong olketa hos fo faet blong olketa. Hemi olsem graon blong yumi hemi seksek from bikfala ami wea i raed kam long hos. Olketa enemi blong yumi i gohed fo kam nao long ples blong yumi, fo spoelem olketa graon blong yumi wetem evrisamting long hem, an fo spoelem bikfala taon blong yumi, wetem olketa pipol wea i stap long hem.”

Esikiel 27:14

“Olketa blong kantri long Bet-Togama gohed fo mekem bisnis wetem yu, bikos olketa peim olketa gudfala samting blong yu long olketa hos fo waka, an olketa hos fo faet, an olketa hafkas dongki.

Maeka 4:13

Yawe nao hemi tok olsem, “!Olketa pipol blong Jerusalem! !Yufala go an spoelem olketa! Bae mi mekem yufala strong olsem man buluka wea hon blong hem, hemi olsem aean, an lek blong hem long daon, hemi olsem bras. An bae yufala step long olketa pipol long plande kantri olsem buluka hemi step long wit fo aotem skin blong hem. An evrisamting wea olketa bin winim long faet, bae yufala save givim kam long mi Yawe, hu mi Masta blong evri pipol long wol.”