Jajis 4:4 - Pijin Bible

⁴ Long datfala taem, Debora hu hemi waef blong Lapidot hemi wanfala woman profet. Debora hemi gohed fo lidim pipol blong Israel.

Pijin Deuterocanon

⁴ Long datfala taem, Debora hu hemi waef blong Lapidot hemi wanfala woman profet. Debora hemi gohed fo lidim pipol blong Israel.

Jajis 4:4 Iomraidhean Croise

2 Kings 22:14

Nao wanfala woman profet hemi stap, wea nem blong hem Hulda. An hasban blong hem hemi Salum. Salum hemi lukaftarem olketa kaleko blong Tambuhaos, an hemi san blong Tikva hu hemi san blong Hahas. Profet Hulda hemi stap kam long niufala seksin blong Jerusalem wea olketa kolem Mektu Eria. Hilkaea, an Ahikam, an Akboa, an Safan, an Asaea i go lukim Hulda, an talem evrisamting ya long hem.

Nehemaea 6:14

O God blong mi. Plis yu no fogetem tufala Tobaea an Sanbalat, an olketa samting wea tufala ya mekem agensim mi. An plis yu tingim tu disfala woman profet Noadaea wetem olketa narafala profet wea olketa bin trae fo mekem mi fraet.

Eksodas 15:20

Profet Miriam, sista blong Eron, hem wetem olketa narafala woman hu i go bihaen long hem, olketa tekem olketa smolfala dram, an olketa gohed fo plei long olketa dram ya, an olketa gohed fo dans.

Esikiel 13:17

Yawe hemi gohed fo tok olsem long mi, “Man blong graon. Luk go long olketa woman blong pipol blong yu hu i gohed fo talemaot olketa laea profesi falom tingting blong olketa seleva. Yu mas talemaot disfala profesi blong mi agensim olketa.

Maeka 6:4

Taem olketa grani blong yufala bifoa i waka olsem slev long Ijip, mi nao mi tekemaot olketa from datfala ples fo kamap fri. Mi nao mi sendem go Mosis, an Eron, an Miriam fo lidim olketa kambaek.

Gudnius abaotem Jisas Kraes wea Luk hemi raetem 2:36

An wanfala olowoman tu hemi stap wea nem blong hem Ana. Disfala woman ya, hemi wanfala profet tu ya, an hemi dota blong Faniuel wea hemi bon kam long traeb blong Asa. Taem hemi yang yet, hemi marit fo sevenfala yia nomoa,

Aposol 21:9

An hemi garem fofala gele hu olketa no marit yet, wea olketa save talemaot olketa mesij blong God.

1 Korin 11:5

Bat sapos wanfala woman hemi no kavarem hed blong hem taem hemi prea o talemaot mesij blong God, hemi daonem hasban blong hem nao. Hemi wankaen wetem woman wea olketa katemaot evri hea blong hem finis.

Galesia 3:28

So no enisamting hemi deferen long olketa pipol hu i stap joen wetem Jisas Kraes, nomata olketa Jiu o olketa i no Jiu, nomata olketa slev o olketa i stap fri nomoa, nomata olketa man o olketa woman. Yufala evriwan i kamap wanfala nomoa.

Jajis 4:3

Sif ya hemi garem 900 kaat fo faet wea i garem aean wil. An pipol blong Israel i stap andanit long paoa blong sif ya fo tuenti yia. Long datfala taem, hemi mekem pipol blong Israel barava safa tumas. So olketa krae go long Yawe fo hemi helpem olketa.

Jajis 4:5

Hemi save stap long ples blong pam tri blong hem wea hem stap long midol long tufala taon, Rama an Betel, long olketa maonten long lan blong traeb blong Efrem. An olketa pipol hu i garem raoa i save kam lukim hem mekem hemi stretem trabol blong olketa.

Jajis 5:1

Long datfala taem, Debora an Barak, tufala wakem wanfala singsing. Singsing ya hemi olsem,