Jajis 4:3 - Pijin Bible

³ Sif ya hemi garem 900 kaat fo faet wea i garem aean wil. An pipol blong Israel i stap andanit long paoa blong sif ya fo tuenti yia. Long datfala taem, hemi mekem pipol blong Israel barava safa tumas. So olketa krae go long Yawe fo hemi helpem olketa.

Pijin Deuterocanon

³ Sif ya hemi garem 900 kaat fo faet wea i garem aean wil. An pipol blong Israel i stap andanit long paoa blong sif ya fo tuenti yia. Long datfala taem, hemi mekem pipol blong Israel barava safa tumas. So olketa krae go long Yawe fo hemi helpem olketa.

Jajis 4:3 Iomraidhean Croise

Sams 106:42

Olketa ya gohed fo spoelem olketa, go-go olketa barava safa tumas andanit long han blong olketa.

Sams 50:15

Yufala mas kolem mi long taem blong trabol, an bae mi sevem yufala, an yufala bae mekhae long mi.”

Sams 78:34

An evri taem wea hemi kilim dae samfala long olketa, olketa wea i stap yet, i tanem tingting blong olketa an gobaek moa long hem, an olketa prea strong moa go long hem.

Eksodas 2:23

Plande yia hemi gopas, nao king blong Ijip hemi dae, bat olketa traeb blong Israel i gohed fo filnogud tumas long olketa hadwaka wea olketa gohed fo duim. Oltaem olketa gohed fo kraeaot long God, bikos olketa laekem tumas fo hemi helpem olketa. An prea blong olketa hemi go kasem God.

Diutronomi 28:29

Long midol long de, bae yufala pusum han hemi go olobaot olsem blaen man, an bae yufala no save faendem rod wea yufala wande go long hem. An evrisamting wea yufala duim bae hemi nogud. Olowe nomoa, olketa enemi blong yufala bae i mekful long yufala, an ravem yufala, an no eniwan save sevem yufala.

Diutronomi 28:33

Bae yufala wakahad tumas fo plantem olketa gaden blong yufala, bat olketa man blong narafala kantri bae i kam tekemaot olketa kaikai blong hem. An oltaem nomoa, bae olketa gohed fo barava mekful nogud long yufala.

Josua 17:16

Bat olketa tok olsem, “Olketa ples long olketa hil ya hemi no fitim mifala an mifala no save stap long flat ples tu. Olketa pipol blong Kenan long Bet-San wetem olketa vilij wea i stap raon long olketa, an olketa wea i stap long vali long Jesreel i strong tumas bikos olketa garem olketa kaat fo faet wea olketa mekem long aean.”

Jajis 10:10

So, pipol blong Israel i krae go long Yawe an olketa prea olsem, “Lod Yawe, yu God blong mifala. Mifala barava duim olketa samting wea i nogud long ae blong yu taem mifala wosipim olketa tambu kaving blong Baal.”

Jajis 10:16

So olketa lusim olketa deferen god wea olketa bin wosipim, an olketa wosipim nomoa Yawe. Nao Yawe hemi filsore long pipol blong Israel bikos olketa safa tumas.

Jajis 3:15

Nao olketa krae go moa long Yawe. So hemi makem wanfala sif fo sevem olketa. Nem blong hem nao, Ehud, san blong Gera long traeb blong Benjamin. Man ya hemi save yusim lefhan. Nao pipol blong Israel i putum taks long han blong hem fo sendem go long Paramaon sif Eglon.

Jajis 3:9

Bat bihaen, olketa long Israel i krae go long Yawe fo helpem olketa, nao hemi makem wanfala sif fo hemi sevem olketa from enemi blong olketa. Man ya hemi Otniel wea dadi blong hem hemi Kenas hu hemi smol brata blong Kelab.

Jajis 4:13

hemi redim 900 kaat fo faet wetem olketa soldia blong hem, an hemi sendem olketa go aot long Haroset-Ha-Goeim fo go long Kison Riva.

Jajis 4:4

Long datfala taem, Debora hu hemi waef blong Lapidot hemi wanfala woman profet. Debora hemi gohed fo lidim pipol blong Israel.

Jajis 5:8

Taem pipol blong Israel i siusim olketa narafala god, faet hemi kamap, bat no eniwan long olketa 40,000 soldia blong Israel hemi garem spia o sil fo faet.

Jajis 6:6

Pipol blong Israel i lusim evrisamting an no save stopem olketa. So olketa krae go long Yawe fo helpem olketa.

1 Samuel 7:8

So olketa tok olsem long profet, “!Plis yu no stop! Plis yu mas gohed fo prea long Yawe hu hemi God blong yumi, mekem hemi sevem yumi from olketa blong Filistia.”